Waeburania 6:10 - Pokomo

¹⁰ Muungu anahendea wantu hiḍe ya hachi. Nkawezi kwaarerwa hi kazi yenu muhendeyeyo ambu matsako mumuyangiyeyo kwa namuna mwivyowagijiija na mwivyokuwagijiijani hawa Wakirist̯o wenzenu.

Waeburania 6:10 ပူးပေါင်းရင်းမြစ်များ

Matayo 10:42

Yuḍejwonse adzeehwaa nangaa chikombe cha madzi ya mpepfo t̯u, amumpe mumodza jwa hawa wanafund̯i wangu hawa, weonahwajwa kwamba ntawa maana, huyo nkatsowe t̯ubvoḍye.”

Matayo 20:7

Nao wamwambukuya wamwamba, ‘Ntahudzapata kiḅaruwa cha kuhenda.’ Huyuḍe muntu kawamba, ‘Ḅasi endani hukuḍe nkondeni kwangu mukahende kazi pfamodza na hawaḍe wangine.’

Matayo 25:17

Na huyuḍe apfegejwe t̯alant̯a mbii za fwedha, nae nkakukawa kaḍabva kuzihendea guzi na kapata faiḍa ya t̯alant̯a zingine mbii za fwedha.

Marko 9:41

Koro hachi nyakumwambiani, yuḍejwonse adzeemumpa chikombe cha madzi ya kunwa kwa kwamba mu wantu wangu, huyo hakika nkatsowe t̯ubvoḍye.”

Yohana 13:20

Hachi nyakumwambiani, yuḍejwonse adzeemupfokea ntumi jwangu, huyo kanipfokea mimi. Na yuḍejwonse anipfokeeye mimi, huyo kamupfokea huyuḍe anihumiye.”

Mahendo 10:31

na kanyamba, ‘Koronelio, Muungu kasikia mayombo yako, na kapfokea mvuugiyazo kwa masikini.

Mahendo 10:4

Ae kamud̯eḍea huyu malaika akiwa na oga na kamuuza kamwamba, “Kunaa Ḅwana?” Huyu malaika kamwambukuya kamwamba, “Muungu kapfokea mayombo yako na mvuugiyazo kwa masikini. Na huku ndiko kwambukuyakwe.

Mahendo 11:29

Hawa wahikiza wahuna kwamba kula mumodza jwao ayavye chima awezeecho wawasaiḍie hawa wandugu weowakiishi Yud̯aya.

Warumi 12:13

Hivi mwivyonawa navyo, wageyeni na wantu wa Muungu wangine weo na t̯uri. Na pia ikaani na kuwakaraḅisha wageni madzumbani mwenu.

2 Wakorint̯o 9:1

Ntaku haḍya hat̯a ya kumuhadzia dzuu ya hi mvuugiya ya kupfiikijwa wantu wa Muungu weo Yud̯aya.

Wagalatia 5:13

Nywinywi, wandugu, muhanwa mupate kuishi maisha ya wantu weo huru. Ela hu huu uhuru nautseewa kipfangizo cha kuyatsa t̯amaa zenu za kimwii zimut̯awale. Ishinu humikianani na matsako,

Wagalatia 5:6

Koro kuzimuni mwa Kirist̯o Yesu, kuhinywa ambu kutsahinywa kwa muntu ntaku maana yaḍeyonse. Cha mud̯a ni serefano yehu kwa Kirist̯o iyonaonekana kuchiiya na kwa haya matsako hwiyonayo.

Wagalatia 6:10

D̯ubva, nahuhende mambo mema kwa wantu wonse kula hwipfonapata namfasi. Na haswa nahuwahendeye mema hawaḍe weo wahikiza wenzehu.

Wakolosai 3:17

Na kula mwichonanena na mwichonahenda, kihendeni kwa sari ḍya Ḅwana jwehu Yesu, huku mukimuyaviza ḍuḍa Muungu Baba jwehu kuchiiya na kwa Kirist̯o.

1 Watesalonike 1:3

Hunakaa hukimuyombea kwa Muungu Baba jwehu, hukimuhadzia wema wenu mwiwohenda kwa dzambo ḍya kuhikiza kwenu. Hunakaa hukamuhadzia namuna ya matsako yenu yamumpiyevyo kuhenda kazi na hiḍu, na namuna mugijiyevyo kuwa na madzikwat̯yo ya kwamba Ḅwana jwehu Yesu Kirist̯o anauja kawii.

1 Timoteo 6:18

Waamuru wahende mema, wawe majabva wa mahendo mema, wawe wabalicha na wawe wantu wa kugeana wevyonavyo.

2 Timoteo 4:8

Na sasa hiḍi t̯ubvo ḍya kushinda kwangu ḍyakuniindani. Naḍyo ni t̯ubvo ḍya kwamba niweza kuishi maisha ya udheru. Ḅwana, muhukumu jwa hachi, kadzaḍinimpa hiyo hiyo nsiku ya mwiso. Na nkakudzaḍinimpa mimi t̯u, ela na hawaḍe wonse weokuyoweeyani na hamu kuuja kwakwe.

Waeburania 10:32

Zit̯ariyeni hizi d̯ina nkali mukuntiyezo na namuna mwivyoit̯isa mwipfohikiza na sambi.

Waeburania 13:16

Namutseyatsa kuwahendea mema wangine. Gijiijanani na hiviḍe mwivyonavyo, maanaye mukihenda hivyo, ni dza kuyavya mvuugiya zizonamutsakiza Muungu.

1 Yohana 1:9

Ela hukidzit̯olela nabvise zehu kwa Muungu, anahuyatsia nabvise zehu na kuhudheresa na mazuka yehu yonse, koro jeje ni muhikizika na muhachi.