Waeburania 6:19 - Pokomo

¹⁹ Haya haya madzikwat̯yo ni dza nanga nziho ya kuikumiiza hi myojo yehu. Haya madzikwat̯yo yehu, yaa kwa huyuḍe achiiye na humu mwa huju yukangadzi jwa hi *Hekalu ya mbinguni, akinjia hapfaḍe pfantu pfadheru pfa mwiso pfe Hekalu.

Waeburania 6:19 ပူးပေါင်းရင်းမြစ်များ

Matayo 27:51

Pfapfo, huju yukangadzi jufungijwejo humuḍe Hekaluni juḅaika na kahi, hangu dzuu mumpaka nsii. Hi nsi yonse ihehema na myamba iḅaika,

Mahendo 23:6

Paulo epfoona ya kwamba wangine wa hi gasa wewa *Masad̯ukayo na wangine wewa *Mafarisayo, kanena na idzwi kuu kamba, “Wandugu zangu, mimi ni Mufarisayo, mwana jwa Mafarisayo. Maana niyehejweyo hapfa d̯ubini ni kwa dzambo ḍya kwamba nina madzikwat̯yo kwamba hawa wafwiyeo wadzafufujwa!”

Mahendo 27:29

Wekishooga ya kwamba hichi chombo kitsekwenda chikagonge myamba, ndookomu wasusya nanga nee na huku nsezi na wekiyomba ya kwamba nsi iche haraka.

Mahendo 27:40

Ndookomu wazihuna hizi nkamba zifungijwezo na hizi nanga na waziyatsa hizi nanga zizame ḅaharini. Wazifunguya na hizi nkamba zifungijwezo na haya mapae yeyoyakitumika dza sukani. Makisa wafunga hiḍi hanga dzuu na huku usoni ya hichi chombo ili hi mpepfo ichipfiike usoni hichi chombo na waḍabva kwenda geri ya ḅahari.

Warumi 4:16

Ndiyo maana kumuhikiza Muungu ndiḍyo dzambo muhimu. Muungu kaihuwekea hi ahad̯iye ḅure, ndookomu ni ahad̯i iyo na uhakika. Hi hii ahad̯i si ya hawaḍe weo na *Sharia t̯u, ela nza hat̯a hawaḍe wasio na Sharia wamuhikiziyeo Muungu dza Iburahimu. Koro Iburahimu ndiye huyu baba jwa wonse weonamuhikiza Muungu.

Warumi 4:18

Hi hiḍe ngera, Iburahimu ewa na chima cha myaka gana. Ela nkakufwa mojo, kagija kumuserefat̯a Muungu t̯u hat̯a ingawa edzimanya kwamba kamaawa jarisa ghogho, na mukaziwe ewa ni nd̯at̯a. Muungu epfomuahid̯i Iburahimu kwamba anawa baba jwa vyeet̯i vinji, na kwamba yuvyeejwe junawa yukuu dza hizi nyoha, Iburahimu kamuserefat̯a Muungu, ingawa dzambo dzaḍyo ḍinaonekana kwamba ntaḍiwezi kuhendeka. Na Iburahimu kadzakawa baba jwa vyeet̯i vinji ḍugha.

Warumi 5:4

Kuit̯isa kunahupfa nguvu za kugija kuwa na myenendo myema, na myenendo myema inahwongezea madzikwat̯yo yehu ya kupata mupfonyo.

1 Wakorint̯o 13:13

Dza viivyo haya mambo mohahu, yani faro, madzikwat̯yo na matsako, ntaya mwiso. Na dzambo kuu ḍya mwiso ni matsako.

1 Wakorint̯o 15:58

D̯ubva wandugu watsakwa, sumamani kiyume na mutset̯et̯eleka. Dziyavyeni kuihenda kazi ya Ḅwana kut̯wa, mukimanya ya kwamba hweka ḍyenu kwa kazi ya Ḅwana ntaḍiwezi kuhika ḅasi.

Waefeso 2:6

Jeje kahufufuya dza hiviḍe vya Kirist̯o na kahupfa kukaa pfamodza nae mbinguni kwa kwamba hwaa hariani mwa Kirist̯o.

Wakolosai 1:27

Muungu kaona vyema kuiwapfenwiiya wantuwe hi hii ngadzi, ili waweze kumanya kwamba hu ni mupangowe mukuu, wiiwo na maana muno kwa hat̯a wantu wa vyeet̯i vingine. Na hu mupangowe ni kwamba Kirist̯o aishi myojoni mwenu, ili muweze kuwa na uhakika kwamba mudzawa pfamodza nae maremboni mwakwe.

Wakolosai 3:1

Kwa kwamba mupfegwa maisha mapfya dza vya *Kirist̯o afufukiyevyo na akiwa na maisha mapfya, jwaniani kudzapata haya mema yeyo mbinguni, hukuḍe kwa Kirist̯o akaiyeko mukono kuyume wa Muungu.

2 Timoteo 2:19

Ela Muungu kaḍisumamisa hiḍi tsanganiko ḍyakwe dza musinji mumu gu usiosukusika. Na hu musinji woregwa hivi vyuuwo hivi: “Ḅwana kamanya weo wakwe.” Na kawii woregwa hivi: “Yuḍejwonse ambiye njwa Ḅwana, ni had̯i ayayatse mazukaye.”

Waeburania 4:16

D̯ubva nahumudzie Muungu mut̯ei pfasipfo oga. Jeje anahuyanga wemawe na t̯eiye hwipfonawa mad̯inani.

Waeburania 9:3

Kisa kuwekwa yukangadzi. Ukichia huju yukangadzi unanjia hichi chumba cha pfii chichochikihanwa Pfantu Pfadheru pfa Mwiso.

Waeburania 9:7

Ela eyeakinjia na kuyawa hapfa pfantu pfadheru pfa mwiso, ni huyu *Mukohani Mukuu jeje heket̯u. Nae ekinjia na kuyawa mweedha mumodza t̯u kwa mwaka. Ekinjia na mwazi wa waḍondo wayavijweo mvuugiya kwa dzambo ḍya nabviseze na nabvise za hawa wantu wahendeyezo pfasipfo kuvimanya.

1 Pet̯ero 1:3

Nahumuyavizeni ḍuḍa Muungu, eye Baba jwa Ḅwana jwehu Yesu Kirist̯o; koro kahufwiya t̯ei muno, hat̯a kahupfa maisha mapfya. Kwa dzambo ḍya kwamba kamufufuya Yesu Kirist̯o kuyawa kwa wafu, kahupfa madzikwat̯yo makuu.