Waeburania 13:14 - Pokomo

¹⁴ Koro huju huju lumwengu siyo makao yehu ya maishi, swiswi hwakuyoweeyani hu mudzi wehu udzeokudza.

Waeburania 13:14 ပူးပေါင်းရင်းမြစ်များ

1 Wakorint̯o 7:29

Nichokunenani, wandugu, ni kwamba, hu muḍa usaiyeo ni mufufi. Na hangu hi hii saasambi, hawaḍe wahwaiyeo nawaishi dza kwamba ntawadzahwaa.

2 Wakorint̯o 4:17

Hizi d̯ina hwizokukuntani si d̯ina za muḍa muyeya, na hukiziinganya na haya yadzeyokudza, si d̯ina nkuu za kwambadze. Koro zinahuyehea marembo makuu ya kuishi na Muungu maishi.

Waefeso 2:19

D̯ubva, nywinywi musiokuwa Wayahud̯i, sasa ntamukwaa wageni ambu wantu wa nze kawii. Mugala wantu wa nyumba modza ya wantu wonse wa Muungu.

Wafilipi 3:20

Ela swiswi hunaishi dza wantu wa mbinguni. Hwakumuindiiyani na hamu nkuu muno huyu Mupfonya jwehu, Ḅwana Yesu Kirist̯o, adze kuyawa mbinguni.

Waeburania 10:34

Nywinywi muwafwiya t̯ei wafungwa. Na hat̯a vija vyenu vipfohwajwa na nguvu nywinywi mudzikaiya na tsekea, maanaye mwimanya kwamba muna nkandi ya maana iyonakaa maishi.

Waeburania 12:22

Ela nywinywi muudzia Murima wa Sayuni, kwiko mudzi wa Muungu eye mojo. Yani, muidzia Yerusalemi ya mbinguni, kwiko maelefu na maelefu ya malaika.

Waeburania 12:27

Hichi chuuwo cha “kawii,” chakuyangani tswee kwamba, kula kiumbijwecho kidzasukuswa kisa kinujwe. Hiviḍe visivyosukusika t̯u, ndivyo vya kuhafa.

Waeburania 2:5

Muungu nkakuweka malaika wawe wat̯awala wa huju lumwengu yupfya judzejokudza, hwijokuneneani.

Waeburania 4:9

Ndookomu nsiku ya wantu wa Muungu ya kunjia kuntu kwa kuyavya hara, amaale ipfo.

Waeburania 9:11

Sasa, *Kirist̯o kesakuwa Mukohani Mukuu jwa haya mema hwiyokuonani. Jeje kanjia humu mwa hiḍi hema ḍya maana ḍikamilikiyeḍyo na kula kintu. Hiḍi si hema ḍimbakijweḍyo na mikono ya wanaad̯amu na wala si ḍya huju huju lumwengu.

1 Pet̯ero 4:7

Mwiso wa lumwengu umaawa hafufi. Ndookomu ni had̯i muzigwaze akili zenu na muwe wantu wa kudzimiza ili muweze kukaa na kuyomba.

Upfenuo wa Yohana 3:12

Kula adzeyeshinda, namuhendeza kuwa nguzo kuzimuni mwa *Hekalu ya Muungu jwangu na wala nkawezi kuiyawa kawii meshi. Nami dzuu yakwe nakwora sari ḍya huyu Muungu jwangu, nae anawa muntu jwa mudzi mupfya wa Muungu yani Yerusalemi mpya idzeyoyawa mbinguni kwa Muungu. Na pia nakwora sari ḍyangu ipfya dzuu yakwe.