Waeburania 11:4 - Pokomo

⁴ Kwa kwamba Habili ewa kamuserefat̯a Muungu, kayavya mvuugiya nyema kuchia mvuugiya ya Kaini. Na kwa dzambo ḍya faro yakwe, Muungu kamuhwaa Habili kuwa muntu muhachi. Muungu katsakizwa nae na kapfokea mvuugiyaze. Na hat̯a ingawa jeje kesakufwa, hi faroye amaale yakuhwambiani menji.

Waeburania 11:4 ပူးပေါင်းရင်းမြစ်များ

Matayo 23:35

Ndookomu myazi ya hawa wantu wahachi wonse wayagijweo, idzaiya dzuu yenu. Hangu mwazi wa Habili, muntu asiyekuwa na tsowa, mumpaka wa Zakaria mwana jwa Berekia. Huyu huyu muntu ewa kayagwa kahi ye Hekalu na haya madhabahu ya kuyavia mvuugiya.

Luka 11:51

Hangu mwazi wa Habili hat̯a wa Zakaria, huyu ayagijwee kahi ya haya *madhabahu ya kuyavia mvuugiya ne *Hekalu, yonse idzaiya dzuu yenu. Hachi nyakumwambiani, hukumu ya hu huu uyaji wonse idzamusukia nywinywi wantu wa hizi hizi ngera.

Tito 1:16

Wanakwamba wamumanya Muungu na huku mahendo yao yanayanga ya kwamba ntawamudzi. Hawa ni wantu wa Muungu at̯ukiiyeo, wasiomut̯ii na wala wasioweza kuhenda dzambo dzema ḍiḍeḍyonse.

Waeburania 11:2

Wabibi zehu wa kae wamutsakiza Muungu kwa dzambo ḍya faro zao.

Waeburania 12:1

D̯ubva, kwa kwamba hwakuyojwani ni wingu kuu na kuu ḍya mashaahiḍi wayangiyeo faro zao, nahuyekeze kula chichonahugija-gija na huiyatse hi nabvise iyonatsaka kuhuhabvaka. Nahud̯arame na d̯iḍa hizi mbio hungizijwezo.

Waeburania 12:24

Nywinywi mudza kwa Yesu, eye muntu jwa kahi jwa hiḍi ḍamano ipfya. Jeje, mwaziwe uhika na uhuwekea ahad̯i ya mambo mema zaid̯i kuchia mwazi wa Habili.

Waeburania 5:1

Kula muntu atsanijwee kahi ya wantuwe kuwa *Mukohani Mukuu, katsanigwa kumuhumikia Muungu pfantu pfao. Kawekwa kuyavya mat̯ola yao na mvuugiya zao za kuwahendeza wadhereswe nabvise zao.

Waeburania 9:22

D̯ubva ni kunena kwamba, kuuḅana na hi Sharia, hafufi kula kintu kinadhereswa na mwazi. Pfasipfo mwazi kuhika, ntaku kuyatsijwa nabvise.

Yud̯a 1:11

Hachi wadzawa na d̯ina nkuu muno! Koro wakuhendani dza hiviḍe vya Kaini amuyagiyevyo ndugujwe. Wao ni wantu watsakiyeo fwedha dza hiviḍe vya Balamu evyokuwa. Na kwa kwamba wamutsowea Muungu, wananangwa-nangwa dza hiviḍe vya Kora evyotsowa na akinangwa-nangwa.