Waeburania 5:2 - Pokomo

² Na kwa kwamba nae ana udhaifu wa kibenaad̯amu, anawahwaiya na umpowe hawaḍe weonahenda mazuka pfasipfo kumanya.

Waeburania 5:2 ပူးပေါင်းရင်းမြစ်များ

Luka 22:32

Ela wewe Simioni, nikuyombea ili faroyo itsekwaara kaḅisa. Na udzepfoniujia mimi, wangize nguvu hawa wanduguzo.”

2 Wakorint̯o 11:30

Ikifika kwamba ni had̯i nidzione, nadziona na haya mambo yeyonayanga namuna nisivyokuwa na nguvu.

2 Wakorint̯o 12:5

D̯ubva mimi nadziona kwa dzambo ḍya muntu dzae. Nihuna kutsadziona na ḍingine ḍiḍeḍyonse, lamud̯a nidzione dzuu ya haya mambo yeyonayanga namuna nisivyokuwa na nguvu.

Wagalatia 4:13

Dza mumanyiyevyo, huḍe mweedha wa d̯ura nipfomusumwiiya haya *Maagu Mema, iwa ni kwa dzambo ḍya hu mwii wangu kutsowa matsea.

Waefeso 4:18

Ntawadzi kintu na ntawa wechonaimuka kwa dzambo ḍya myojo yao myumu ya kutsaatsaka kuuḅa njia za Muungu. Ndookomu ntawa haya maisha mapfya ya Muungu eyonapfa wantuwe.

1 Timoteo 1:13

hat̯a ingawa hapfaḍe d̯ura niimunenea mazuka, niimukuntisa d̯ina na kumutsola. Ela Muungu kawa munanso kwangu, kwa dzambo ḍya kwamba niwa sidzamuhikiza Kirist̯o, na niwa sidzi niyonikihenda.

Waeburania 12:13

Ishini maisha yarongaariyeo ili mutsekudzawahendeza hawaḍe weo wadhaifu kiruhu waare, ela muwahendeze wapate matsea.

Waeburania 2:17

Ndiyo maana iwa imumala kuwa dza wanaad̯amu wangine wonse kwa kula namuna, ili apate kuwa *Mukohani Mukuu jwao eye mut̯ei na eyenahikizika kwa uhumisiwe kwa Muungu, ili kwamba hawa wantu wapate kuyatsijwa nabvise zao.

Waeburania 2:18

Na kwa kwamba jeje mwenye engizwa maḍemoni na kukuntiswa d̯ina, sasa ana uwezo wa kuwagijiija hawaḍe weokungizwani maḍemoni.

Waeburania 4:15

Na huyu Mukohani Mukuu jwehu ni muntu aumanyiye udhaifu wehu. Jeje kaḍemegwa dzaswi na kula njia, ela nkakugwa nabviseni.

Waeburania 7:28

Hawa wakohani wakuu weonatsanwa kuuḅana na Sharia ya Musa, ni wantu wasioweza kut̯imiza hayaḍe weyonatsanijwa. Ela Muungu kayapfa kumutsana huyu Mwanawe ḅaad̯a ya kuiyavya hi Sharia, na huyu Mwanawe ndiye jwa kut̯imiza yonse maishi.

Waeburania 9:7

Ela eyeakinjia na kuyawa hapfa pfantu pfadheru pfa mwiso, ni huyu *Mukohani Mukuu jeje heket̯u. Nae ekinjia na kuyawa mweedha mumodza t̯u kwa mwaka. Ekinjia na mwazi wa waḍondo wayavijweo mvuugiya kwa dzambo ḍya nabviseze na nabvise za hawa wantu wahendeyezo pfasipfo kuvimanya.

Yakobo 5:19

Wandugu zanguni, mumodza jwenu akyaara njia, akiiyatsa hi njia ya hachi, kisa yungine adzeamuudzye njiani,

1 Pet̯ero 2:25

Koro mwiiwa dza mbuzi ziariyezo, ela sasa mumagala kwa huyu Mut̯ikisa eyenazit̯ikisa hizi ruhu zenu.