Waeburania 13:16 - Pokomo

¹⁶ Namutseyatsa kuwahendea mema wangine. Gijiijanani na hiviḍe mwivyonavyo, maanaye mukihenda hivyo, ni dza kuyavya mvuugiya zizonamutsakiza Muungu.

Waeburania 13:16 ပူးပေါင်းရင်းမြစ်များ

Luka 18:22

Yesu epfosikia haya, kamwamba, “Kusaa na dzambo modza zaid̯i ḍya kuhenda. Guza vyonse wivyonavyo na hizi fwedha uwapfe makowesa. Ukihenda hivyo kudzawa na nkandi mbinguni. Makisa nzoo uniuḅe.”

Mahendo 10:38

Musikia dzuu ya Yesu jwa Nazareti, na namuna ya Muungu amutsaniyevyo kwa kumumpa Ruhu Mudheru na uwezo. Kwa dzambo ḍya kwamba Muungu ewa nae, Yesu kenda kula pfantu akihenda mambo mema na kupfonya wantu wonse wa Shaat̯ani angiziyeo mikononi.

Mahendo 9:36

Hukuḍe Yopa kwiwa na mwanafund̯i muke ahanijwe Tabita (Sariḍye kwa Kiyunani ndiye Dokasi, maanaye ni nkuyungu). Huyu muke meshi ekihenda mema na kuwagija masikini.

Warumi 12:13

Hivi mwivyonawa navyo, wageyeni na wantu wa Muungu wangine weo na t̯uri. Na pia ikaani na kuwakaraḅisha wageni madzumbani mwenu.

Wagalatia 6:10

D̯ubva, nahuhende mambo mema kwa wantu wonse kula hwipfonapata namfasi. Na haswa nahuwahendeye mema hawaḍe weo wahikiza wenzehu.

Wagalatia 6:6

Hawaḍe weokuyongweezwani chuuwo cha Muungu, ni kuwageya wayongweeza wao hayaḍe mambo mema yao yonse weyonayo.

Waefeso 4:28

Ikiwa kwamba wiwa u mwivi, sasa yatsa wivi. Yavya hwekaḍyo kudzilachia kantu na upate cha kuwapfa na hawaḍe weo na t̯uri.

Wafilipi 4:14

Gula muhenda urembo muno kuyanga ushirikiano wenu nami kwa kunimpa ugijo ninkiwa mad̯inani.

Wafilipi 4:18

Nisakupfokea ugijo mwema muno kuyawa kwenu, ndookomu sasa nina vinji kuchia hivi nivyonatsaka. Si t̯uri kawii kwa dzambo hizi nt̯unu mumumpiyezo Epafurodito aniyeheye nisakuzipfokea. Hachi zinatsakiza dza harufu nyema ya mvuugiya ya kutsomwa iyonayavigwa kwa Muungu, ikamutsakiza nae akaikuḅali.

1 Watesalonike 5:15

Manyani muntu atsemuipfa halo mwenziwe kwa zuka amuhendeeḍyo. Nywinywi kut̯wa, ḍemani muno kuhendeana mema nywinywi na nywinywi na kuwahendea mema wantu wangine wonse.

2 Watesalonike 3:13

Ela nanywi wandugu zangu, namutsetsoka kuhenda mema.

1 Timoteo 6:18

Waamuru wahende mema, wawe majabva wa mahendo mema, wawe wabalicha na wawe wantu wa kugeana wevyonavyo.

Filemoni 1:6

Nyakukuyombeani kwamba hivi wivyonakaa na kuhariana na wahikiza wenziwo, ugije kuhariana nao zaid̯i na zaid̯i. Koro ukihenda hivi, unapata kuzimanya hizi kazi nyema nyema zonse wizonaweza kumuhendea Kirist̯o.

Waeburania 6:10

Muungu anahendea wantu hiḍe ya hachi. Nkawezi kwaarerwa hi kazi yenu muhendeyeyo ambu matsako mumuyangiyeyo kwa namuna mwivyowagijiija na mwivyokuwagijiijani hawa Wakirist̯o wenzenu.

3 Yohana 1:11

Mutsakwa, nkudzot̯aḅe myenendo mizuka, t̯aḅa myenendo myema. Kula eyenahenda mema huyo njwa Muungu. Ela kula eyenahenda mazuka nkadzamumanya Muungu.