Tito 3:13 - Pokomo

¹³ Ḍema kula udzevyoweza, kumumpa ugijo huyu wakili Zena na Apolo wakiwa charoni mwao, na ut̯unze kwamba ntawa t̯uri wa kintu.

Tito 3:13 ပူးပေါင်းရင်းမြစ်များ

Matayo 22:35

Wepfokwenda, mumodza jwao eyekuwa muntu aimanyiye hi *Sharia urembo, kaḍema kumusocha Yesu na swali. Kamuuza kamwamba,

Luka 10:25

Nsiku modza, Mwaalimu jwa *Sharia mumodza atsakiye kumuḍema Yesu, kamudzia kamuuza kamwamba, “Mwaalimu, nihendedze nipate kuwa na maisha ya kuunga na yuungo?”

Luka 11:45

Mumodza jwa waalimu wa *Sharia kamwambukuya kamwamba, “Mwaalimu, ukinena dza hivyo, kwakuhutsolani naswi.”

Luka 11:52

Mudzawa na d̯ina iyodze nywinywi waalimu wa Sharia! Koro mujuhwaa huju yufunguo jwa umanyi mujufitsa. Ela nywinywi wenye kunjia humu Uhajuni ntamuhaḍya ya kunjia, na hawaḍe weokutsakani kunjia nao pia mwakuwakaiyani machingama.”

Luka 14:3

Yesu kawauza Mafarisayo na waalimu wa *Sharia kawamba, “Sharia yehu ihuseresa kupfonya na nsiku ya Sabato ambu hat̯a?”

Luka 7:30

Ela *Mafarisayo na waalimu wa *Sharia wawinga mupango wa Muungu atsakiyeo kuwahendea, wepfodziza kut̯opyegwa ni Yohana.)

Mahendo 15:3

D̯ubva tsanganiko ḍiwagonzoza. Na wepfowakichia na Foinike na Samaria wawapfa maagu hawa wantu dzuu ya namuna ya hawa wantu wa vyeet̯i vingine wamuhikiziyevyo Muungu. Haya maagu yawapfa tsekea nkuu hawa wandugu wonse.

Mahendo 18:24

Zizo ngera, Muyahud̯i mumodza eyeakihanwa Apolo, avyaijwe Alekizandaria, kadza Efeso. Ewa d̯ubat̯a jwa kunena na muntu ayamanyiye haya matsoro urembo muno.

Mahendo 19:1

Apolo epfokuwa Korint̯o, Paulo ekichia na ḍyimbo ḍya Asia. Kenda na gubani hat̯a kafika Efeso. Hukuḍe kenda kakumpwiiya wahikiza,

Mahendo 21:5

Kenge muḍa wehu wa kukaa nao wipfosia hugija kwenda na charo chehu. Wahikiza wonse, na wakazao na wana wao, wahusindikiza hat̯a nze ya mudzi. Hwonse huvunza nkuhi hapfa geri ye ḅahari na huyomba.

Mahendo 28:10

Wahupfa nt̯unu nyinji, na hwipfokuwa t̯ayari kunjia charoni wahungizia na waryegha humu chomboni.

Warumi 15:24

sasa nyakutsakani kumut̯embeeya. Nyakupangani kwamba nidzepfonjia charo cha kwenda Uhispania nichiye na huko huko Rumi. Natsaka nidze nimukedhye na hutsaike pfamodza kwa nsiku mbii ntahu, d̯ubva rhefu, munimpe ugijo niweze kwenda Uhispania.

1 Wakorint̯o 16:11

Kwa hivyo nakutseewa muntu jwa kumubalifa. Mumpeni ugijo agije kwenda na charoche salama, apate kuuja huku niiko. Nyakumuyoweeyani auje jeje na hawa wandugu.

1 Wakorint̯o 16:12

Na dzuu ya ndugu Apolo, ni hivi: Mala nineneyeo nae agijane na hawa wandugu wadze kwenu, jeje nkakutsaka kudza hi hii saasambi. Ela akipata namfasi anakudza.