Upfenuo wa Yohana 2:10 - Pokomo

¹⁰ Mudzakuntiswa d̯ina zaid̯i na zaid̯i mahafufini. Ela namutseshooga. T̯asikiani, Shaat̯ani njwakumuyehea maḍemo ya kuhendeza wangine wenu wangizwe magerenzani. Munawa d̯inani kwa muḍa wa nsiku kumi. Nywinywi hat̯a ni kufwa fwani, ela namutseiyekeza faro yenu. Nami namumpa t̯ubvo ḍya maisha ya kuunga na yuungo.

Upfenuo wa Yohana 2:10 ပူးပေါင်းရင်းမြစ်များ

Yakobo 1:12

Heri muntu eyenapatwa ni maḍemo na akait̯isa! Koro akiit̯isa hat̯a akiyashinda, Muungu anamumpa t̯ubvo ḍya maisha ya kuunga na yuungo. Hiḍi ni t̯ubvo ḍya Muungu aahid̯iyeḍyo kuḍiwapfa hawaḍe wonse wamutsakiyeo.

Matayo 10:22

Na wantu wenji wadzamukeva kwa dzambo ḍyangu. Ela huyuḍe adzeit̯isa hat̯a mwiso, kadzapfonywa.

1 Pet̯ero 5:4

Makisa ngera ya huyu Mut̯ikisa Mukuu adzeyokudza, munapfegwa t̯ubvo ḍya d̯aha ḍisiḍyonangika maishi.

Marko 13:13

Na wantu wenji wadzamukeva kwa dzambo ḍyangu. Ela huyuḍe adzeit̯isa hat̯a mwiso, kadzapfonywa.

Waefeso 6:12

Koro viha vyehu hwivyokujwanani ntahukwakujwanani na mwazi na nyama dzaswi! Ela hwakujwanani na mahaju ya mpepfo nzuka na sirikali zao. Hwakujwanani na nguvu za kiza zizokujut̯awalani huju lumwengu na nguvu za mpepfo nzuka ziizo humu angani dzuu.

Upfenuo wa Yohana 2:9

Mimi nimanya d̯ina mwizonazo na umasikini wenu mwiwo nao. Ela kunena hiḍe ya hachi nywinywi mu majabva! Nimanya hat̯a hu uzuka wa hawa wapinzani wenu weokumuneneani. Wao wakudzihanani wantu wa Muungu na hali huku ni wantu wa Shaat̯ani.

Matayo 24:13

Ela huyuḍe adzeit̯isa hat̯a mwiso, kadzapfonywa.

1 Pet̯ero 5:8

Pfyenuyani matso na muchimize! Koro huyu nyabva jwenu, Shaat̯ani, kakuzingani dza nsimba eyekuvumiizani, akilacha muntu jwa kumuḍya.

1 Wakorint̯o 9:25

Kula muntu jwa kunjia mashindano ya mbio anahenda mazowezi ya nguvu kaḅisa na ni had̯i awe muntu jwa kudzimiza! Wanahenda hivi wapate kushinda na wapfegwe t̯ubvo ḍisiḍyokaa, ela swiswi hunahenda hivi hupate kupata t̯ubvo ḍiḍyonakaa maishi.

Matayo 10:28

Namutsewashooga hawaḍe weonaweza kumuyaga mii ḅasi na hali ntawa uwezo wa kuziyaga ruhu zenu. Ela mushoogeni Muungu, koro jeje ana uwezo wa kungiza *mohoni mwii na ruhu ya muntu, na avinange-nange tswee.

Upfenuo wa Yohana 13:7

Na pia huyu huyu binensa ewa kapfegwa mamulaka ya kujwana na wantu wa Muungu na awashinde. Kapfegwa mamulaka dzuu ya wantu wa kuyawa kula nsi, na kula kyeet̯i na kula lugha.

Waefeso 2:2

Mwikiuḅa mazuka ya wantu wa huju lumwengu na kumut̯ii mut̯awala jwa hizi mpepfo nzuka zizonaishi humu angani. Hii ndiyo ruhu ya mazuka iyokuwat̯awalini hawaḍe wonse wasiotsaka kumut̯ii Muungu.

Yohana 13:2

Ipfofika mioro, Yesu na wanafund̯iwe wakaa chihako kuḍyani. Ela Shaat̯ani ewa kesakumungiza Yud̯a mat̯aro ya kumuḍawanya Yesu. Yud̯a ewa ni mwana jwa Simioni Isikariota.

Yohana 12:25

Yuḍejwonse eyenayahwaa maishaye ya hapfa lumwenguni kuwa na maana zaid̯i, nkapate maisha ya kuunga na yuungo. Na yuḍejwonse eyenayahwaa maishaye ya hapfa lumwenguni kutsaawa na maana, huyo anapata maisha ya kuunga na yuungo.

Luka 21:12

Ela yonse haya yasidzahendeka, mudzagijwa na kukuntiswa d̯ina. Mudzahukumigwa masunagogini na kungizwa magerenzani. Na kwa dzambo ḍyangu, mudzasit̯akigwa usoni ya mahaju na wat̯awala wangine.

Marko 8:35

Koro yuḍejwonse atsakiye kuyapfonya maishaye ya hapfa lumwenguni, anadzitsovya maisha ya kuunga na yuungo. Ela huyuḍe eye t̯ayari kudzitsovya maishaye ya hapfa lumwenguni kwa dzambo ḍyangu na haya Maagu Mema yangu, huyo anapata maisha ya kuunga na yuungo.

Upfenuo wa Yohana 13:2

Huyu huyu binensa ewa ka dza nat̯odhe, ela ewa na maguu ya koḍowile na kanwa ka nsimba. Hiḍiḍe ḍyoka ḍimumpa nguvu na mamulaka yakwe yonse ya kut̯awala.

Mahendo 21:13

Kenge jeje kambukuya kamba, “Maana ya kuiya na kuniyaga mojo dzevihivi ni? Sikwaa t̯ayari t̯u kufungwa-fungwa Yerusalemi ela hat̯a kufwa kwa dzambo ḍya Ḅwana Yesu.”

Mahendo 20:24

Kenge hat̯a vivyo haya maisha yangu sikwakuyaonani na maana muno kwangu. Cha mud̯a kwangu ni kwisa hi kazi ya Ḅwana Yesu animpiyeyo kuhenda. Yani kazi ya kulalabva *Maagu Mema ya t̯ei ya Muungu.”

Yohana 13:27

Na pfapfo, Yud̯a epfouhwaa hu mukahe Shaat̯ani kamunjia. Yesu nae kamwamba, “Yud̯a, hiḍi wiḍyokutsakani kuhenda, rebva uḍihende haraka.”

Upfenuo wa Yohana 2:13

Mimi nimanya kwamba huku mwikokuishini ndiko kwa Shaat̯ani mwenye ekokut̯awalani. Ela faro yenu kwangu muigija gu! Na hat̯a masiku ya Antipa shaahiḍi jwangu muhikizika, epfoyagwa humo mudzini mwenu, wiwo makao ya Shaat̯ani, nywinywi ntamukuuja na nyuma.

Upfenuo wa Yohana 13:14

Na kwa dzambo ḍya haya mamulaka apfegejweyo ya kuhenda mafara ya kumakisa usoni ya huyuḍe binensa jwa d̯ura, huyu huyu binensa jwa pfii kawaarya wantu wonse wa lumwenguni. Kawaamuru kwamba waelekanye sanamu ḍya huyuḍe binensa eyekentwa na mundu akimad̯aiswa vyumuni, ela kisa akitsaafwa.

Upfenuo wa Yohana 17:14

Yadzaungana pfamodza nae kujwana viha na huyu Mwana Mbuzi. Ela huyu Mwana Mbuzi na wantuwe kadzawashinda wonse, koro jeje ni Haju jwa mahaju na ni Ḅwana jwa maḅwana wonse. Na hawaḍe wonse weo wakwe ni wantu awatsaniyeo na akiwahana kuwa wakwe, na ni wahikizika.”