Waeburania 1:14 - Pokomo

¹⁴ Mani d̯ubva awa malaika mbwa? Wao ni ruhu zizonamuvunzia nkuhi Muungu na zizonahumwa kuwahumikia hawaḍe wa Muungu adzeopfonya.

Waeburania 1:14 ပူးပေါင်းရင်းမြစ်များ

Matayo 1:20

Ela epfoakimamat̯a kuhenda hivi, malaika jwa Ḅwana kamut̯upukia ndohoni kamwamba, “Yusufu mwana jwa D̯aud̯i, nkudzoshooge kumuhwaa Maria awe mukaziwo. Koro hi mimba eyonayo kaimiha kwa nguvu za Ruhu Mudheru.

Matayo 13:41

Mimi Mwana jwa Ad̯amu nidzawahuma malaika wangu wadzeowayavya wantu wazuka wonse kuyawa Uhajuni mwangu. Wadzawaundukiza wantu wonse weonangiza wenzao nabviseni, pfamodza na hawaḍe weonahenda mazuka,

Matayo 18:10

D̯ubva manyani mutsebalifa hat̯a mumodza jwa hawa hawa wantu wanihikiziyeo, weo dza wana vichuchu. Koro hachi nyakumwambiani, hawa malaika wao saa zonse waa usoni pfa Baba jwangu jwa mbinguni.”

Matayo 2:13

Hawa wamanyi nyoha wepfonuka, malaika jwa Ḅwana kamut̯upukia Yusufu ndohoni kamwamba, “Nuka umuhwae huyu mwana na mamajwe mud̯aramie nsi ya Misiri. Ikaani kukuḍe hat̯a nidzepfomwambia mugale, koro haju Herod̯e kadzatsaka kumulacha huyu mwana amuyage.”

Matayo 24:31

Jeje kadzawahuma malaikawe na saut̯i ya t̯arumbet̯a nkuu, nao wadzawat̯ut̯aisa wantuwe wonse awatsaniyeo. Wadzawat̯ut̯aisa kuyawa mpembe zonse za lumwengu, hangu ḍanda modza ya huju lumwengu hat̯a ḍanda ingine.”

Matayo 25:34

Makisa kadzanena na hawaḍe weo mukono wakwe wa kuyume kadzawamba, ‘Nywinywi muvodhyejweo ni Baba jwangu, nzoni. Nzoni munjie Uhajuni mwa Muungu muuelekanyizijweo hangu kuumbwa kwa lumwengu.

Matayo 4:11

D̯ubva Shaat̯ani kamuyatsa, na kudza malaika wakimuhumikia Yesu.

Marko 10:17

Yesu epfoakinuka kuḍabva charoche, kunuka muntu mumodza kamud̯aramia kenda kamuvunzia nkuhi, kisa kamuuza kamwamba, “Mwaalimu mwema, inanimala nihende kintu ga, ili niweze kuwa na maisha ya kuunga na yuungo?”

Luka 1:19

Huyu malaika kamwambukuya kamwamba, “Mimi ni Gabrieli niyenasumama usoni kwa Muungu. Kanihuma nikuyeheye haya maagu mema.

Luka 1:23

Maro ya Zakaria ya kuhenda kazi Hekaluni ipfosiya, kauja nyumbani kwakwe.

Luka 16:22

Mwiso huyuḍe kowesa kafwa. Malaika wamupfiika kukaani pfamodza na Iburahimu. Makisa huyuḍe muntu jabva nae kafwa na kazikwa.

Luka 2:13

Iyo saa kit̯aro cha malaika kuyawa mbinguni kitsanganika pfamodza na huyuḍe malaika na waḍabva kumushad̯a Muungu wakyamba,

Luka 2:9

Iyo saa malaika jwa Ḅwana kawat̯upukia, na marembo ya Muungu yawayangaiya tswee, nao wanjijwa ni oga muno.

Mahendo 11:22

Haya maagu ya hiḍi dzambo yaḍifikia tsanganiko ḍya Yerusalemi. Ndookomu wamuhuma Baranaba ende Antiokia.

Mahendo 12:23

Iyo saa malaika jwa Ḅwana kamubiga na nd̯wari Herod̯e, kwa dzambo nkakumumpa Muungu hilaze. Kaḍigwa ni mvunyo kafwa.

Mahendo 12:7

Iyo saa malaika jwa Ḅwana kasumama hapfaḍe, na humuḍe gerenzani kuyangaa muyanga. Huyu malaika kamubiga-biga Pet̯ero humu mbavuni amuyamuse na kamwamba, “Yamuka haraka!” Na mweedha mumodza hi minyoro imont̯oka nomu mikononi mwa Pet̯ero.

Mahendo 13:2

Wepfowakimuyomba Ḅwana na kufunga, Ruhu Mudheru kawamba, “Munitsaniyeni Baranaba na Sauli, kuhenda hi kazi niwahaniiyeyo.”

Mahendo 16:26

Iyo saa kugunga muhehemo mukuu wa nsi, hat̯a hu musinji we gerenza usukusika. Mweedha mumodza, miḍyango yonse ifunguka na minyoro ya kula mufungwa igwa mutsangani.

Mahendo 27:23

Koro siku nidzijwa ni malaika jwa Muungu, huyu Muungu niye jwakwe na niyenamuyomba.

Mahendo 5:19

Ela huḍe sikuwe, malaika jwa Ḅwana kawafungwiiya miḍyango ya gerenza, kawayongowa hat̯a nze. Kisa kawamba,

Warumi 11:14

Koro natsaka hawa Waisiraeli wenzangu wamuoneye wivu kwa hivi vya Muungu evyokumuhendeani nywinywi, ili wangine wao, nao waweze kupata mupfonyo kuchiiya na kwa hi kazi niyokuhendani.

Warumi 13:6

Hat̯a hii ndiyo saḅaḅu mwiyonaipfa kuwa. Ni had̯i muipfe kuwa kwa kwamba hawa wat̯awala wepfonatumia wakati wao wonse kut̯awala, wanawa kwamba wakumuhumikiani Muungu.

Warumi 15:16

kanimpa hi hii kazi ya kuwa muhumisi jwa Kirist̯o Yesu, kuwahumikia wantu wasikwaa Wayahud̯i. Nami nikwakusumwiiyani haya *Maagu Mema ya Muungu, nawa kwamba nyakuhendani kazi ya kikohani. Nahenda hivi ili wantu wa vyeet̯i vingine nao wakuḅalike usoni kwa Muungu, dza hiviḍe vya Muungu evyonakuḅali mvuugiya ya kutsomwa iyonayavigwa ni *mukohani. Na Muungu anawapfa Ruhu Mudheru jwa kukaa kuzimuni mwao na kuwadheresa.

Warumi 15:27

Waona vyema wao wenye kuhenda dzevihivi, na kwa hakika weemala kuhenda dzavyo. Koro wantu wa vyeet̯i nao pia wapfokea hizi mvoni za kiruhu za hawa Wayahud̯i. Ndookomu nao wanamala kuyavya vyao kwa Wayahud̯i wahikiziyeo, dza njia ya kuwayavia ḍuḍa.

Warumi 8:17

Kwa kwamba hu wanawe, ḅasi hizi mvoni aziwawekeeyezo wantuwe hunazipata, na hunazipfokea pfamodza na Kirist̯o, kwa kwamba kula kintu cha Muungu amumpiyecho Kirist̯o, naswi pia nchehu. Ela hukitsaka kunjia maremboni pfamodza na Kirist̯o, ni had̯i hukuḅali kukunta d̯ina dza viviḍe vyakwe akuntiyevyo d̯ina.

1 Wakorint̯o 1:21

Koro Muungu, kwa mupangowe mwenye, kavihendeza vitsewezakana kwa wantu kumumanya kwa njia ya mvidhyo yao ya kilumwengu. Ishinu, Muungu kahuna kuwapfonya hawaḍe weonahikiza, kwa njia ya haya maagu hwiyonasumwiiya, ya wangine weyonakwamba nza uḍyura.

2 Wakorint̯o 9:12

Koro hu uhumisi mwiwokuhendani unat̯oseza haḍya za hawa wantu wa Muungu na unawahendeza wamuyavize Muungu ḍuḍa nyinji na nyinji.

Wagalatia 3:29

Na kwa kwamba mu wamodza na Kirist̯o, ḅasi mu wana wa Iburahimu, na mudzaipfokea hi ahad̯i aimuwekeeyo Iburahimu hangu iiḍe.

Wagalatia 3:7

D̯ubva ni muimuke ya kwamba, wana wa Iburahimu hachi, ni hawaḍe t̯u wamuserefat̯iyeo Muungu.

Wagalatia 3:9

D̯ubva hawaḍe wamuserefat̯iyeo Muungu wavodhyegwa dza viviḍe vya Iburahimu evyomuserefat̯a Muungu nae akivodhyegwa.

Waefeso 3:6

Hi ngadzi ni hi ya kwamba, kuchiiya na kwa kuyahikiza haya *Maagu Mema, wantu wa vyeet̯i nao pia wanazipfokea hizi mvoni za Muungu ezonawaḍalisa wanawe. Kuchiiya na kwa Kirist̯o Yesu, wonse wagala dza viiriiri vya mwii mumodza, na wanazipfokea hizi mvoni za Muungu aahid̯iyezo.

Wafilipi 2:17

Hat̯a ikiwa kwamba mimi ni kuyavigwa dza sehemu ya hi mvuugiya mwiyokumuyavizani Muungu kwa dzambo ḍya serefano yenu kwakwe, mimi nya t̯ayari na natsaika pfamodza nanywi nyonse.

Wafilipi 2:25

Niona urembo kwamba nguzi nimugaliche ndugu Epafurodito kwenu. Jeje ni muhenda kazi mwenzangu hwiyekuijwaniani pfamodza hi injili. Na ndiye muhumiyee kudzanigija ninkiwa na t̯uri.

2 Watesalonike 1:7

Makisa swiswi nanywi kadzazihunwiiya hizi hizi d̯ina na hunapata kusoha. Haya yadzahendeka ngera za Ḅwana jwehu Yesu adzepfot̯upuka kuyawa mbinguni. Jeje na malaikawe wenye nguvu, wadzasuka kuyawa dzuu

Tito 3:7

ili kwamba, kwa kuhufwiya t̯ei kwakwe, hupate kungizwa hariani mwa sawa na Muungu, kisa hupfokee haya maisha ya kuunga na yuungo hudzikwat̯iyeyo kuyapata.

Waeburania 10:11

Kula *mukohani jwa Kiyahud̯i anahenda kazize za kiḍini nsiku kwa nsiku, na kuyavya mvuugiya zizo kwa zizo kut̯wa. Amoo hizi mvuugiya ntaziwezi kumunwiiya muntu nabvise.

Waeburania 2:3

D̯ubva hukitsaufwanya mupfonyo mukuu dzohuu, hunapfona kutsahukumigwa? Huyu Ḅwana mwenye ndiye jwa d̯ura aneneye dzuu ya hu huu mupfonyo. Na hawa wamusikiiyeo, wavihuyanga tswee kwamba ni ḍugha.

Waeburania 5:9

Na epfoit̯imiza hi kaziye kawa ndiye muntu jwa kuwapfonya maishi hawaḍe wantu wonse weonamut̯ii jeje.

Waeburania 6:12

Sit̯aki muwe wantu wasiotsaka kuhenda kintu, ela natsaka muwe dza hawaḍe weonahikiza na wakait̯isa, kisa wakapfokea hayaḍe ya Muungu aahid̯iyeyo kuwapfa.

Waeburania 6:17

Muungu ekitsaka kuviwawekea wazi hawaḍe awawekeyeo ahad̯i, kwamba, nkawezi kuvunza ahad̯i yakwe meshi, ndookomu nae kawayapfia.

Waeburania 8:6

Ela sasa, Yesu kapfegwa kazi ya ukohani iyo na maana zaid̯i kuchia hiḍe ya hawa wakohani wangine. Jeje kakusumamiani ḍamano ḍiḍyo na maana zaid̯i kuchia hiḍiḍe ḍya kae, maanaye ḍina ahad̯i ziizo na maana zaid̯i.

Waeburania 9:28

Kirist̯o nae kayavigwa dza mvuugiya mweedha mumodza t̯u, ya kunuya nabvise za wenji. Kadzakudza mweedha wa pfii kuwapfonya hawaḍe weokuyoweeyani kudzakwe, nkakwakudza kawii kutsukuya nabvise za wantu.

Yakobo 2:5

Wandugu zangu watsakwa, nisikiiyani! Muungu katsana hawa weonahwajwa kuwa wantu makowesa wa huju lumwengu na kawahendeza kuwa majabva ya faro. Na ndiwo wadzeouḍala uhajuwe aahid̯iiyeo hawaḍe wonse wamutsakiyeo.

1 Pet̯ero 1:12

Muungu kawapfenuiya hawa manabii kwamba haya haya mambo ntayakwakuhendeka ngera zao, ela yadzahendeka ngera zenu. Na sasa, haya *Maagu Mema yesakusumwiijwa kwenu ni wantu wayongowejweo ni Ruhu Mudheru asusijwe na yuwinguni. Haya ni mambo ambayo kwamba hat̯a malaika wakuyakamiani wayamanye.

1 Pet̯ero 1:4

Ndookomu hwakuindiiyani kupfokea hizi mvoni za Muungu aziwawekeeyezo wantuwe. Kazihuwekea mbinguni, pfantu zisipfowowa, wala kunangika, nolawe kujara.

1 Pet̯ero 3:7

Nywinywi wayume nanywi, ikaani na umpowe na wakazenu, mukimanya kwamba wake ni viumbe vidhaifu. Wahileni, koro hi t̯ola ya Muungu ya maisha ya kuunga na yuungo, wanaipfokea pfamodza nanywi. Mukikaa nao dza hivi, ntakuwe na kiḍechonse cha kut̯iidhya mayombo yenu kusikijwa.

Yud̯a 1:14

Henoke eyeishi kivyazi cha fungahe ḅaad̯a ya Ad̯amu ewa kayavya unabii dzuu ya wantu dza hawa hawa epfokwamba, “T̯ayowa, Ḅwana kakudzani na maelefu na maelefu ya malaikawe.

Upfenuo wa Yohana 5:6

Kisa niona Mwana Mbuzi asumamiye hafufi na hiki kiti cha kihaju na akizunguukwa ni hivi viumbe vyoone na hawa wazee. Huyu Mwana Mbuzi kakaa dza kwamba ewa katsinzwa. Na ewa na mpembe mfungahe na matso mafungahe, ambayo ni hizi ruhu mfungahe za Muungu zizohumwa lumwengu yuzima.