Waeburania 12:24 - Pokomo

²⁴ Nywinywi mudza kwa Yesu, eye muntu jwa kahi jwa hiḍi ḍamano ipfya. Jeje, mwaziwe uhika na uhuwekea ahad̯i ya mambo mema zaid̯i kuchia mwazi wa Habili.

Waeburania 12:24 ပူးပေါင်းရင်းမြစ်များ

Matayo 23:35

Ndookomu myazi ya hawa wantu wahachi wonse wayagijweo, idzaiya dzuu yenu. Hangu mwazi wa Habili, muntu asiyekuwa na tsowa, mumpaka wa Zakaria mwana jwa Berekia. Huyu huyu muntu ewa kayagwa kahi ye Hekalu na haya madhabahu ya kuyavia mvuugiya.

Matayo 26:28

Koro huu ni mwazi wangu wiwo dza hakikisho ḍya hiḍi ḍamano ḍya Muungu eḍyokuhendani na wantuwe. Ni mwazi wihijweo kwa dzambo ḍya kuyatsia nabvise za wenji.

Marko 14:24

Yesu kawamba, “Huu ni mwazi wangu wiwo dza hakikisho ḍya hiḍi ḍamano ḍya Muungu eḍyokuhendani na wantuwe. Ni mwazi wihijweo kwa dzambo ḍya wenji.

Luka 11:51

Hangu mwazi wa Habili hat̯a wa Zakaria, huyu ayagijwee kahi ya haya *madhabahu ya kuyavia mvuugiya ne *Hekalu, yonse idzaiya dzuu yenu. Hachi nyakumwambiani, hukumu ya hu huu uyaji wonse idzamusukia nywinywi wantu wa hizi hizi ngera.

Luka 22:20

Dza vivyo, kahwaa na hichi chikombe che mvinyo kachiwapfa wakisa kuḍya, kawamba, “Hichi ni chikombe cha ḍamano ipfya ḍya Muungu, ḍidzeḍyot̯imizwa ni mwazi wangu, mwazi udzeohigwa kwa dzambo ḍyenu.”

Wagalatia 3:20

Muntu jwa kahi ni had̯i ahwae vya huku na huku, ela Muungu hi ahad̯i yakwe kwa Iburahimu kaimuwekea pfasipfo kuwa na muntu jwa kahi.

1 Timoteo 2:5

Koro kuna Muungu mumodza, na kuna na muntu jwa kahi mumodza kahi ya Muungu na wanaad̯amu, nae ni huyu muntu eyenahanwa *Kirist̯o Yesu.

Waeburania 10:22

D̯ubva nahutsegeeye hafufi na Muungu na mojo mumodza pfasipfo kuwa na kajela. Ni huwe na myojo idheresejweyo mazukaye na mii idheresejweyo na madzi masafi.

Waeburania 11:28

Kwa kwamba ewa kamuserefat̯a Muungu, Musa kaweka hi jila ya *Pasaka. Kawamba hawa wantu wa Isiraeli waipfakaze mwazi hi miimo ye miḍyango yao, ili huyu malaika jwa mfwisa akwakuchiani atsewayaga hawa wana mahangafa wa Waisiraeli.

Waeburania 11:4

Kwa kwamba Habili ewa kamuserefat̯a Muungu, kayavya mvuugiya nyema kuchia mvuugiya ya Kaini. Na kwa dzambo ḍya faro yakwe, Muungu kamuhwaa Habili kuwa muntu muhachi. Muungu katsakizwa nae na kapfokea mvuugiyaze. Na hat̯a ingawa jeje kesakufwa, hi faroye amaale yakuhwambiani menji.

Waeburania 13:20

Muungu ndiye amufufwiiye Ḅwana jwehu Yesu, eye Mut̯ikisa Mukuu jwa hizi mbuzi. Jeje ni mut̯ikisa mukuu kwa dzambo ḍya kudziyavya kwakwe dza mvuugiya akifwa. Hu mwaziwe uwa ndiwo mwazi wa hiḍi ḍamano ḍya maishi kahi ya Muungu na wanaad̯amu.

Waeburania 7:22

D̯ubva hi ina maana kwamba Yesu ndiye huyu jwa kuḍit̯imiza ḍamano ḍya Muungu kwa wantuwe, ḍiḍyo dzema zaid̯i.

Waeburania 8:13

Muungu epfonenea dzuu ya ḍamano ipfya, hiḍi ḍamano ḍya d̯ura kaḍihwaa kwamba ḍijara. Na kiḍechonse kijariyecho kinatsafurika-tsafurika mumpaka kinasiya.

Waeburania 8:6

Ela sasa, Yesu kapfegwa kazi ya ukohani iyo na maana zaid̯i kuchia hiḍe ya hawa wakohani wangine. Jeje kakusumamiani ḍamano ḍiḍyo na maana zaid̯i kuchia hiḍiḍe ḍya kae, maanaye ḍina ahad̯i ziizo na maana zaid̯i.

Waeburania 8:8

Koro Muungu kaona kwamba wanaad̯amu wana matsowa. Ndookomu kamba, “Nsiku zakudzani, nidzepfohenda ḍamano ipfya na nyumba ya Isiraeli na nyumba ya Yud̯a.

Waeburania 9:15

D̯ubva Kirist̯o kahenda ndiye huyu muntu jwa kahi jwa hiḍi ḍamano ipfya. Kawa muntu jwa kahi ili kwamba hawaḍe wonse wa Muungu ahaniyeo kuwa wantuwe, wapfokeye hi ahad̯i ya Muungu awawekeeyo iwe yao maishi. Kirist̯o kawa mukinakahi kwa kwamba, ndiye afwiye ili awapfonye wantu kuyawana na nabvise zao wahendeyezo ngera ya hiḍi ḍamano ḍya d̯ura.

Waeburania 9:19

Cha d̯ura, Musa kawambia hawa wantu haya yonse yorejweyo humu Shariani. Kisa kahwaa mwazi wa wana ngombe na mbuzi utsanganyijweo na madzi, kaufwit̯ia-fwit̯ia hichi chuo che *Sharia na hawa wantu wonse. Kaufwit̯a-fwit̯a na mahambi ya muhisopo yalingilijweyo na manyala ya ranji ya zazi iwivwiyeyo.

Waeburania 9:21

Na pia Musa kaḍifwit̯ia-fwit̯ia mwazi hiḍi hema na vijavye vyonse vivyovikitumika kwa mayombo.

1 Pet̯ero 1:2

Muungu Baba jwehu kamutsana hangu kae, na mut̯engwa ni Ruhu jwakwe. Nanywi mumut̯ii Yesu Kirist̯o nae kamudheresa na mwaziwe. Muungu namuvodhye na kumumpa nagheaye kwa winji.