Matayo 9:36 - Pokomo

³⁶ Epfoona hivi vit̯aro vya wantu vivyovikimwendea, kawasikit̯ikia muno. Koro kawaona dza mbuzi zisizokuwa na mut̯unga. Kawaona kwamba wekihangaika na ntaweewa na madzikwat̯yo yaḍeyonse.

Matayo 9:36 ပူးပေါင်းရင်းမြစ်များ

Matayo 10:6

Nywinywi endani kwa Waisiraeli t̯u. Wao waa dza mbuzi zyaariyezo.

Matayo 14:14

Yesu akwakwojekani kaona t̯ut̯a nkuu na nkuu ya wantu. Na epfowaona, kawasikit̯ikia muno na kanjia kupfonyani hawaḍe weokuwa wajwazi.

Matayo 15:24

Yesu kambukuya kamba, “Mimi nihumigwa kwa wantu wa kyeet̯i cha Waisiraeli weo dza mbuzi ziariyezo. Sikuhumigwa kwa wantu wangine.”

Matayo 15:32

Makisa Yesu kawahana hawa wanafund̯iwe kawamba, “Nyakuwaoneani t̯ei muno hawa wantu hawa. Koro wesakukaa nami hapfa kwa nsiku ntahu sasa, na ntawa kiḍechonse cha kuḍya. Nami si haḍya ya kuwagonzoza na nzaa zao watsekudzavurika njiani.”

Marko 6:34

Yesu akwakwojekani kaona t̯ut̯a nkuu na nkuu ya wantu. Kawasikit̯ikia muno koro kawaona dza mbuzi zisizokuwa na mut̯unga, nae kaḍabva kuwayongweeza mambo menji na menji.

Marko 8:2

“Nyakuwaoneani t̯ei muno hawa wantu hawa, koro wesakukaa nami hapfa kwa nsiku ntahu sasa, na ntawa kiḍechonse cha kuḍya.

Waeburania 4:15

Na huyu Mukohani Mukuu jwehu ni muntu aumanyiye udhaifu wehu. Jeje kaḍemegwa dzaswi na kula njia, ela nkakugwa nabviseni.

Waeburania 5:2

Na kwa kwamba nae ana udhaifu wa kibenaad̯amu, anawahwaiya na umpowe hawaḍe weonahenda mazuka pfasipfo kumanya.