Upfenuo wa Yohana 22:4 - Pokomo

⁴ Wadzamuona uso kwa uso, na hiḍi sariḍye ḍinawa ḍyoregwa vidhangoni mwao.

Upfenuo wa Yohana 22:4 ပူးပေါင်းရင်းမြစ်များ

Matayo 5:8

Mudzawa na tsekea iyodze nywinywi mwiwo na myojo misafi, koro mudzamuona Muungu.

Yohana 12:26

Yuḍejwonse eyenatsaka kunihumikia ni had̯i aniuḅe mimi, ili hapfaḍe nidzepfowa nae jeje muhumisi jwangu awe hapfo hapfo. Na kula eyenanihumikia, Baba anamukuzya.

Yohana 17:24

Baaba, natsaka hawaḍe uwanimpiyeo wawe pfamodza nami hapfaḍe nidzepfowa, ili wanione maremboni mwangu. Kuningiza humu humu maremboni kwa kwamba wiwa kunitsaka hangu lumwengu ntajudzaumbwa.

1 Wakorint̯o 13:12

Hi hii saasambi hwakuonani dza sura ikaiyeyo mawizawiza kiyooni, ela kisa hudzaona tswee tswee. Haya nimanyieyo hi hii saasambi siyo yonse, ela kisa nidzayamanya tswee, dza hivi vya Muungu animanyiyevyo jwonse.

Waeburania 12:14

Ḍemani kukaiyana na naghea na wantu wonse na muishi maisha ya udheru, maanaye ntaku adzeyemuona Ḅwana pfasipfo kuishi maisha madheru.

Upfenuo wa Yohana 14:1

Kisa nikidzanikihea matso nimuona huyu Mwana Mbuzi kasumama Murima wa Sayuni pfamodza na wantu 144,000. Hawa hawa wantu, vidhangoni mwao woregwa hiḍi sari ḍya huyu Mwana Mbuzi na ḍya Babajwe.

Upfenuo wa Yohana 3:12

Kula adzeyeshinda, namuhendeza kuwa nguzo kuzimuni mwa *Hekalu ya Muungu jwangu na wala nkawezi kuiyawa kawii meshi. Nami dzuu yakwe nakwora sari ḍya huyu Muungu jwangu, nae anawa muntu jwa mudzi mupfya wa Muungu yani Yerusalemi mpya idzeyoyawa mbinguni kwa Muungu. Na pia nakwora sari ḍyangu ipfya dzuu yakwe.

Upfenuo wa Yohana 7:3

“Namutseinanga nguzi hi nsi wala hi ḅahari ambu hi mihi, mumpaka wahumisi wonse wa huyu Muungu jwehu huwabige muhuri humu vidhangoni.”