Waeburania 11:37 - Pokomo

³⁷ Wangine wabigwa na mawe wayagwa, wangine waḅajwa mpande mbii mbii na misumeno na wayagwa, na wangine wakentwa-kentwa na myundu wayagwa. Wangine wahangaika huku na huku, nguo zao zikiwa ni nchingo za mbuzi. Wewa na t̯uri muzuka, wakuntiswa d̯ina na kuhendejwa mazuka menji.

Waeburania 11:37 ပူးပေါင်းရင်းမြစ်များ

Matayo 21:35

Ela wao wakidzawakinuka, wawagija hawa wahumisi wa huyu mwenye hi nkonde. Mumodza wamubiga biga nzuka. Yungine wamuyaga, na yungine wamubiga na mawe.

Matayo 3:4

Yohana ekivwaa vwazi ḍyelekanyijweḍyo na nsinga za ngamia, na ekidzifunga mulao wa nchingo chunoni mwakwe. Chakuḍyache kiiwa ni maghere na uchi.

Matayo 8:20

Ela Yesu kamwamba, “Hamabworama wana mpango zao, na nyuni wana vitsanza vyao. Ela mimi *Mwana jwa Ad̯amu, hat̯a pfantu pfa kujufinikiza yukopfe si kintu.”

Luka 13:34

Yerusalemi, e Yerusalemi! Mudzi wiwonayaga manabii na kuwabiga na mawe *ntumi wa Muungu! Ni myeedha myengaa nitsakiyeyo kuwatsanganya wantuwo pfamodza, dza hiviḍe vya nkuku evyonawafunamia wanawe nsii ya maḅawaye? Ela wewe kudziza!

Mahendo 14:19

Makisa kudza Wayahud̯i wangine kuyawa Antiokia ya ḍyimbo ḍya Pisidia na wangine kuyawa Ikonio. Wawahendeza hawa wantu wawapfyehukie hawa ntumi wowii. D̯ubva wamubiga Paulo na mawe na wamukururya wamuyavya nze ya hu mudzi, wakit̯ara kwamba ewa kamaafwa.

Mahendo 7:52

Ni nabii ga, asiyekuntiswa d̯ina ni wabibi zehu? Wawayaga hawa manabii wa Muungu weolalabva kae kudza kwa muhumisijwe muhachi. Kadza, na hi saasambi mumuḍawanya na mumuyaga.

2 Wakorint̯o 12:10

Ndookomu natsekea kukunta d̯ina kwa dzambo ḍya Kirist̯o. Sione viwi nikiwa mudhaifu ambu nikihendejwa mazuka, ninkiwa na t̯uri ambu nikiteswa na kukuntiswa d̯ina. Koro nipfonasiijwa ni nguvu zangu ndipfo nipfonapata nguvu za Kirist̯o.

Waeburania 11:25

Jeje kaona ni heri kukuntiswa d̯ina pfamodza na wantu wa Muungu kuliko kudzitsekeza nabviseni kwa muḍa.

Waeburania 13:3

Wamuud̯amiyeni hawaḍe weo gerenzani, dza kwamba nanywi mufungwa pfamodza nao. Wamuud̯amiyeni na hawaḍe weokukuntiswani d̯ina, dza kwamba hizi d̯ina mwakuzikuntiswani nywinywi.

Upfenuo wa Yohana 11:3

Ela kunawa mashaahiḍi wangu wawii. Wao nawapfa uwezo wa kuyavya unabii kwa huo muḍa wa hizo nsiku elefu modza na magana mawii na miyongo mihandahu. Nao wanayavya unabii wakiwa wavwaa nguo za magunia.”