Matayo 6:20 - Pokomo

²⁰ Ishinu dziwekeyeni nkandi zenu mbinguni zisikoweza kuḍigwa ni mafunzi wala kuhenda nkanga, na hat̯a zisikoweza kukwiwigwa ni wevi.

Matayo 6:20 ပူးပေါင်းရင်းမြစ်များ

Matayo 19:21

Yesu kamwambukuya kamwamba, “Ukitsaka kuwa muhachi usoni kwa Muungu enda ukaguze vyonse wivyonavyo, makisa hizi fwedha ukaziwapfe masikini, nawe unawa kwamba kudziwekea nkandi mbinguni. Ukisa kuhenda hivi, d̯ubva nzoo uniuḅe.”

Matayo 6:19

Yesu kagija kuyongweeza amaale kamba, “Namutsedziwekea nkandi zenu hapfa lumwenguni zipfonaweza kuḍigwa ni mafunzi ambu zihende nkanga, na wevi wepfonaweza kuvunza wakwiwe.

Marko 10:21

Yesu kamuyowa huyuḍe muntu na matso ya matsako muno. Kisa kamwamba, “Kupfungukijwa ni dzambo modza t̯u. Enda ukaguze vyonse wivyonavyo, makisa hizi fwedha ukaziwapfe masikini, nawe unawa kwamba kudziwekea nkandi mbinguni. Ukisa kuhenda hivyo, nzoo uniuḅe.”

Luka 12:33

Guzani mwivyonavyo vyonse na hizi fwedha muziwapfe masikini. Dzilachieni mifuko ya fwedha isiyojara, na mudziwekeye nkandi mbinguni. Huko nkandi zenu zinawa pfantu pfema, koro ntaku wevi wadzeozifikia wala mafunzi ya kuzinanga.

Luka 18:22

Yesu epfosikia haya, kamwamba, “Kusaa na dzambo modza zaid̯i ḍya kuhenda. Guza vyonse wivyonavyo na hizi fwedha uwapfe makowesa. Ukihenda hivyo kudzawa na nkandi mbinguni. Makisa nzoo uniuḅe.”

1 Timoteo 6:17

Waamuru hawaḍe weo majabva huju huju lumwengu, watsedziona na wala watsedzikwat̯ya hu huu ujabva usiwo maana. Ishinu nawadzimukwat̯ye Muungu, eye mubalicha jwa kuhupfa kula kintu cha kuhutsekeza.

1 Timoteo 6:19

Kwe hi namuna wanadziwekea nkandi idzeyowa musinji wa nguvu wa maisha yadzeyokudza. Na ndipfo wadzepfodzipatia maisha ya ḍugha.

Waeburania 10:34

Nywinywi muwafwiya t̯ei wafungwa. Na hat̯a vija vyenu vipfohwajwa na nguvu nywinywi mudzikaiya na tsekea, maanaye mwimanya kwamba muna nkandi ya maana iyonakaa maishi.

Waeburania 11:26

Kaona ya kwamba kukuntiswa d̯ina kwa dzambo ḍya huyu *Kirist̯o kuna maana zaid̯i kuliko kupata ujabva wonse wa Misiri, koro ekiyoweeya muno t̯ubvoḍye.

Yakobo 2:5

Wandugu zangu watsakwa, nisikiiyani! Muungu katsana hawa weonahwajwa kuwa wantu makowesa wa huju lumwengu na kawahendeza kuwa majabva ya faro. Na ndiwo wadzeouḍala uhajuwe aahid̯iiyeo hawaḍe wonse wamutsakiyeo.

1 Pet̯ero 1:4

Ndookomu hwakuindiiyani kupfokea hizi mvoni za Muungu aziwawekeeyezo wantuwe. Kazihuwekea mbinguni, pfantu zisipfowowa, wala kunangika, nolawe kujara.

1 Pet̯ero 5:4

Makisa ngera ya huyu Mut̯ikisa Mukuu adzeyokudza, munapfegwa t̯ubvo ḍya d̯aha ḍisiḍyonangika maishi.

Upfenuo wa Yohana 2:9

Mimi nimanya d̯ina mwizonazo na umasikini wenu mwiwo nao. Ela kunena hiḍe ya hachi nywinywi mu majabva! Nimanya hat̯a hu uzuka wa hawa wapinzani wenu weokumuneneani. Wao wakudzihanani wantu wa Muungu na hali huku ni wantu wa Shaat̯ani.