Waeburania 11:3 - Pokomo

³ Faro ndiyo ihupfiyeyo kuimuka kwamba, huju lumwengu juumbwa kwa chuuwo cha Muungu. Ndookomu hivi vivyonaonekana, viumbwa kuyawana na hiviḍe visivyoonekana na matso.

Waeburania 11:3 ပူးပေါင်းရင်းမြစ်များ

Yohana 1:3

Kuchiiya na kwakwe jeje, Muungu kaumba kula kintu. Ntaku chiumbijwecho pfasipfo jeje.

Mahendo 14:15

“Nywinywi wantu, kut̯i mwakuhendani hivi? Naswi hu wanaad̯amu dzanywi! Hudzia kumusumwiiya Maagu Mema, muiyatse hi miungu yenu isiyo maana, mumuperukiye Muungu eye mojo, aumbiye yuwingu na nsi, rukanga na vyonse vivyo kuzimuye.

Mahendo 17:24

Huyu Muungu, aumbiye lumwengu na kula chicho kuzimuye, ni Ḅwana jwa yuwingu na nsi. Nkanakaa mahekaluni yambakijweyo ni wantu.

Warumi 4:17

Dza vya matsoro yaneneyevyo yakyamba, Muungu kamwamba Iburahimu, “Nikuhendeza kuwa baba jwa vyeet̯i vinji.” Epfoakiyambijwa haya haya, Iburahimu ewa usoni kwa Muungu na kayahikiza. Huyu ndiye huyu Muungu eyenawafufuya wafu, na hat̯a mambo yasiyodzahendeka akayahwaa dza kwamba yesakuhendeka.

1 Wakorint̯o 2:7

Hi mvidhyo hwiyokusumwiiyani, ni ngadzi ya mvidhyo ya Muungu eyoiwafitsa wantu. Ela ewa kahuna kuhungiza maremboni mwakwe hangu lumwengu jusidzaumbwa.

1 Timoteo 4:5

Kwa dzambo ḍya kwamba, hichi chuuwo cha Muungu na haya mayombo, yanavihendeza viwe vidheru.

Waeburania 1:2

Ela hizi hizi nsiku, ziizo nsiku za mwiso, Muungu kakunenani naswi kuchiiya na kwa Mwanawe. Hangu lumwengu ntajudzaumbwa, Muungu kamutsana kudzamumpa kula kintu kiwe chakwe, na kajuumba huju lumwengu kuchiiya na kwa huyu huyu Mwanawe.

Waeburania 6:5

Wedzionea wao wenye hu wema wa chuuwo cha Muungu, na weziona hizi nguvu za ut̯awala wa Muungu.

2 Pet̯ero 3:5

Ela wanadziareresa nangere kwamba, kae Muungu kanena chuuwo t̯u, na mbingu ziumbika. Na pia kajuumba huju lumwengu kuyawana na madzi.

Upfenuo wa Yohana 4:11

“Ḅwana jwehu na Muungu jwehu, wewe unamala kushad̯wa na kukuzwa na kuhilwa. Koro wewe kuumba kula kintu, na kula kintu uumbiyecho kiwa na chakuishini kwa kutsaka kwako wewe.”