Matayo 9:27 - Pokomo

²⁷ Yesu epfonuka akwakuchiani, kaḍabva kuuḅwa ni ntumbu matso wawii. Hawa ntumbu matso wekimuḅaiya madzwi wakyamba, “E Mwana jwa D̯aud̯i, ad̯o hufwiye t̯ei!”

Matayo 9:27 ပူးပေါင်းရင်းမြစ်များ

Matayo 1:1

Haya ni masari ya wantu wa yukoo jwa Yesu *Masiya eyekuwa jwa sindo wa haju D̯aud̯i na Iburahimu.

Matayo 11:5

Mwambeni ntumbu matso wakuonani, vihewi wakwenendani, wajwazi wa kwanga wakupfozwani, makurud̯ud̯u wakusikiani, wantu wafwiyeo wakufufujwani, na makowesa wakusumwiijwani haya maagu mema.

Matayo 15:22

D̯ubva Yesu kendejwa ni muke mumodza Mukanaani jwa hukuhukuḍe. Huyu muke kamuyomba Yesu kamwamba, “E Ḅwana, Yesu Mwana jwa D̯aud̯i, nakuyomba unifwiye t̯ei. Koro nina mwanamuke wangu eye na mpepfo nzuka zizokumuhangaishani muno!”

Matayo 17:15

“Ḅwana, mufwiye t̯ei huyu muurani wangu. Ana kifofo na chakumusumbuwani muno. Saa zonse anakaa na kugwa mohoni ambu madzini.

Matayo 20:29

Yesu na wanafund̯iwe wepfoyawa mudzi wa Yeriko, t̯ut̯a nkuu na nkuu ya wantu ikiwauḅa.

Matayo 21:15

Ela hawa wakohani wakuu na waalimu wa *Sharia wepfoona haya mambo ya mafara ya Yesu ahendeeyo, na wepfowasikia hawa wana weowakiḅaa madzwi humuḍe Hekaluni wakyamba, “E huyu huyu Mwana jwa D̯aud̯i napfegwe shad̯u,” wareja muno.

Matayo 21:9

Hi t̯ut̯a iyokuwa usoni pfamodza na hiḍe iyokuwa nyuma, wenda na kuḅaa madzwi wakyamba, “E Mwana jwa D̯aud̯i napfegwe shad̯u! Jeje awee kudzani kwa sari ḍya Ḅwana kavodhyegwa! Hakika Ḅwana Muungu awee dzuu napfegwe shad̯u!”

Matayo 9:28

Wagija kumuuḅa na nyuma hat̯a wenda wanjia humuḍe nyumbani emoakikaa. Ndookomu Yesu kawauza kawamba, “Muhikiza kwamba mimi naweza kumuhendeza muone?” Nao wamwambukuya wamwamba, “Ee, huhikiza Ḅwana!”

Marko 11:10

Uhaju wa bibi jwehu D̯aud̯i wiwokudzani uvodhyegwa! Hakika Ḅwana Muungu awee dzuu nashad̯we!”

Marko 9:22

Myeedha minji hi mpepfo nzuka ipfonamujumukia, inakaa na kumugisa mohoni ambu madzini ili ipate kumuyaga. Ikiwa kwamba unaweza, hufwiye t̯ei na uhusaiḍiye.”

Luka 17:13

na wamukulisa wamwamba, “Yesu, Ḅwana, hufwiye t̯ei!”

Luka 20:41

Makisa Yesu kawauza kawamba, “Kut̯i wantu wanakwamba huyu *Masiya anawa mwana jwa haju D̯aud̯i?

Luka 7:21

Hawaḍe wanafund̯i wepfofika hapfaḍe, Yesu ewa kupfonyani wantu weokuwa na nd̯wari garagara na kubusa mpepfo nzuka, na ntumbu matso kawapfa kuona.

Yohana 7:42

Haya matsoro yanena wazi wazi tswee kwamba, huyu Masiya anawa jwa kivyazi cha haju D̯aud̯i na anavyajwa Betilehemu, mudzi wa haju D̯aud̯i ayawiyeo.”

Warumi 1:3

Haya Maagu Mema ya Muungu aahid̯iyeyo ni dzuu ya huyu Mwanawe, avyaijwee dza mwanaad̯amu kuyawa sindo wa haju D̯aud̯i.

Warumi 9:5

Wabibi zao, (aḍe Iburahimu na wanawe) wewa ni wantu wa Muungu. Na hat̯a huyu Kirist̯o mwenye, kavyajwa dza mwanaad̯amu kuyawa chicho kyeet̯i chao cha Waisiraeli. Jeje ni Muungu eye dzuu ya vyonse na anamala kushad̯wa hat̯a pfasipfosia! Amina.