Waeburania 2:17 - Pokomo

¹⁷ Ndiyo maana iwa imumala kuwa dza wanaad̯amu wangine wonse kwa kula namuna, ili apate kuwa *Mukohani Mukuu jwao eye mut̯ei na eyenahikizika kwa uhumisiwe kwa Muungu, ili kwamba hawa wantu wapate kuyatsijwa nabvise zao.

Waeburania 2:17 ပူးပေါင်းရင်းမြစ်များ

Warumi 15:17

Ndookomu nami nadzivunia hayaḍe yonse ya Kirist̯o Yesu ahendeeyo kuchiiya nami kwa hi kazi ya Muungu.

Warumi 5:10

Hivi hivi huna uhakika navyo kwa dzambo ḍya kwamba hwipfokuwa nyabva na Muungu, hupatanishwa nae kawii kuchiiya na kwa hichi kifo cha huyu Mwanawe. Na sasa hukimapatanishwa na Muungu, ḅasi huna uhakika kwamba hunapfonywa, koro huyu Mwanawe ka mojo.

Waefeso 2:16

Kwa kufwakwe muhini mwa mpatsa, Kirist̯o kanuya uad̯ui kahi yao na kangiza mapatano yao wao na Muungu.

Wakolosai 1:21

Nanywi nywinywi wenye, d̯ura mwiiwa ntamuhwaiyane moho na Muungu kwa dzambo ḍya mat̯aro yenu na mahendo yenu mazuka mazuka.

Waeburania 10:21

Huna Mukohani Mukuu eyekuisumamiani nyumba ya Muungu mbinguni.

Waeburania 2:11

Huyu eyenadheresa wantu, yani Yesu, na hawa eonadheresa, wonse Baba jwao ni mumodza. Ndiyo maana jeje Yesu nkaone yutswa kuwahana wanduguzwe.

Waeburania 2:14

Kwa dzambo ḍya kwamba hawa wana wa Muungu ni wanaad̯amu waumbijweo na mwazi na nyama, Yesu nae kawa dzao. Kahenda hivi ili kwamba, kwa kufwakwe aweze kumunanga-nanga Shaat̯ani eye na nguvu za kuyaga wantu.

Waeburania 2:16

Koro hangu d̯ura Yesu nkakudzia kuwagijiija malaika, ela kadzia kuwagijiija wantu wa yuvyee jwa Iburahimu.

Waeburania 3:1

D̯ubva nywinywi wandugu zangu watsakwa, muhanijweo ni Muungu na mwiwo wantuwe, muyoweni Yesu. Jeje ndiye huyu *ntumi na *Mukohani Mukuu jwa hi faro yehu hwiyonat̯ima.

Waeburania 3:2

Jeje ewa muhikizika kwa Muungu, amutsaniye kuihenda hi hii kazi, dza vya Musa evyokuwa muhikizika kuihumikia nyumba nzima ya Muungu.

Waeburania 3:5

Musa ewa muhumisi muhikizika jwa nyumba nzima ya Muungu, na haya ahendeyeyo yayanga haya ya Muungu adzeyoakinena ḅaad̯aye.

Waeburania 4:14

Ndookomu nahuigije na nguvu hi faro hwiyonait̯ima. Koro huna *Mukohani Mukuu jwa maana endeyeakikaa usoni kwa Muungu. Nae ni Yesu Mwana jwa Muungu.

Waeburania 4:15

Na huyu Mukohani Mukuu jwehu ni muntu aumanyiye udhaifu wehu. Jeje kaḍemegwa dzaswi na kula njia, ela nkakugwa nabviseni.

Waeburania 5:1

Kula muntu atsanijwee kahi ya wantuwe kuwa *Mukohani Mukuu, katsanigwa kumuhumikia Muungu pfantu pfao. Kawekwa kuyavya mat̯ola yao na mvuugiya zao za kuwahendeza wadhereswe nabvise zao.

Waeburania 5:10

Ndookomu Muungu kamuhana Mukohani Mukuu dza hiviḍe vya Melekized̯eki.

Waeburania 5:2

Na kwa kwamba nae ana udhaifu wa kibenaad̯amu, anawahwaiya na umpowe hawaḍe weonahenda mazuka pfasipfo kumanya.

Waeburania 5:5

Hat̯a *Kirist̯o mwenye, nkakudzipfa jeje hu ukuu wa kuwa Mukohani Mukuu. Muungu mwenye ndiye amutsaniye akimwamba, “Wewe u Mwanangu, yeo nikuvyaa.”

Waeburania 6:20

Yesu ndiye hudzimukwat̯iyee, na ndiye anjiiye hapfaḍe pfantu pfadheru pfa mwiso kwa dzambo ḍyehu. Kahenda *Mukohani jwehu Mukuu jwa maishi dza hiviḍe vya Melekized̯eki.

Waeburania 7:26

Yesu ndiye huyu Mukohani Mukuu haswa hwiyenamala kuwa nae. Jeje ni mudheru, na nka t̯amba zuka wala nabvise. Kat̯engwa na wanabvise na kawekwa pfantu pfa hila nkuu mbinguni dzuu.

Waeburania 7:28

Hawa wakohani wakuu weonatsanwa kuuḅana na Sharia ya Musa, ni wantu wasioweza kut̯imiza hayaḍe weyonatsanijwa. Ela Muungu kayapfa kumutsana huyu Mwanawe ḅaad̯a ya kuiyavya hi Sharia, na huyu Mwanawe ndiye jwa kut̯imiza yonse maishi.

Waeburania 8:1

D̯ubva hwichokunenani ni kwamba, huna *Mukohani Mukuu eye mbinguni, akaiye mukono kuyume wa Muungu jwa marembo.

Waeburania 8:3

Kula *Mukohani Mukuu kawekwa apate kuyavya mat̯ola na mvuugiya za wantuwe kwa Muungu. D̯ubva iwa ni had̯i huyu Mukohani Mukuu jwehu awe na kintu cha kuyavya.

Waeburania 9:11

Sasa, *Kirist̯o kesakuwa Mukohani Mukuu jwa haya mema hwiyokuonani. Jeje kanjia humu mwa hiḍi hema ḍya maana ḍikamilikiyeḍyo na kula kintu. Hiḍi si hema ḍimbakijweḍyo na mikono ya wanaad̯amu na wala si ḍya huju huju lumwengu.