Waeburania 2:9 - Pokomo

⁹ Hwichokuonani ni huyu Yesu, eyewekwa nsii kachu ya hawa malaika, na sasa akipfegwa marembo na hila kwa dzambo ḍya hichi kifo afwiyecho. Iwa ni t̯ei ya Muungu kwehu, kwamba Yesu afwe kwa dzambo ḍya kula muntu.

Waeburania 2:9 ပူးပေါင်းရင်းမြစ်များ

Matayo 16:28

Ela hachi nyakumwambiani, wangine wenu wasumamiyeo hapfa ntawakudzafwa mumpaka wadzepfoniona mimi Mwana jwa Ad̯amu nikwakudzani kut̯awala dza Haju.”

Matayo 6:28

Na kawii namutsemuud̯ama dzuu ya mavwazi hat̯a. Koro t̯ayayoweni malele yevyonamea. Yayo ntayahende kazi wala kudzyelekanyia mavwazi.

Marko 9:1

Yesu kagija kunena nao kawamba, “Hachi nyakumwambiani, wangine wenu wasumamiyeo hapfa ntawakudzafwa mumpaka wadzepfouona Uhaju wa Muungu ukidza na nguvu na uwezo mukuu.”

Luka 9:27

Hachi nyakumwambiani, wangine wenu wasumamiyeo hapfa ntawakudzafwa mumpaka wadzepfouona Uhaju wa Muungu.”

Yohana 1:29

Ḅaad̯a ya kuhumijwa hawaḍe wantu, chamukoche Yohana kamuona Yesu akwakumudziani, nae kamba, “Huyu ndiye huyu Mwana Mbuzi jwa Muungu adzeenuya nabvise za lumwengu!

Yohana 10:17

Baba kanitsaka kwa dzambo ḍya kwamba nya t̯ayari kuyayavya maisha yangu ili nidzeniyapfokeye mwenye kawii.

Yohana 12:32

Nami nidzepfopfatsikwa, nawanuha wantu wonse wanakudza kwangu.”

Yohana 3:16

Koro Muungu kajutsaka lumwengu hat̯a kamuyavya Mwanawe madiani, ili kula amuhikiziye atsekwaara, ela awe na maisha ya kuunga na yuungo.

Yohana 8:51

Hachi nyakumwambiani, kula eyenagija haya mayongweezo yangu nkawezi kufwa meshi!”

Yohana 8:52

Hawa wantu kudzasikia hivi, wamwamba, “Sasa huhakikisha kaḅisa kwamba una mashaat̯ani. Hat̯a Iburahimu na hawa manabii t̯u wafwa. Awe ndiwe jwa kudzawambe kwamba kula eyenagija haya mayongweezoyo nkawezi kufwa?

Mahendo 2:33

Kapfazwa dzuu hat̯a ḍanda ya mukono kuyume wa Muungu, na kapfokea Ruhu Mudheru dza vya Babajwe evyomuahid̯i. Ndookomu, mwichokuonani na kusikia hi hii saasambi ni huyu Ruhu Mudheru ayehejwe kwehu ni Yesu.

Mahendo 3:13

Huyu Muungu jwa wabibi zehu aḍe Iburahimu, Isaka na Yakobo, kamurembosa Yesu, eye muhumisijwe. Mumungiza mikononi mwa wakuu wehu, nanywi mumudziza usoni ya Pilato, hat̯a Pilato epfohuna kumuyatsa huru.

Warumi 5:18

Ḅasi na dza vya nabvise ya muntu mumodza iyeheyevyo hukumu kwa wantu wonse, ndivyo vya hendo modza ḍya hachi ḍihendejweḍyo ni Yesu Kirist̯o ḍivyokuwahendezani wantu wonse kuwa wahachi usoni kwa Muungu na kuwapfa maisha.

Warumi 5:8

Ela t̯ayowani namuna ya Muungu ahuyangiyevyo kwamba kahutsaka. Koro ingawa hwikiishi nabviseni, Kirist̯o kadza kafwa kwa dzambo ḍyehu!

Warumi 8:3

Hi *Sharia ntaikuweza kuhuweka huru kwa dzambo ḍya udhaifu wehu wa kibenaad̯amu. Ela Muungu kahuweka huru kwa kumuhuma huyu Mwanawe jeje mwenye, adziye akivyajwa na mwii wiwo dza hi mii yehu ya nabvise. Kadza lumwenguni kahukumigwa ili azihunwiiye nabvise zehu.

Warumi 8:32

Huyu Mwanawe jeje mwenye t̯u, Muungu nkakumuhofea, ela kamuyavya dza mvuugiya kwa dzambo ḍya nabvise zehu hwonse. D̯ubva ikiwa kwamba huyu Mwanawe t̯u, kamuhupfa dzevihivi, dze, nkawezi kuhupfa mema yonse hat̯a?

2 Wakorint̯o 5:15

Jeje kafwa kwa dzambo ḍya wantu wonse, ili kwamba hawaḍe weokuishini watseishi maisha yao wao wenye, ela wamuishie Kirist̯o. Koro iwa ni kwa dzambo ḍyao kwamba Kirist̯o kafwa kisa kafufujwa.

2 Wakorint̯o 5:21

Kirist̯o nkakuhenda nabvise iḍeyonse, ela Muungu kamuhendeza kuwa mvuugiya ya nabvise zehu, ili kwamba, kwa njia ya Kirist̯o, Muungu ahuhendeze kuwa wadheru, dza vyakwe jeje aivyo mudheru.

Wagalatia 4:4

Ela ngera ipfofika ḍa, Muungu kamuhuma Mwanawe. Kadzakavyajwa dza mwanaad̯amu ili naswi hwonse hupate kuwa wana wa Muungu. Na pia kavyajwa nsii ya *Sharia ya Kiyahud̯i apate kuwakombowa hawaḍe weokuwa nsii ya hi Sharia.

1 Timoteo 2:6

Jeje kayavya maisha yakwe kuwa ḍiba ḍya kuwapfonya wantu wonse. Na huu ndiwo ushaahiḍi udziyeo na wakati mwema kuyanga kwamba Muungu anatsaka wantu wonse wapfonywe.

Waeburania 1:9

Wewe kutsaka hachi na kukeva mazuka. Ndiyo maana mimi Muungujo, nikuhiiya mafuha nikutsana, na nikuhendeza uwe na tsekea ya kuhilwa, tsekea iyo nkuu kuchia hi ya hawa wenziwo.”

Waeburania 10:5

Ndiyo maana, *Kirist̯o epfoakidza lumwenguni, kamwamba Muungu, “Wewe nkukutsaka mvuugiya wala mat̯ola ya wantu ya kukuyavia. Ela kunimpa mwii wa mwanaad̯amu.

Waeburania 11:5

Kwa dzambo ḍya kwamba Henoke ewa kamuserefat̯a Muungu, Muungu kamuhwaa akiwa mojo ḅila kufwa na nkakuonekana kawii. Haya matsoro yamba, Henoke asidzahwajwa kwenda mbinguni dzuu, ewa kaishi maisha ya kumutsakiza Muungu.

Waeburania 12:2

Nahugije kumuyowa Yesu eye muḍabvisa na mut̯imiza jwe faro yehu. Jeje kabea kufwa kwa kinyaya hapfaḍe muhini mwa mpatsa pfasipfo kuviona dza kintu, kwa dzambo ḍya tsekea eyoakiyoweeya kudzawa nayo. Na sasa kakaa mukono kuyume Uhajuni mwa Muungu.

Waeburania 2:7

Kumuweka nsii ya hawa malaika kwa muḍa, kisa kumumpa marembo na kumuhendeza ahilwe.

Waeburania 7:25

Ndookomu jeje anaweza kuwapfonya kut̯wa hawaḍe wonse weonamwendea Muungu kuchiiya kwakwe, kwa kwamba jeje anakaa maishi kuwayombea kwa Muungu.

Waeburania 8:3

Kula *Mukohani Mukuu kawekwa apate kuyavya mat̯ola na mvuugiya za wantuwe kwa Muungu. D̯ubva iwa ni had̯i huyu Mukohani Mukuu jwehu awe na kintu cha kuyavya.

1 Pet̯ero 1:21

Na kuchiiya na kwa Kirist̯o, mumuserefat̯a Muungu. Jeje ndiye amufufwiiye Kirist̯o kuyawa kwa wafu akimumpa marembo, ili nanywi muwe na faro na madzikwat̯yo kwa Muungu.

1 Yohana 2:2

Na jeje ndiye hi mvuugiya ya kuhuhendeza huyatsijwe nabvise zehu. Na si kuyatsijwa nabvise zehu swiswi t̯u, ela hat̯a na nabvise za wantu wonse!

Upfenuo wa Yohana 19:12

Haya matsoye yewa dza maḅiliḅili ya moho, na ewa kavwaa viyemba vinji vya kihaju. Koregwa sari ḍisiḍyomanyigwa ni yuḍejwonse, lamud̯a jeje heket̯u.

Upfenuo wa Yohana 5:9

Wamwimbia wiya mupfya wakyamba, “Wewe unamala kuchihwaa hichi chuo, uivunze hi mihuri yakwe. Koro wewe kuyagwa, na kwa mwaziwo, kumukombowea wantu Muungu. Wewe kumukombowea wantu, wa kuyawa kula nsi na kyeet̯i na lugha.