Waeburania 3:6 - Pokomo

⁶ Ela *Kirist̯o ni Mwana muhikizika jwa Muungu eyekuisumamiani nyumba ya Muungu. Naswi hu nyumbaye ikiwa kwamba hugija kuwa na uhakika wa haya madzikwat̯yo hwiyonadzivunia.

Waeburania 3:6 ပူးပေါင်းရင်းမြစ်များ

Matayo 10:22

Na wantu wenji wadzamukeva kwa dzambo ḍyangu. Ela huyuḍe adzeit̯isa hat̯a mwiso, kadzapfonywa.

Matayo 16:18

Nami nyakukwambiani Pet̯ero, wewe u mwamba. Na dzuu ya hu huu mwamba naḍimbaka tsanganiko ḍyangu na hat̯a nguvu za kufwa ntazikudzaḍishinda.

Matayo 24:13

Ela huyuḍe adzeit̯isa hat̯a mwiso, kadzapfonywa.

Warumi 11:22

T̯ayowani namuna ya Muungu aivyo mut̯ei na namuna evyonahukumu. Hawaḍe wamutsoweeyeo kawahukumu vyumuni. Ela nywinywi mukigija kumuserefat̯a, jeje anamufwiya t̯ei. Ela mukiyatsa kumuserefat̯a, hat̯a nanywi pia anamujibat̯a.

Warumi 12:12

Tsekeani muno kwa dzambo ḍya haya madzikwat̯yo ya Muungu amumpiyeyo. Mwipfonapatwa ni mad̯ina, nywinywi it̯isani, na saa zonse mukae mukiyomba.

Warumi 15:13

D̯ubva Muungu eyenamumpa madzikwat̯yo, namudzaze tsekea na kumumpa naghea muno huku mukigija kumuserefat̯a jeje. Na kwehii njia munagija kuwa na madzikwat̯yo makuu kwa nguvu za huyu Ruhu Mudheru huku mukiindiya kut̯imizwa kwa hizi ahad̯i za Muungu.

Warumi 5:2

Kirist̯o kahupfa njia ya kuifikia hi hii t̯ei ya Muungu huipatiyeyo hi hii saasambi kwa dzambo ḍya faro zehu. Ndookomu naswi hunatsekea kwa haya madzikwat̯yo hwiyonayo, ya kwamba Muungu kadzahungiza maremboni mwakwe.

1 Wakorint̯o 3:16

Ntamudzi kwamba nywinywi mu *Hekalu ya Muungu, na kwamba Ruhu jwa Muungu kakuishini kuzimuni mwenu?

1 Wakorint̯o 6:19

Ntamudzi kwamba mii yenu ni *Hekalu ya Ruhu Mudheru? Huyu Ruhu mumupfegwa ni Muungu na kakuishini kuzimuni mwenu. D̯ubva mii yenu namutseihwaa dza yenu, nza Muungu.

2 Wakorint̯o 6:16

*Hekalu ya Muungu inakajwadze ni masanamu? Koro swiswi hu Hekalu ya Muungu eye mojo. Dza vya Muungu aneneyevyo akyamba, “Makao yangu nayambaka kwa wantu wangu, kisa nami naishi kahi yao. Nawa Muungu jwao, nao wanawa wantu wangu.”

Wagalatia 6:10

D̯ubva, nahuhende mambo mema kwa wantu wonse kula hwipfonapata namfasi. Na haswa nahuwahendeye mema hawaḍe weo wahikiza wenzehu.

Wagalatia 6:9

Nahutsetsoka kuhenda mema, koro hukitsaafwa mojo, nsiku idzakudza hudzepfovuna mema.

Waefeso 3:12

Kwa dzambo ḍya Kirist̯o na hivi humuhikiziyevyo, hunamwendea Muungu pfasipfo oga, hukiwa na uhakika kwamba anahusikia.

Wakolosai 1:23

Ela ni had̯i mugije kuyahikiza haya Maagu Mema muyasumwiijweyo, na muyagije gu. Ni had̯i mutseyayekeza haya madzikwat̯yo ya Muungu ayamumpiyeyo kuyawana na haya Maagu Mema. Haya ni yayaḍe maagu mwiyosumwiijwa dzuu ya Kirist̯o, yeyokusumwiijwani lumwengu yuzima. Nami mimi mwenye ni mumodza jwa hawaḍe weokuhumikani kwa dzambo ḍya haya haya Maagu Mema.

1 Watesalonike 5:16

Tsekeani nsiku zonse!

2 Watesalonike 2:16

Swiswi hwakumuyombeani kwamba, Ḅwana jwehu Yesu Kirist̯o na Muungu Baba jwehu wamungize mojo na kumumpa nguvu, mugije kunena na kuhenda mema. Koro kwa dzambo ḍya kwamba Muungu kahutsaka, kahufwiya t̯ei isiyosia na kahupfa madzikwat̯yo mema ya kudzaishi nae.

1 Timoteo 3:15

Ela ikiwa kwamba nikawa kudza, hi ḅaruwa inakumanyisa hivi hwivyonamala kudzihwaa kuzimuni mwa tsanganiko ḍya wantu wa huyu Muungu eye mojo. Hiḍi tsanganiko ndiḍyo hi nguzo na musinji wa faro ya Kikirist̯o.

Waeburania 1:2

Ela hizi hizi nsiku, ziizo nsiku za mwiso, Muungu kakunenani naswi kuchiiya na kwa Mwanawe. Hangu lumwengu ntajudzaumbwa, Muungu kamutsana kudzamumpa kula kintu kiwe chakwe, na kajuumba huju lumwengu kuchiiya na kwa huyu huyu Mwanawe.

Waeburania 10:19

D̯ubva wandugu zanguni, kwa dzambo ḍya kufwa kwa Yesu, hupata ujangina wa kunjia hapfa pfantu pfadheru pfa mwiso.

Waeburania 10:21

Huna Mukohani Mukuu eyekuisumamiani nyumba ya Muungu mbinguni.

Waeburania 10:23

Nahuyagije na nguvu haya madzikwat̯yo hwiyonakwamba hunayo, koro humanya ya kwamba huyu Muungu ayahupfiye nkavunze ahad̯i yakwe.

Waeburania 10:35

D̯ubva namutseefwa mojo, kwa kwamba hi serefano yenu inamuyehea t̯ubvo kuu.

Waeburania 11:1

Kuwa na faro ni kuwa na uhakika wa haya madzikwat̯yo yehu. Hunawa na uhakika wa hayaḍe husiyoona na matso.

Waeburania 3:14

Koro hukigija kumuhikiza Kirist̯o na nguvu, dza viviḍe hwivyomuhikiza d̯ura, hunapfokea hayaḍe yonse ya Muungu adzeyowapfa hawaḍe weo wantu wa Kirist̯o.

Waeburania 4:11

D̯ubva naswi nahujwaniye kunjia huku kuntu kwa kuyavya hara kwa Muungu ahuwekeeko. Nakutseewa hat̯a mumodza jwehu jwa kutsaat̯ii dza hawaḍe weokuwa hukuḍe yuwandani na wakishindwa kuinjia hi nsi ya kuyavya hara.

Waeburania 4:14

Ndookomu nahuigije na nguvu hi faro hwiyonait̯ima. Koro huna *Mukohani Mukuu jwa maana endeyeakikaa usoni kwa Muungu. Nae ni Yesu Mwana jwa Muungu.

Waeburania 4:16

D̯ubva nahumudzie Muungu mut̯ei pfasipfo oga. Jeje anahuyanga wemawe na t̯eiye hwipfonawa mad̯inani.

Waeburania 6:11

Hamu yangu nkuu ni kwamba mugije kuwa wahiḍu mumpaka mwiso, ili haya mwiyokudzikwat̯yani muweze kuyapata.

Waeburania 6:18

D̯ubva haya mambo mowii haya, yani ahad̯i ya Muungu na kuyapfa kwakwe, ntakuwezi kuperuka, koro Muungu nkanene nsuwe. Ndookomu swiswi hud̯aramiyeo kwakwe ili huwe salama, hi ahad̯i yakwe inahungiza mojo muno huyagije haya madzikwat̯yo ahupfiyeyo.

Waeburania 7:19

Hi Sharia ya Musa ntaikuweza kut̯imiza hayaḍe maana iyowekejwa. Na sasa hupfegwa madzikwat̯yo mema zaid̯i, yeyonahuwezesa kumufikia hafufi Muungu.

1 Pet̯ero 1:8

Ingawa ntamukumuona Yesu na matso, mumutsaka. Na ingawa hi hii saasambi ntamukwakumuonani, mumuhikiza. Mwakutsekeani na tsaiko kuu muno, ḍisiḍyoweza hat̯a kuneneka,

1 Pet̯ero 2:5

Nanywi wani dza mawe ya maana ya kumbakia Hekalu ya kiruhu, ili muwe wakohani wa kuyavya mvuugiya za kiruhu, zizonakuḅaligwa ni Muungu kuchiiya na kwa Yesu Kirist̯o.

1 Pet̯ero 4:17

Koro ngera ya hukumu imafika, na hawa wantu wa Muungu ndiwo wa kuḍabva kuhukumigwa d̯ura. D̯ubva ikiwa kwamba ijwakuḍabva naswi, au mwiso unawadze kwa hawaḍe wasiohikiza aya Maagu Mema ya Muungu?

Upfenuo wa Yohana 2:18

Kisa huyu eyekuwa dza Mwana jwa Ad̯amu kanyamba, “Kwa huyu malaika jwa tsanganiko ḍya Thiatira, mworeye umwambe, ‘Huyu Mwana jwa Muungu, eye na matso yeyo dza maḅiliḅili ya moho na eye na maguu yeyonangara dza shaḅa ikolejweyo, kamba hivi:

Upfenuo wa Yohana 2:25

Changu t̯u cha kumwambia ni kwamba, gijani muno hikiḍe mwichonacho mumpaka hapfaḍe nidzepfokudza.

Upfenuo wa Yohana 2:26

Kula adzeyeshinda na akigija kunit̯ii mumpaka mwiso, nidzamumpa mamulaka dzuu ya wantu wa vyeet̯i

Upfenuo wa Yohana 3:11

Mimi nyakudzani si hat̯a kae! Kigijeni muno hikiḍe mwichonacho ili muntu atsekudzamupfoka t̯ubvo ḍyenu.