Waeburania 3:1 - Pokomo

¹ D̯ubva nywinywi wandugu zangu watsakwa, muhanijweo ni Muungu na mwiwo wantuwe, muyoweni Yesu. Jeje ndiye huyu *ntumi na *Mukohani Mukuu jwa hi faro yehu hwiyonat̯ima.

Waeburania 3:1 ပူးပေါင်းရင်းမြစ်များ

Yohana 17:3

Na maisha ya kuunga na yuungo, ni kukumanya wewe wiye Muungu jwa ḍugha wewe heket̯u, pfamodza na kunimanya nami mimi Yesu *Kirist̯o unihumiye.

Yohana 20:21

Kisa Yesu kawambia kawii, “Naghea iwe nanywi. Mimi nyakumuhumani nywinywi lumwenguni dza vya Baba evyonihuma mimi.”

Yohana 20:27

Makisa kamwamba Tomasi, “Ngiza ḍowe hapfa uiyowe hi mikono yangu. Yeha mukono unipfapfase humu mbavuni. Yatsa huko kutsahikiza kwako. Hikiza!”

Mahendo 1:15

Hizihiziḍe nsiku, kwiit̯ut̯aa wantu wamuhikiziyeo *Kirist̯o chima cha gana modza na miyongo miwii. Pet̯ero kasumama kunena kahi yao.

Warumi 11:17

Nywinywi wantu wa vyeet̯i vingine mwaa dza mahambi ya muzeituni wa bad̯ani yakomezejweyo kwa muzeituni wa nkondeni. Muhwaa pfantu pfa hayaḍe mahambi yakentejweyo. Haya mahambi yanagija na yanaḍabva kunuha madzi kuyawa kwa hiḍi sina, na yakakuya ureembo. D̯ubva hu muzeituni na mahambiye niyokunenani, ni mufaano wa Iburahimu na kivyazi chakwe. Wayahud̯i wangine Muungu kawadziza kwa kutsaawa na faro, na kamutsana nywinywi wantu wa vyeet̯i dza wantuwe. Sasa hayaḍe mema yonse ya Muungu amuahid̯iiyeyo Iburahimu, nanywi pia mwakuyapatani.

Warumi 15:27

Waona vyema wao wenye kuhenda dzevihivi, na kwa hakika weemala kuhenda dzavyo. Koro wantu wa vyeet̯i nao pia wapfokea hizi mvoni za kiruhu za hawa Wayahud̯i. Ndookomu nao wanamala kuyavya vyao kwa Wayahud̯i wahikiziyeo, dza njia ya kuwayavia ḍuḍa.

Warumi 15:8

Koro nyakumwambiani, Kirist̯o kadza kwa Wayahud̯i dza muhumisi, kuyanga kwamba Muungu ni muhikizika. Maanaye Yesu epfokudza, kazit̯imiza hizi ahad̯i za Muungu ezowawekea wabibi zao.

Warumi 9:24

Swiswi ndiswi wantu huhanijweo ni Muungu. Na nkakuhuhana swiswi Wayahud̯i t̯u, ela hat̯a wantu wa vyeet̯i vingine.

1 Wakorint̯o 1:2

hwakumworeani nywinywi wantu wa tsanganiko ḍya Muungu ḍiiḍyo Korint̯o. Hwakumworeani nywinywi mudheresejweo hariani mwa Kirist̯o Yesu na mukitsanwa kuwa wantu wadheru. Hwakumworeani nywinywi pfamodza na hawaḍe wantu wonse, kula pfantu, weonamuyomba Ḅwana jwehu Yesu Kirist̯o, eye Ḅwana jwehu na jwao pia.

1 Wakorint̯o 10:17

Na kwa dzambo kuna mukahe mumodza, swiswi hwonse, na winji wehu wonse, hu mwii mumodza, koro hwonse hunaḍya uo mukahe mumodza.

1 Wakorint̯o 9:23

Haya haya yonse nayahenda kwa dzambo ḍya hi injili, nipate kupata hizi mvoni za kuisumwiiya.

2 Wakorint̯o 1:7

Madzikwat̯yo yehu kwenu ni makuu, ntayasukusike. Koro humanya ya kwamba, hivi mukuntiyevyo d̯ina dza hivi vyehu, ndivyo mudzevyoingamazwa dzaswi.

2 Wakorint̯o 9:13

Kuyavya kwenu kunayanga mojo mwiwo nao, na wantu wenji wanamushad̯a Muungu kwa hivi muyahikiziyevyo haya *Maagu Mema dzuu ya *Kirist̯o na kwa namuna mwivyonayat̯ii. Wanamushad̯a Muungu pia, kwa myojo yenu ya ubalicha kwao na kwa wangine.

Waefeso 3:6

Hi ngadzi ni hi ya kwamba, kuchiiya na kwa kuyahikiza haya *Maagu Mema, wantu wa vyeet̯i nao pia wanazipfokea hizi mvoni za Muungu ezonawaḍalisa wanawe. Kuchiiya na kwa Kirist̯o Yesu, wonse wagala dza viiriiri vya mwii mumodza, na wanazipfokea hizi mvoni za Muungu aahid̯iyezo.

Waefeso 4:1

D̯ubva mimi niye mufungwa kwa dzambo ḍya kumuhumikia Ḅwana, nyakumuyombani muishi maisha ya kuyanga kwamba mu wantu wa Muungu ahaniyeo ḍugha!

Waefeso 4:4

Hwonse pfamodza hu mwii mumodza na hupfokea yuyo Ruhu mumodza. Huna madzikwat̯yo mamodza ya kudzapfokea hayaḍe yonse ya Muungu ahuahid̯iiyeyo epfohuhana kuwa wantuwe.

Wafilipi 3:14

D̯ubva nyakujwaniani kuḍit̯imiza hiḍi lengo ḍyangu, ili nipate hiḍi t̯ubvo ḍya kuhanigwa ni Muungu kuchiiya na kwa Kirist̯o Yesu, niishi maisha ya kimbinguni.

Wakolosai 1:12

Nanywi meshi munamuyaviza ḍuḍa Muungu Baba jwehu amuhendezeyee kuwa wantuwe, muweze kupata hu uḍalo awekeeyeo wantuwe weokuishini muyangani.

Wakolosai 1:22

Ela sasa, Muungu kangiza naghea kahi yakwe nanywi, kwa kumuyatsa Mwanawe awe mwanaad̯amu kisa afwe muhini mwa mpatsa. Kahenda hivi ili kwamba, mudzepfosumama usoni yakwe, amuone mu wadheru na musiwo nabvise, wala t̯amba zuka ḍiḍeḍyonse.

Wakolosai 3:12

Kwa kwamba Muungu kamutsana muwe wantuwe watsakwa, weo wadheru, ni had̯i muwe wantu wat̯ei na muwe na myojo myema kwa wangine. Wani wantu wa kutsadzihwaa, wani wampowe, na muwe wantu wa kuit̯isa.

1 Watesalonike 2:12

Hwikimuingamaza na kumungiza mojo, na hwikimufunda kut̯wa mutseyatsa kuishi maisha ya kuyanga kwamba mu wantu wa Muungu. Koro jeje kamuhana munjie maremboni mwa uhajuwe.

1 Watesalonike 5:27

Nyakumuamuruni kwa sari ḍya Ḅwana jwehu Yesu kwamba, hi ḅaruwa muiwasomeye wandugu wonse.

2 Watesalonike 1:11

D̯ubva naswi, hunamuyombea kwa Muungu kut̯wa, apate kumuhwaa dza wantu muishiyeo haya maisha amuhaniiyeyo muishi. Na pia, hunamuyombea ili Muungu kwa nguvuze amuwezese kuhenda kula dzema mwiḍyonatsaka kuhenda kwa dzambo ḍya kumuserefat̯a Ḅwana Yesu.

2 Watesalonike 2:14

Muungu kamuhana kuchiiya na kwa hi Injili humusumwiiyeyo, mupate kunjia maremboni mwa Ḅwana jwehu Yesu Kirist̯o.

1 Timoteo 6:12

Dza vya muntu jwa mbio evyonamuud̯ama akiwa kud̯aramani, nawe henda mala wiyonaweza uwe Mukirist̯o wiyenahikizika, upate kupata t̯ubvo ḍya maisha ya kuunga na yuungo. Koro ndiyo maisha ya Muungu akuhaniiyeyo, wipfot̯ima faro yako usoni ya mashaahiḍi wenji na wenji.

1 Timoteo 6:2

Na hawaḍe wahumwa weo na maḅwana Wakirist̯o, ni kutsawanyira, at̯i kwa dzambo ḍya kwamba wonse ni wandugu. Ishinu, ni wawahumikie urembo zaid̯i, kwa kwamba hawa maḅwana zao, weokufaiḍikani na hi kazi yao, ni watsakwa wenzao sarini mwa *Kirist̯o. Ni had̯i uwayongweeze na kuwafunda hawa wantu, dzuu ya haya mambo haya.

2 Timoteo 1:9

Jeje kahupfonya na kahuhana huwe wantuwe mwenye. Ela si kwa dzambo ḍya mahendo yehu, kenge ni kwa kusuḍi ḍyakwe mwenye na kwa dzambo ḍya t̯eiye. Kahufwiya t̯ei kwa njia ya Kirist̯o Yesu, hat̯a kaḅila lumwengu ntajudzaumbwa.

2 Timoteo 2:7

Yat̯arie haya mambo nikwambiiyeyo, na Ḅwana anakuwezesa kuimuka kula kintu.

Waeburania 10:19

D̯ubva wandugu zanguni, kwa dzambo ḍya kufwa kwa Yesu, hupata ujangina wa kunjia hapfa pfantu pfadheru pfa mwiso.

Waeburania 10:21

Huna Mukohani Mukuu eyekuisumamiani nyumba ya Muungu mbinguni.

Waeburania 10:23

Nahuyagije na nguvu haya madzikwat̯yo hwiyonakwamba hunayo, koro humanya ya kwamba huyu Muungu ayahupfiye nkavunze ahad̯i yakwe.

Waeburania 13:22

D̯ubva wandugu zangu, nyakumuyombani mutsetsoka kusikiiya hivi vyuuwo vya kungiza mojo nivyokumwambiani. Koro hi hii ḅaruwa nimworeeyo si ndeya ya kwambadze.

Waeburania 2:11

Huyu eyenadheresa wantu, yani Yesu, na hawa eonadheresa, wonse Baba jwao ni mumodza. Ndiyo maana jeje Yesu nkaone yutswa kuwahana wanduguzwe.

Waeburania 2:17

Ndiyo maana iwa imumala kuwa dza wanaad̯amu wangine wonse kwa kula namuna, ili apate kuwa *Mukohani Mukuu jwao eye mut̯ei na eyenahikizika kwa uhumisiwe kwa Muungu, ili kwamba hawa wantu wapate kuyatsijwa nabvise zao.

Waeburania 3:12

D̯ubva wandugu, manyani kutseewa hat̯a mumodza jwenu jwa kuwa na mojo mumu wa kutsahikiza hat̯a adzize kuuḅa njia ya Muungu eye mojo.

Waeburania 3:14

Koro hukigija kumuhikiza Kirist̯o na nguvu, dza viviḍe hwivyomuhikiza d̯ura, hunapfokea hayaḍe yonse ya Muungu adzeyowapfa hawaḍe weo wantu wa Kirist̯o.

Waeburania 6:20

Yesu ndiye hudzimukwat̯iyee, na ndiye anjiiye hapfaḍe pfantu pfadheru pfa mwiso kwa dzambo ḍyehu. Kahenda *Mukohani jwehu Mukuu jwa maishi dza hiviḍe vya Melekized̯eki.

Waeburania 7:26

Yesu ndiye huyu Mukohani Mukuu haswa hwiyenamala kuwa nae. Jeje ni mudheru, na nka t̯amba zuka wala nabvise. Kat̯engwa na wanabvise na kawekwa pfantu pfa hila nkuu mbinguni dzuu.

Waeburania 7:28

Hawa wakohani wakuu weonatsanwa kuuḅana na Sharia ya Musa, ni wantu wasioweza kut̯imiza hayaḍe weyonatsanijwa. Ela Muungu kayapfa kumutsana huyu Mwanawe ḅaad̯a ya kuiyavya hi Sharia, na huyu Mwanawe ndiye jwa kut̯imiza yonse maishi.

Waeburania 9:11

Sasa, *Kirist̯o kesakuwa Mukohani Mukuu jwa haya mema hwiyokuonani. Jeje kanjia humu mwa hiḍi hema ḍya maana ḍikamilikiyeḍyo na kula kintu. Hiḍi si hema ḍimbakijweḍyo na mikono ya wanaad̯amu na wala si ḍya huju huju lumwengu.

Waeburania 9:15

D̯ubva Kirist̯o kahenda ndiye huyu muntu jwa kahi jwa hiḍi ḍamano ipfya. Kawa muntu jwa kahi ili kwamba hawaḍe wonse wa Muungu ahaniyeo kuwa wantuwe, wapfokeye hi ahad̯i ya Muungu awawekeeyo iwe yao maishi. Kirist̯o kawa mukinakahi kwa kwamba, ndiye afwiye ili awapfonye wantu kuyawana na nabvise zao wahendeyezo ngera ya hiḍi ḍamano ḍya d̯ura.

1 Pet̯ero 2:9

Kenge nywinywi mu kyeet̯i kidheru cha wantu watsanijweo ni Muungu. Kamuyavya kizani kamungiza muyangani muwe wakohani wa hila nkuu, ili muweze kulalabva haya mafara yakwe ya kumakisa.

1 Pet̯ero 3:5

Koro hawa wake wadheru wa kae wadzimukwat̯iyeo Muungu, wekidzirembosa kwa kuwat̯ii woome zao.

1 Pet̯ero 5:1

D̯ubva nyakumuusiani nywinywi wazee wa matsanganiko, nikimufunda dza muzee mwenzenu, na ninkiwa dza shaahiḍi jwa mad̯ina ya *Kirist̯o akuntiyeyo. Na kawii nyakumuusiani ninkiwa dza mumodza jwa hawaḍe wakupfokea haya marembo ya Ḅwana yadzeyoyanganywa ngera adzeyokudza.

1 Pet̯ero 5:10

Muungu kamufwiya t̯ei kuchiiya na kwa Kirist̯o na kamuhana munjie maremboni mwakwe mudzemokaa maishi. Mukisa kukunta d̯ina kwa kat̯emo kachuchu, kadzamuhwaa na kumumbaka kipfya, kadzamut̯aragisa na kumukomeza faroni, na kumungiza nguvu kawii.

1 Yohana 1:3

Na haya huoneyeyo na kusikia, hwakuyamusumwiiyani nanywi. Hwakuyamusumwiiyani mupate kuwa wamodza naswi hariani mwa Baba na Mwanawe Yesu *Kirist̯o.

Yud̯a 1:1

Mimi Yud̯a ndugujwe Yakobo, niye muhumisi jwa Yesu *Kirist̯o, nyakumworeani nywinywi nyonse muhanijweo ni Muungu Baba muwe wantuwe. Jeje kamutsaka muno na mwakwamijwani ni Yesu Kirist̯o.

Upfenuo wa Yohana 17:14

Yadzaungana pfamodza nae kujwana viha na huyu Mwana Mbuzi. Ela huyu Mwana Mbuzi na wantuwe kadzawashinda wonse, koro jeje ni Haju jwa mahaju na ni Ḅwana jwa maḅwana wonse. Na hawaḍe wonse weo wakwe ni wantu awatsaniyeo na akiwahana kuwa wakwe, na ni wahikizika.”

Upfenuo wa Yohana 18:20

Ela tsekeani muno nywinywi mwiwokukaani mbinguni kwa kwamba Babeli isakugiswa! Tsekeani muno nywinywi mwiwo wantu wa Muungu, *ntumi na manabii, koro Muungu kesakuihukumu Babeli kwa dzambo ḍyenu!