Waeburania 13:7 - Pokomo

⁷ Wakumbukeni hawa wayongozi wenu weomusumwiiya chuuwo cha Muungu. Yowani namuna wevyoishi na namuna wadzevyowakifwa, nanywi mut̯aḅe hi faro yao.

Waeburania 13:7 ပူးပေါင်းရင်းမြစ်များ

Matayo 24:45

D̯ubva muhumisi mwema na eye muhikizika ni dza yu? Ni huyuḍe jwa kwamba huyu ḅwana jwakwe anaweza kumumpa muzigo wa kuit̯unza hi nyumbaye na kuwapfa chakuḍya hawa wantu wa hapfaḍe balabalani.

Luka 12:42

Ḅwana kamwambukuya kamwamba, “Muhumisi mwema na eye muhikizika ni dza yu? Ni huyuḍe jwa kwamba huyu ḅwana jwakwe anaweza kumumpa muzigo wa kuit̯unza hi nyumbaye na kuwapfa chakuḍya hawa wantu wa hapfaḍe balabalani.

Luka 5:1

Nsiku modza, Yesu epfoakisumwiiya chuuwo cha Muungu geri ya ziwa ḍya Genezareti, wantu wenji wekid̯arabana wakitsaka kumufikia hafufi.

Luka 8:11

Makisa Yesu kawamba, “Maana ya hiḍi inganyo ni haya. Hizi mbeju ni chuuwo cha Muungu.

Mahendo 13:46

Ela Paulo na Baranaba wagija kunena pfasipfo oga, wawamba, “Iwa ni had̯i chuuwo cha Muungu kisumwiijwe kwenu nguzi. Kenge kwa dzambo ḍya kwamba muchidziza, na mudziona ntamunamala kuwa na maisha ya kuunga na yuungo, hunamuyatsa na hunawendea hawa wantu wa vyeet̯i vingine.

Mahendo 14:23

Kula tsanganiko waḍitsania wazee wa tsanganiko. Na kwa mayombo na kufunga, wawaweka mikononi mwa Ḅwana wamuhikiziyee.

Mahendo 4:31

Wepfokwisa kuyomba, hapfa pfantu wat̯ut̯aiyepfo pfasukusika. Wonse wadzajwa ni Ruhu Mudheru na waḍabva kusumwiiya chuuwo cha Muungu pfasipfo oga.

Warumi 10:17

D̯ubva muntu anahikiza kwa kusikiiya haya Maagu Mema dzuu ya Kirist̯o.

1 Wakorint̯o 10:13

Haya maḍemo mwiyonapata ni haya yeyonakudzia kula muntu. Ela Muungu ni muhikizika, na nkamuyatse muḍemegwe kuchia chima. Koro mwipfonaḍemegwa, jeje anamuyanga vya kuhenda ili mutsekudzagiswa ni haya maḍemo.

1 Wakorint̯o 11:1

D̯ubva nit̯aḅani mimi, dza hivi vyangu nivyokumut̯aḅani *Kirist̯o.

1 Wakorint̯o 4:16

D̯ubva, nyakumuyombani munit̯aḅe mimi.

Wafilipi 3:17

Wandugu zangu, t̯aḅani hu mufaano wa haya maisha yangu. Hwisakumuyanga mufaano mwema, ndookomu dziyongweezeni kuyawana na hawaḍe weokuuḅani hu huu mufaano.

1 Watesalonike 1:6

Nanywi nywinywi wenye mut̯aḅa namuna yehu swiswi na Ḅwana huishiyevyo. Na hat̯a ingawa mukuntiswa d̯ina muno, mukipfokea hichi chuuwo na tsekea mupfegejweyo ni Ruhu Mudheru.

1 Watesalonike 2:13

Swiswi huna saḅaḅu ya kumuyaviza ḍuḍa Muungu kut̯wa. Na saḅaḅu yehu ni kwamba, hwipfomusumwiiya chuuwo cha Muungu, nywinywi mukihikiza dza chuuwo cha Muungu. Ntamukuchihwaa dza chuuwo cha mwanaad̯amu, ela muchihwaa dza chuuwo cha Muungu ḍugha. Na hichi hichi chuuwo, chakumuhendezani nywinywi muhikiziyeo, muishi maisha mema.

2 Watesalonike 3:7

Hwakunenani hivi kwa dzambo ḍya kwamba, nywinywi wenye mumanya urembo muno, namuna mwivyonamala kut̯aḅa haya maisha yehu huishiyeyo nanywi. Swiswi ntahwiiwa wantu wa kudziyekeza ḅasi maguu na mikono!

2 Watesalonike 3:9

Huhenda kazi dza hivi, hupate kuwa mufaano kwenu wa kuuḅa, wala si kwa kwamba ntahwiiwa na hachi ya kumulacha nywinywi ugijo dzao.

1 Timoteo 3:5

Koro ikiwa kwamba muntu nkadzi hat̯a namuna ya kuisumamia nyumbaye, kadzawezadze kuḍisumamia aḍi tsanganiko ḍya Muungu?

Waeburania 13:17

Wat̯iini wayongozi wenu na muuḅe hivi wevyonamwambia. Wao wakudzitsovyani nsoho kwa dzambo ḍya kumumuud̯amia nywinywi, maanaye ni had̯i wadzewamuyange Muungu hi kazi yao wahendeyeyo. Wat̯iini wapate kuihenda kazi yao na tsekea. Mukitsawat̯ii, kazi yao inawa nyumu na wanaihenda na tsungu, ndookomu hi kazi yao ntaimufaiḍi na kintu.

Waeburania 13:24

Hukedhyeyeni wayongozi wenu na wantu wonse wa Muungu. Hawa wandugu wa Ut̯aliano nao wamukedhya nto.

Waeburania 6:12

Sit̯aki muwe wantu wasiotsaka kuhenda kintu, ela natsaka muwe dza hawaḍe weonahikiza na wakait̯isa, kisa wakapfokea hayaḍe ya Muungu aahid̯iyeyo kuwapfa.

1 Pet̯ero 4:11

Muntu akiwa na t̯ola ya kunena vyuuwo vya Muungu, ni had̯i akivinena dza vyuuwo viyawiyevyo kwa Muungu. Muntu akiwa na t̯ola ya uhumisi, ni had̯i ahumike na hizi nguvu apfegejwezo ni Muungu. Na kwa hayo yonse, Muungu mwenye nguvu na uwezo, apate kushad̯wa kuchiiya na kwa Yesu Kirist̯o hat̯a pfasipfosia. Amina.

Upfenuo wa Yohana 1:9

Mimi ndugu yenu Yohana, nyakukuntiswani d̯ina dzanywi kwa dzambo ḍya Yesu Kirist̯o. Nyakuuyoweyani Uhaju wa Muungu na kuit̯isa mad̯inani dzanywi kwa dzambo ḍya Yesu. Mimi nisamiswa nipfiikwa kilulu cha Patimo, kwa dzambo ḍya kuyongweeza chuuwo cha Muungu na kusumwiiya wantu dzuu ya Yesu.

Upfenuo wa Yohana 20:4

Kisa niona viti vya kihaju, na hawaḍe wavikaiyeo wapfegwa mamulaka ya kut̯awala. Niona ruhu za hawaḍe wakentejweo vitswa wakiyagwa kwa dzambo ḍya chuuwo cha Muungu na ushuhuḍa wao dzuu ya Yesu. Hawa ni hawaḍe wasiomuyomba huyuḍe binensa wala sanamuye, na wakidziza kubigwa muhuri vidhangoni mwao ambu mikononi mwao. Hawa wafufuka na wat̯awala dza mahaju pfamodza na *Kirist̯o kwa myaka elefu modza.

Upfenuo wa Yohana 6:9

Huyu Mwana Mbuzi epfouvunza hu muhuri wa tsano, niona *madhabahu. Na hapfa nsi ya haya madhabahu, niona ruhu za hawa wayagijweo kwa dzambo ḍya chuuwo cha Muungu na ushuhuḍa wao.