Upfenuo wa Yohana 2:7 - Pokomo

⁷ D̯ubva eye na masikio, nasikiye hivi vya huyu Ruhu evyokuyambiani matsanganiko. Na kula adzeyeshinda, namumpa hachi ya kuḍya matunda ya muhi wiwonapfa wantu maisha, wiwo *Paradisoni mwa Muungu.’ ”

Upfenuo wa Yohana 2:7 ပူးပေါင်းရင်းမြစ်များ

Matayo 11:15

D̯ubva kula awee na masikio nasikiye.”

Matayo 13:43

Na hawaḍe weo wahachi, wadzayangaa dza hiḍi dzuwa Uhajuni mwa Baba jwao jwa yuwinguni. D̯ubva huyuḍe awee na masikio nasikiye!”

Matayo 13:9

D̯ubva huyuḍe eye na masikio nasikiye!”

Marko 4:9

Kisa Yesu kawamba, “D̯ubva huyuḍe eye na masikio nasikiye!”

Marko 7:15

Hikiḍe cha muntu echonaḍya sicho chichonamuhendeza kutsaawa mudheru. Chichonamutsovya muntu udheru ni hikiḍe chichonayawa mojoni mwakwe.

Marko 7:16

Mwenye masikio, nasikiye.”

Luka 23:43

Yesu kamwamba, “Hachi nyakukwambiani, yeo unawa pfamodza nami *Paradiso.”

Luka 8:8

Ela mbeju zingine zigwa kuntu kwa mutsanga munono na zivyaa chima cha nseensee gana zaid̯i ya hiviḍe zishat̯ijwevyo.” Yesu epfokwisa kunena hivi, kawalalabvia hawa wantu kawamba, “D̯ubva huyuḍe eye na masikio nasikiye!”

Yohana 16:33

Nimwambia haya haya mambo yonse, ili mupate kuingamaa myojo kwa dzambo ḍya kuwa na uharia nami. Gula huju lumwengu junamukuntisa d̯ina, ela namutseefwa mojo, mimi nijushinda lumwengu.”

1 Wakorint̯o 2:10

Ela swiswi, haya haya mambo Muungu kayahupfenwiiya kwa njia ya Ruhu jwakwe. Koro huyu Ruhu ndiye amanyiye kula kintu, kamanya hat̯a hizi ngadzi nkuu nkuu za Muungu.

1 Yohana 2:13

Nyakumworeani nywinywi wantu wakuu, kwa kwamba mumumanya huyu eyekuwapfo hangu ḍabvu. Nyakumworeani nywinywi wayume waḍoḍo, kwa kwamba mumushinda huyu Muzuka.

Upfenuo wa Yohana 13:9

Kula eye na masikio ya kusikiiya nasikiye haya.

Upfenuo wa Yohana 14:13

Kisa nisikia idzwi kuyawa mbinguni ḍikinyamba, “Vyore hivi vyuuwo hivi: Hangu hi hii saasambi wadzawa na tsekea iyodze hawaḍe wonse wadzeofwa wakiwa kwamba wamuhikiza Ḅwana.” Kisa huyu Ruhu kamba, “Wadzawa na tsekea ḍugha! Koro ḅaad̯a ya hizi d̯ina zonse wakuntiyezo, wadzapata kusoha kwa kwamba haya mahendo yao mema yanauḅana nao!”

Upfenuo wa Yohana 15:2

Niona kintu kikaiyecho dza ḅahari ya kiyoo itsanganyijweyo na moho. Na geri ye ḅahari kusumama wantu wagijiyeo vinuḅi wavipfegejwevyo ni Muungu. Hawa ni hawaḍe wantu wamushindiyeo huyuḍe binensa, wadziziyeo kuiyomba hi sanamuye na wakidziza kubigwa muhuri we namba ya hiḍi sariḍye.

Upfenuo wa Yohana 2:11

Eye na masikio, nasikiye hivi vya huyu Ruhu evyokuyambiani matsanganiko. Na kula adzeyeshinda, huku kufwa kwa pfii kwa maishi na maishi, ntakuwezi kumupata.’ ”

Upfenuo wa Yohana 2:17

Eye na masikio, nasikiye hivi vya huyu Ruhu evyokuyambiani matsanganiko. Na kula adzeyeshinda, namumpa sehemu ya hiḍe mana ifitsijweyo na namumpa iwe dzeupe ḍyorejweḍyo sari ipfya ḍisiḍyomanyigwa ni yuḍejwonse, lamud̯a huyu adzeyeḍipfegwa.’ ”

Upfenuo wa Yohana 21:7

Kula ashindiye nayamumpa haya haya yonse. Muntu dzae, mimi mwenye nawa Muungujwe, nae anawa mwanangu.

Upfenuo wa Yohana 22:14

Wadzawa na tsekea iyodze hawaḍe wayafwiiyeo mavwazi yao. Hao wadzawa na hachi ya kuunjia huḍe mudzi na kuḍya haya matunda ya hu muhi wiwonapfa wantu maisha ya kuunga na yuungo.

Upfenuo wa Yohana 22:17

Huyu Ruhu na huyu Ḅiḅi Harusi wamba, “Nzoo!” Na yuḍejwonse avisikiiye hivi hivi nambe, “Nzoo!” Yuḍejwonse eye na nchiu nadze! Atsakiye madzi yeyonapfa wantu maisha yasiyosia, nadze anwe ḅure!

Upfenuo wa Yohana 22:2

Ivuha kuchiiya na kahikahi ye njia nkuu ya humuḍe mudzini. Kula yombe jwe tsana, kwiwa na hu muhi wiwonapfa wantu maisha ya kuunga na yuungo. Hu muhi wikivyaa matunda myeedha kumi na miwii kwa mwaka, kula mwezi ukivyaa mweedha mumodza. Na haya magombaye ni d̯awa ya kuwapfonya wantu wa vyeet̯i vya humu lumwenguni.