Upfenuo wa Yohana 1:1 - Pokomo

¹ Haya ni mambo ya Yesu *Kirist̯o ayanipfenwiiyeyo mimi Yohana. Kayapfegwa ni Muungu awayange wahumisiwe haya ya kwamba ni had̯i yahendeke si hat̯a kae. Nae Yesu kahuma malaika jwakwe kwangu mimi muhumisijwe, kuyanipfenwiiya haya yadzeyohendeka.

Upfenuo wa Yohana 1:1 ပူးပေါင်းရင်းမြစ်များ

Yohana 12:49

Na haya niyokunenani, sikwakunenani mambo yangu mimi mwenye. Ela nyakunenani haya ya huyu Baba aniamuriyeyo niyanene, koro jeje ndiye anihumiye.

Yohana 15:15

Simuhane wahumisi kawii, kwa kwamba muhumisi nkambijwe yonse ya huyu ḅwana jwakwe eyonayo. Mimi nyakumuhanani nywinywi waḅamu zangu, maanaye kula cha Baba anyambiiyecho, nisakuchimwambia.

Yohana 17:8

Hi ḍaamisa uniḍamiyeyo, niiwapfa, nao waipfokea na mikono miwii. Wamanya hakika kwamba mimi niyawa kwako, na wahikiza ya kwamba wewe ndiwe unihumiye.

Yohana 3:32

Jeje anasumwiiya hayaḍe asikiiyeyo na aoneyeyo, ela ntaku eyenahikiza haya eyonanena.

Yohana 8:26

Kuna menji niyonaweza kunena dzuu yenu, na kuna menji niyonaweza kumuhukumu nayo. Ela mimi najwambia huju lumwengu hayaḍe nisikiiyeyo kuyawa kwa huyu anihumiye t̯u. Na haya eyonanena jeje nza ḍugha.”

Warumi 16:25

D̯ubva hwonse nahumushad̯eni Muungu! Jeje ndiye eyenaweza kuikumiiza hi faro yenu mwiyonayo kwa Kirist̯o. Haya *Maagu Mema dzuu ya Yesu Kirist̯o niyonakaa na kusumwiiya, ndiyo yeyonamumpa kukumiiya faro zenu. Kae haya haya yewa yafitswa dza ngadzi kwa myaka na myaka, ela sasa yayavigwa wekeani tswee.

Wagalatia 1:12

Mimi sikuipfegwa ni mwanaad̯amu yuḍejwonse wala kuiyongweezwa ni muntu. Huyu ainipfenwiiye ni Yesu Kirist̯o mwenye.

Waefeso 3:3

Muungu kainipfenwiiya hi ngadziye iyofitsika kwa wantu. Nami nisakumworea kwa uchuchu dzuu ya hi hii ngadzi.

Tito 1:1

Mimi Paulo, muhumisi jwa Muungu na *ntumi jwa Yesu *Kirist̯o, nyakukworeani wewe Tito. Nihumigwa niwambake faroni watsanwa wa Muungu na niwayongoze kuimanya hi hachi iyonayongweezwa ni ḍini yehu.

Upfenuo wa Yohana 1:19

D̯ubva wewe, yore haya mambo uoneyeo, yeyokuhendekani na yadzeyohendeka ḅaad̯aye.

Upfenuo wa Yohana 1:9

Mimi ndugu yenu Yohana, nyakukuntiswani d̯ina dzanywi kwa dzambo ḍya Yesu Kirist̯o. Nyakuuyoweyani Uhaju wa Muungu na kuit̯isa mad̯inani dzanywi kwa dzambo ḍya Yesu. Mimi nisamiswa nipfiikwa kilulu cha Patimo, kwa dzambo ḍya kuyongweeza chuuwo cha Muungu na kusumwiiya wantu dzuu ya Yesu.

Upfenuo wa Yohana 17:1

Mumodza jwa hawaḍe malaika wafungahe wakakanyiyeo hiziḍe ḅaakuli mfungahe kanidzia kanyamba, “Nzoo nikuyange hi hukumu idzeyopfegwa hiḍiḍe shudha kuu ḍikaiyeḍyo dzuu ya madzi menji.

Upfenuo wa Yohana 19:10

Hapfo nimugwiya maguuni huyuḍe malaika kumuyomba. Ela kanyamba, “Moro nkudzohende hivyo! Mimi ni muhumisi jwa Muungu dzawe na wenziwo weonayavya ushuhuḍa dzuu ya Yesu. Koro hi hachi ya Yesu aiyanganyiyeyo ndiyo iyonawezesa wantu kuyavya maagu ya Muungu. Nkudzonivunziye nkuhi mimi, muvunzie nkuhi Muungu.”

Upfenuo wa Yohana 19:9

Makisa huyuḍe malaika kanyamba, “Ora hivi: Wana tsekea iyodze hawaḍe waalikijweo kwe karamu ye harusi ya huyu Mwana Mbuzi.” Kisa kanyamba, “Hivi ni vyuuwo vya ḍugha viyawiyevyo kwa Muungu.”

Upfenuo wa Yohana 21:2

Na niuona hu mudzi mudheru, yani Yerusalemi mpya, ikwakusukani kuyawa mbinguni kwa Muungu. Hu mudzi wiwa upambwa urembo dza ḅiḅi harusi apambijwee na akiwa t̯ayari kwa dzambo ḍya muumewe.

Upfenuo wa Yohana 21:9

Kisa mumodza jwa hawaḍe malaika wafungahe weokuwa na hiziḍe ḅaakuli mfungahe za haya mabigo mafungahe ya mwiso, kadza kanyamba, “Nzoo nimukuyange huyu ḅiḅi harusi jwa huyu Mwana Mbuzi.”

Upfenuo wa Yohana 22:1

Kisa huyuḍe malaika kaniyanga tsana iyo na madzi masafi yeyonapfa wantu maisha ya kuunga na yuungo. Haya madzi yewa meupe pee, na yekingara dza kiyoo. Hi tsana iyawa na hapfaḍe pfe kiti cha kihaju cha Muungu na huyu Mwana Mbuzi.

Upfenuo wa Yohana 22:16

“Mimi Yesu ndimi nimuhumiye malaika jwangu adze amwambiye nyonse mwiwo matsanganikoni dzuu ya haya haya mambo. Mimi ni kit̯ukut̯uku cha haju D̯aud̯i na niyawa chunoni mwakwe. Nami ndimi huyu eyenahanwa Nyoha ya Magura.”

Upfenuo wa Yohana 22:6

Kisa huyu malaika kanyamba, “Hivi ni vyuuwo vya kuhikizika na mvya ḍugha. Ḅwana Muungu ndiye eyenawawezesa hawa manabii kuyavya maagu yao kuchiiya na kwa huyu Ruhu jwakwe. Nae ndiye amuhumiye malaika jwakwe adzeawayange wahumisiwe haya ya kwamba ni had̯i yahendeke si hat̯a kae.”

Upfenuo wa Yohana 22:8

Mimi Yohana, ndimi niyasikiiye na nikiyaona haya haya mambo yonse. Na nipfoyaona nikyendanikisa, nimugwiya maguuni huyuḍe malaika ayaniyangiye ili nimuyombe.

Upfenuo wa Yohana 22:9

Ela kanyamba, “Moro nkudzohende hivyo! Mimi ni muhumisi jwa Muungu dzawe na manabii wenziwo na hawaḍe wonse wadzeoyagija haya yorejweyo humu chuoni. Nkudzonivunziye nkuhi mimi, muvunziye nkuhi Muungu.”

Upfenuo wa Yohana 4:1

Ḅaad̯a ya hayo, niona nzozi ingine. Kudzayowa niona muḍyango upfenukiyeo hukuḍe mbinguni. Na hiḍe saut̯i iyokuwa dza saut̯i ya t̯arumbet̯a, niyoisikia ikinena nami d̯ura inyamba, “Nzoo huku dzuu nikuyange haya ya kwamba ni had̯i yahendeke huko usoni.”

Upfenuo wa Yohana 5:7

Huyu Mwana Mbuzi kenda kachihwaa hichi chuo kuyawa kwa hu mukono kuyume wa huyu akaiye hapfa pfa hichi kiti cha kihaju.