Waeburania 5:6 - Pokomo

⁶ Na kungine humu matsoroni, Muungu kamwamba, “Wewe unawa Mukohani jwa maishi dza hiviḍe vya Melekized̯eki.”

Waeburania 5:6 ပူးပေါင်းရင်းမြစ်များ

Waeburania 5:10

Ndookomu Muungu kamuhana Mukohani Mukuu dza hiviḍe vya Melekized̯eki.

Waeburania 6:20

Yesu ndiye hudzimukwat̯iyee, na ndiye anjiiye hapfaḍe pfantu pfadheru pfa mwiso kwa dzambo ḍyehu. Kahenda *Mukohani jwehu Mukuu jwa maishi dza hiviḍe vya Melekized̯eki.

Waeburania 7:11

Hi Sharia ipfegwa hawa wantu wa Isiraeli kuchiiya na kwa hawa wakohani wa Kilawi. D̯ubva t̯ambere hi kazi ya hawa wakohani wa Kilawi indeewa it̯imiza hayaḍe yonse yeyonamala kut̯imizwa, ntakundeewa na haḍya ya kudza *mukohani yungine eye dza Melekized̯eki asiyekuwa jwa kivyazi cha Haroni.

Waeburania 7:15

Hu ukohani wa Kilawi ntaukuweza kut̯imiza hiḍi lengo. Na hiḍi dzambo ḍikaa wazi na hivi vya Muungu awekeyevyo mukohani yungine eye dza Melekized̯eki.

Waeburania 7:17

Koro haya matsoro yamba, “Wewe unawa Mukohani jwa maishi dza hiviḍe vya Melekized̯eki.”

Waeburania 7:21

Ela Yesu kawa mukohani kwa kwamba Muungu ewa kayapfa kumuhendeza mukohani epfomwamba, “Mimi Ḅwana Muungu nisakuyapfa, na nineneyecho siwezi kuchiperuya. ‘Wewe unawa mukohani jwa maishi.’ ”

Waeburania 7:3

Ntaku matsoro yaḍeyonse, yahadziyeyo kiḍechonse, dzuu ya babajwe ambu mamajwe Melekized̯eki, na wala dzuu ya wabibizwe. Nkadzigwi kuvyajwakwe wala kufwakwe. Jeje ka dza huyu Mwana jwa Muungu kwa kwamba anakaa dza mukohani maishi.

Waeburania 7:8

Hawa wakohani wa Kilawi weonahwaa hiḍi fungu ḍya kumi, ni wantu wa kwamba mwisowe wanafwa. Ela Melekized̯eki, huyu ahwaiye hiḍi fungu ḍya kumi ḍya Iburahimu, ni muntu eyekuishini, dza vya matsoro yaneneyevyo.