Waeburania 1:6 - Pokomo

⁶ Na kawii Muungu epfomuyeha Mwanawe hangafa lumwenguni, kamba, “Malaika wangu wonse nawamuvunzie nkuhi.”

Waeburania 1:6 ပူးပေါင်းရင်းမြစ်များ

Matayo 24:14

Na haya *Maagu Mema dzuu ya Uhaju wa Mbinguni yanasumwiijwa lumwengu yuzima ili kula kyeet̯i kiyasikie, ndipfo rhefu, mwiso wa lumwengu unakudza.

Yohana 1:14

Huyu eyeakihanwa Chuuwo kawa mwanaad̯amu na kaishi kahi yehu. Huuona uwezowe mukuu, yani uwezo eo nao dza Mwana jeje heket̯u jwa huyu Baba. Kahuyanga winji wa matsakoye kwehu na kahupfa kumanya kula kintu dzuu ya Muungu.

Yohana 1:18

Ntaku amuoneye Muungu lamud̯a huyu Mwana jwa Muungu jeje heket̯u ambaye jeje mwenye ni Muungu. Jeje na huyu Baba wana uhusiano wa hafufi muno, na ndiye amuhendezeye huyu Baba amanyikane aivyo.

Yohana 3:16

Koro Muungu kajutsaka lumwengu hat̯a kamuyavya Mwanawe madiani, ili kula amuhikiziye atsekwaara, ela awe na maisha ya kuunga na yuungo.

Warumi 8:29

Koro hawaḍe wa Muungu awatsaniyeo iiḍe na iiḍe, pia kawapangia kwamba wawe dza huyu Mwanawe, ili kwamba jeje awe ndiye huyu ndugu yao hangafa.

Wakolosai 1:15

Muungu nkaonekane, ela kuzimuni mwa Kirist̯o hunaona namuna ya Muungu aivyo. Kirist̯o ana mamulaka dzuu ya kula kintu kiumbijwecho.

Wakolosai 1:18

Dza vya kitswa kiivyo kwa mwii, ndivyo vya Kirist̯o aivyo muyongozi jwa hiḍi tsanganikoḍye. Ndiye jwa d̯ura afufukie na akiwa na maisha ya kuunga na yuungo. Ndookomu ka dzuu ya kula kintu.

Waeburania 1:5

Koro Muungu nkakunena na malaika yuḍejwonse, amwambe, “Wewe u Mwanangu, yeo nikuvyaa.” Na wala nkakunena dzuu ya malaika yuḍejwonse ambe, “Mimi nawa Babajwe, nae anawa Mwanangu.”

Waeburania 10:5

Ndiyo maana, *Kirist̯o epfoakidza lumwenguni, kamwamba Muungu, “Wewe nkukutsaka mvuugiya wala mat̯ola ya wantu ya kukuyavia. Ela kunimpa mwii wa mwanaad̯amu.

1 Pet̯ero 3:22

Kirist̯o kenda mbinguni na kakaa mukono kuyume wa hila wa Muungu. Ana mamulaka dzuu ya malaika wonse na nguvu zonse za kiruhu zizo yuwinguni.

1 Yohana 4:9

Muungu kayanga tswee matsakoye kwehu, kwa kumuhuma lumwenguni Mwanawe madiani. Kamuhuma ili kwamba kuchiiya na kwakwe, hupate maisha ya kuunga na yuungo.