Waeburania 6:5 - Pokomo

⁵ Wedzionea wao wenye hu wema wa chuuwo cha Muungu, na weziona hizi nguvu za ut̯awala wa Muungu.

Waeburania 6:5 ပူးပေါင်းရင်းမြစ်များ

Matayo 12:32

Yuḍejwonse aneneye chuuwo kizuka dzuu yangu mimi Mwana jwa Ad̯amu anaweza kuyatsijwa. Ela muntu akimukufuru Ruhu Mudheru nkawezi kuyatsijwa huju huju lumwengu na hat̯a lumwengu jwijokudzani.

Marko 6:20

Herod̯e ekimushooga Yohana koro ewa kamanya kwamba ni muntu muhachi na mugulufu, ndookomu ekimuchinga. Herod̯e ekitsaka muno kumupfindiiya Yohana, ela kula akimusikiiya mojowe unamutsowa raha.

Luka 8:13

Mbeju zigwiyezo maweni ni dza hawaḍe weonakisikiiya chuuwo cha Muungu na wakachipfokea na tsekea. Ela kwa kwamba hichi chuuwo ntachikungora myojoni mwao, wanahikiza kwa mweedha t̯u. Na wakipatwa ni maḍemo, iyo saa wanaziyekeza faro zao.

Waefeso 6:17

Upfokeyeni mupfonyo wa Muungu amumpiyeo, uwe dza nkofia ya chuma ya kumuchinga kitswa. Na gijani hichi chuuwo cha Muungu kiwe dza yupfanga mwijonapfegwa ni Ruhu Mudheru.

Waeburania 11:3

Faro ndiyo ihupfiyeyo kuimuka kwamba, huju lumwengu juumbwa kwa chuuwo cha Muungu. Ndookomu hivi vivyonaonekana, viumbwa kuyawana na hiviḍe visivyoonekana na matso.

Waeburania 2:5

Muungu nkakuweka malaika wawe wat̯awala wa huju lumwengu yupfya judzejokudza, hwijokuneneani.

Waeburania 4:12

Chuuwo cha Muungu chaa mojo, kisa kina nguvu nyinji. Kina makai hat̯a kuchia kisu chicho na makai kuwii. Kinahuna-huna kikanjia hat̯a kwiko mojo na ruhu na kwiko mifufa na mbuju. Na kinayanga wema ambu uzuka wa mat̯aro na t̯amaa za mwanaad̯amu.

1 Pet̯ero 1:25

Ela chuuwo cha Muungu kinakaa maishi.” Na hichi ndicho chuuwo kisumwiijwecho kwenu.

1 Pet̯ero 2:3

koro mumaut̯at̯a wema wa Ḅwana.

2 Pet̯ero 2:20

Koro wantu wakiyatsa mazuka ya lumwengu kwa kumuhikiza Yesu Kirist̯o dza Ḅwana na mupfonya jwao, makisa wakidziyatsa wahekwe ni lumwengu kawii, hachi wantu dzao wanawa d̯inani zaid̯i kuchia hiviḍe wevyokuwa d̯ura.