Waeburania 6:17 - Pokomo

¹⁷ Muungu ekitsaka kuviwawekea wazi hawaḍe awawekeyeo ahad̯i, kwamba, nkawezi kuvunza ahad̯i yakwe meshi, ndookomu nae kawayapfia.

Waeburania 6:17 ပူးပေါင်းရင်းမြစ်များ

Yohana 10:10

Mwivi nkadziye ḍingine, kaziye ni kukwiwa, kunanga-nanga na kudziyagia ḅasi. Ela mimi nidzia kuwapfa wantu maisha ya ḍugha, kisa wawe nayo hat̯a na kufwachaa!

Warumi 11:29

Koro Muungu akisakumutsana muntu na akimuvodhya, nkanaviperuya kawii avimumpe yungine.

Warumi 8:17

Kwa kwamba hu wanawe, ḅasi hizi mvoni aziwawekeeyezo wantuwe hunazipata, na hunazipfokea pfamodza na Kirist̯o, kwa kwamba kula kintu cha Muungu amumpiyecho Kirist̯o, naswi pia nchehu. Ela hukitsaka kunjia maremboni pfamodza na Kirist̯o, ni had̯i hukuḅali kukunta d̯ina dza viviḍe vyakwe akuntiyevyo d̯ina.

Wagalatia 3:29

Na kwa kwamba mu wamodza na Kirist̯o, ḅasi mu wana wa Iburahimu, na mudzaipfokea hi ahad̯i aimuwekeeyo Iburahimu hangu iiḍe.

Waefeso 1:11

Kula dzambo Muungu anaḍihenda dza evyonatsaka. Jeje kahuna kuhutsana hangu kae na kae huwe wantuwe kwa kuhungiza hariani mwa Kirist̯o.

Waeburania 11:7

Kwa kwamba Nuhu ewa kamuserefat̯a Muungu, kauḅa hayaḍe ya Muungu amwambiiyeyo dzuu ya mambo yadzeyohendeka, asiyodzayaona na matso. Kaelekanya safina ya kuipfonyea nyumbaye dza vya Muungu amwambiiyevyo. Kwa faroye, Nuhu kayanga uzuka wa wantu wa huju lumwengu, na Muungu kamuhwaa dza muntu muhachi kwa dzambo ḍya faroye.

Waeburania 11:9

Kwa kumuserefat̯a Muungu, Iburahimu kakaa dza mugeni hiḍe nsi ya Muungu aahid̯iyeyo kuimumpa. Kaishi mahemani pfamodza na aḍe Isaka na Yakobo, weokuwa wa kupfegwa ao nae hiviḍe vya Muungu aahid̯iyevyo.

Waeburania 6:12

Sit̯aki muwe wantu wasiotsaka kuhenda kintu, ela natsaka muwe dza hawaḍe weonahikiza na wakait̯isa, kisa wakapfokea hayaḍe ya Muungu aahid̯iyeyo kuwapfa.

Waeburania 6:16

Benaad̯amu wakwakuyapfani wanayapfa kwa sari ḍya muntu eye dzuu yao. Na muntu akisa kuyapfa t̯u, kunawa ntaku yuḍaat̯o kawii.

Waeburania 6:18

D̯ubva haya mambo mowii haya, yani ahad̯i ya Muungu na kuyapfa kwakwe, ntakuwezi kuperuka, koro Muungu nkanene nsuwe. Ndookomu swiswi hud̯aramiyeo kwakwe ili huwe salama, hi ahad̯i yakwe inahungiza mojo muno huyagije haya madzikwat̯yo ahupfiyeyo.

Yakobo 1:17

Kula chicho chema na kisicho kapet̯a kinayawa kwa Muungu, aumbiye hiḍi dzuwa, mwezi na nyoha. Ela Muungu jeje nkakwaa dza hiḍi dzuwa, mwezi na nyoha, vivyonaperuka-peruka. Na wala nkakwaa dza vivwii vivyonaperuka-peruka!

Yakobo 2:5

Wandugu zangu watsakwa, nisikiiyani! Muungu katsana hawa weonahwajwa kuwa wantu makowesa wa huju lumwengu na kawahendeza kuwa majabva ya faro. Na ndiwo wadzeouḍala uhajuwe aahid̯iiyeo hawaḍe wonse wamutsakiyeo.

1 Pet̯ero 1:3

Nahumuyavizeni ḍuḍa Muungu, eye Baba jwa Ḅwana jwehu Yesu Kirist̯o; koro kahufwiya t̯ei muno, hat̯a kahupfa maisha mapfya. Kwa dzambo ḍya kwamba kamufufuya Yesu Kirist̯o kuyawa kwa wafu, kahupfa madzikwat̯yo makuu.

1 Pet̯ero 3:7

Nywinywi wayume nanywi, ikaani na umpowe na wakazenu, mukimanya kwamba wake ni viumbe vidhaifu. Wahileni, koro hi t̯ola ya Muungu ya maisha ya kuunga na yuungo, wanaipfokea pfamodza nanywi. Mukikaa nao dza hivi, ntakuwe na kiḍechonse cha kut̯iidhya mayombo yenu kusikijwa.