Waeburania 12:27 - Pokomo

²⁷ Hichi chuuwo cha “kawii,” chakuyangani tswee kwamba, kula kiumbijwecho kidzasukuswa kisa kinujwe. Hiviḍe visivyosukusika t̯u, ndivyo vya kuhafa.

Waeburania 12:27 ပူးပေါင်းရင်းမြစ်များ

Matayo 24:35

Mbingu na nsi vinasia, ela vyuuwo vyangu ntavinasia meshi.”

Warumi 8:19

Koro kula kiumbe cha Muungu aumbiyecho chakuindiiyani na hamu muno hiyo hiyo nsiku ya Muungu adzeyowayanganya hawa wanawe.

Warumi 8:21

Na ndiyo maana nsiku modza viumbe vyonse navyo vidzapfonywa kuyawana na hu uhumwa wa kwamba ni had̯i vinangike, ili viweze kuupata hu uhuru wa mafara, wa hawa wana wa Muungu wadzeowa nao.

1 Wakorint̯o 7:31

Hawaḍe weokushuulikiani mambo ya huju huju lumwengu, nawakae dza kwamba ntawa shuuli nayo. Koro huju lumwengu, dza juivyo, jwakwendeani mwiso.

Waeburania 1:10

Na kawii kamwamba, “Wewe Ḅwana, hapfaḍe ḍabvu kujuumba huju lumwengu, na hizi mbingu nazo ni kazi ya mikonoyo.

Waeburania 13:14

Koro huju huju lumwengu siyo makao yehu ya maishi, swiswi hwakuyoweeyani hu mudzi wehu udzeokudza.

Waeburania 9:11

Sasa, *Kirist̯o kesakuwa Mukohani Mukuu jwa haya mema hwiyokuonani. Jeje kanjia humu mwa hiḍi hema ḍya maana ḍikamilikiyeḍyo na kula kintu. Hiḍi si hema ḍimbakijweḍyo na mikono ya wanaad̯amu na wala si ḍya huju huju lumwengu.

Upfenuo wa Yohana 11:15

Kisa huyu malaika jwa fungahe kabiga hi t̯arumbet̯a yakwe. Na nisikia saut̯i nkuu mbinguni zikyamba, “Uhaju wa huju lumwengu uhenda uhaju wa Ḅwana jwehu na Mutsanwa jwakwe. Nae anat̯awala maishi na maishi.”

Upfenuo wa Yohana 21:1

Kisa niona mbingu mpya na nsi mpya, koro hizi mbingu za d̯ura na hi nsi ya d̯ura viiwa visakwaara, na ntakwiwa ḅahari kawii.

Upfenuo wa Yohana 21:4

Na Muungu anawafuta mitsozi yao yonse. Ntakuwe vifo kawii wala masikit̯iko. Na wala ntakuwe chiiyo kawii ambu tsungu uḍewonse, koro ya kae yesakuchia.”

Upfenuo wa Yohana 21:5

Na huyuḍe akaiye hapfaḍe pfe kiti cha kihaju kamba, “T̯ayowa, nyakuyahendani mambo yonse kuwa mapfya.” Kisa kanyamba, “Vyore hivi nivyokukwambiani, koro ni vyuuwo vya kuhikizika na mvya ḍugha.”