Waeburania 5:13 - Pokomo

¹³ Muntu yuḍejwonse jwa kwamba chakuḍyache chonse ni maziwa, huyo amaale ni mwana kalelehea, nkadzi yeyo sawa kuhenda.

Waeburania 5:13 ပူးပေါင်းရင်းမြစ်များ

Matayo 11:25

Makisa Yesu kayomba kamba, “Nakuyaviza ḍuḍa e Baba, wiye Haju jwa yuwinguni na nsi yonse. Nakuyaviza ḍuḍa kwa kwamba hi hachi kuiwafitsa hawaḍe weonadzihwaa kwamba ni makaro na wamanyi, na kuiwapfenwiiya wantu weo dza vyana vichuchu!

Marko 10:15

Hachi nyakumwambiani, yuḍejwonse asiyeupfokea Uhaju wa Muungu dza mwana kachuchu, huyo nkawezi kuunjia meshi.”

Warumi 2:20

Unadziona dza kwamba u mwaalimu mukuu jwa kuyongweeza mad̯ud̯alesa na wantu wasiodzangora. Una hakika ya kwamba hi Sharia ikuyongweeza hi hachi pfamodza na umanyi wonse.

1 Wakorint̯o 13:11

Nipfokuwa mwana kachuchu, ninkinena kiḍyana, mat̯aro yangu yewa nza kiḍyana, na hat̯a mambo yangu yewa nza kiḍyana. Ela hivi nigaliyevyo muntu mukuu, mambo ya kiḍyana niyayatsa.

1 Wakorint̯o 14:20

Wandugu zanguni, mat̯aro yenu nayatseewa ya kiḍyana. Dzuu ya mazuka, wani dza wana wasiomanya kintu, ela mat̯aro yenu nayawe mat̯aro ya kiuntu ukuu.

1 Wakorint̯o 3:1

Wandugu zanguni, mimi sikuweza kunena nanywi dza wantu mwiwo na huyu Ruhu, ela iwa inimala kunena nanywi dza kwamba mu wantu wa huju huju lumwengu, mwiwo vilelehea faroni mwa *Kirist̯o.

2 Wakorint̯o 3:9

Koro ikiwa kwamba hi Sharia iyonangiza wantu hukumuni t̯u ina marembo, ḅasi hi injili iyonapfa wantu mupfonyo ina marembo makuu zaid̯i!

Waefeso 4:14

Ntahuwezi kuwa dza wana vichuchu kawii wa kukulwakulwa kirahisi ni wantu weonadziona makaro wakayongweeza mayongweezo ya kwaarya wantu. Ntahuwezi kuwa dza chombo cha kubigwa ni mpepfo na mawimbi chikapfiikwa huku na huku.

2 Timoteo 3:16

Matsoro yonse yana nguvu za Muungu, na yana maana kwa kuyongweezea, kumukanyia muntu, kumuyangia muntu njia na kwa kumufundia muntu apate kuishi maisha ya kumutsakiza Muungu.

1 Pet̯ero 2:2

Kamiani kuḍya chakuḍya cha kiruhu dza hiviḍe vya wana vilelehea wevyonakamia kununa, ili kwamba mugije kukuya kiruhu;

2 Yohana 1:11

Koro yuḍejwonse amukaraḅishiye muntu dzae nyumbani mwakwe, kakugijanani nae kuhenda haya mazukaye.