Waeburania 4:11 - Pokomo

¹¹ D̯ubva naswi nahujwaniye kunjia huku kuntu kwa kuyavya hara kwa Muungu ahuwekeeko. Nakutseewa hat̯a mumodza jwehu jwa kutsaat̯ii dza hawaḍe weokuwa hukuḍe yuwandani na wakishindwa kuinjia hi nsi ya kuyavya hara.

Waeburania 4:11 ပူးပေါင်းရင်းမြစ်များ

Matayo 11:12

Hangu ngera ya Yohana aḍabviyeyo kusumwiiya hat̯a hi hii saasambi, haya maagu dzuu ya Uhaju wa Mbinguni yakupfingwani kula pfantu. Na hao hao wantu weokuyapfingani, wakutsakani kuukuya Uhaju wa Mbingu na nguvu.

Matayo 7:13

Yesu kagija kuyongweeza kamba, “Unjieni Uhaju wa Mbingu kuchiiya na kwa hu muḍyango mutseke. Koro hu muḍyango mupfampu ne njia mpampu, vinapfiika wantu mohoni na ndiyo ya wantu wenji weyonachiiya nayo.

Luka 13:24

“Jwaniani kunjia na hu muḍyango mutseke, koro hachi nyakumwambiani, ni wenji wadzeotsaka kuunjia, ela ntawakudzaweza.

Luka 16:16

Yesu kongeza kunena kamba, “Zisidzafika ngera za Yohana Mut̯opya, *Sharia ya Musa na matsoro ya manabii ndiyo yeyoyakisumwiijwa. Na hangu hizihiziḍe ngera haya *Maagu Mema ya Uhaju wa Muungu yakusumwiijwani, na wantu wenji na wenji wakungizani hiḍu kunjia Uhajuni.

Yohana 6:27

Nywinywi namutsehangaikia chakuḍya chichonanangika! Ishinu hangaikiani chakuḍya kisichonangika, chichonapfa wantu maisha ya kuunga na yuungo. Mimi *Mwana jwa Ad̯amu naweza kumumpa hicho hicho chakuḍya, koro Muungu Baba jwangu kanimpa mamulaka ya kuhenda dzavyo.”

Mahendo 26:19

D̯ubva haju Agiripa, sikuweza kutsait̯ii hi nzozi kuyawa mbinguni nioneyeo.

Waefeso 2:2

Mwikiuḅa mazuka ya wantu wa huju lumwengu na kumut̯ii mut̯awala jwa hizi mpepfo nzuka zizonaishi humu angani. Hii ndiyo ruhu ya mazuka iyokuwat̯awalini hawaḍe wonse wasiotsaka kumut̯ii Muungu.

Waefeso 5:6

D̯ubva muntu natsemuḍyuurisa na nsuwe, koro Muungu kadzawahukumu hawaḍe wonse wasiomut̯ii wakakaiya kuhenda mambo mazuka mazuka dzayahaya.

Wafilipi 2:12

D̯ubva watsakwa, dza mwiivyomukinit̯ii kut̯wa nipfokuwa pfamodza nanywi, ḅasi hat̯a hivi hivi niivyo kuye nanywi gijani kunit̯ii. Gijani kuhenda mema, mukimushooga Muungu muno kuzimuni mwa maisha yenu ya mupfonyo.

Wakolosai 3:6

Wantu weonahenda mambo dza haya, Muungu kadzawahukumu vyumuni.

Tito 1:16

Wanakwamba wamumanya Muungu na huku mahendo yao yanayanga ya kwamba ntawamudzi. Hawa ni wantu wa Muungu at̯ukiiyeo, wasiomut̯ii na wala wasioweza kuhenda dzambo dzema ḍiḍeḍyonse.

Tito 3:3

Koro swiswi wenye d̯ura hwiiwa wantu maḍyura, husiwomut̯ii Muungu na hwaariyeo. Hwiiwa wahumwa wa t̯amaa zehu za kudzitsekeza na wahumwa wa kula aina ya raha. Maisha yehu yonse yasiiya mazukani na kufwiyanani ḍea; wantu wehukeva naswi hwiiwakeva.

Waeburania 3:12

D̯ubva wandugu, manyani kutseewa hat̯a mumodza jwenu jwa kuwa na mojo mumu wa kutsahikiza hat̯a adzize kuuḅa njia ya Muungu eye mojo.

Waeburania 3:18

Awa wantu wa Muungu awayapfiyeo kwamba ntawawezi kuinjia hi nsi ya kuyavya hara aiwawekeeyo ni wa? Ni hawaḍe wadziziyeo kumusikia.

Waeburania 4:6

Hawaḍe wa d̯ura weoyasumwiijwa haya maagu, ntawakuweza kuinjia hiḍe nsi, kwa kwamba ntawakuhikiza haya ya Muungu aneneyeyo. Nae kakuyatsani wantu wangine wanjie huku kuntu kwa kuyavya hara.

Waeburania 6:11

Hamu yangu nkuu ni kwamba mugije kuwa wahiḍu mumpaka mwiso, ili haya mwiyokudzikwat̯yani muweze kuyapata.

2 Pet̯ero 2:6

Muungu kaihukumu midzi ya Sod̯oma na Gomora kwa kuinanga na moho. Kaihenda dza hivi ili ikae dza mufaano wa hayaḍe yadzeyohendeka kwa wantu wonse weo walumwengu.