Matayo 5:29 - Pokomo

²⁹ Ndookomu ikiwa kwamba hiḍi dzitsoḍyo ḍya kuyume ḍinakungiza nabviseni, ḍikuye kafu uḍifat̯ule dhaka! Koro ni heri kutsowa kiiriiri chako kimodza, kuliko kuwa na viiriiri vyonse makisa mwiiwo wonse udzeufat̯ulwe mohoni.

Matayo 5:29 ပူးပေါင်းရင်းမြစ်များ

Matayo 10:28

Namutsewashooga hawaḍe weonaweza kumuyaga mii ḅasi na hali ntawa uwezo wa kuziyaga ruhu zenu. Ela mushoogeni Muungu, koro jeje ana uwezo wa kungiza *mohoni mwii na ruhu ya muntu, na avinange-nange tswee.

Matayo 11:6

Na kawii mwambeni, kula asiye kajela nami kavodhyegwa.”

Matayo 16:26

Koro kunawa na faiḍa ga, kwa muntu kujupata lumwengu yuzima kisa atsowe maisha ya kuunga na yuungo? Ambu, ni kintu ga cha kwamba muntu anaweza kuyavya ili aweze kupata maisha ya kuunga na yuungo?

Matayo 17:27

Ela kwa kwamba ntahu haḍya ya kuwaudhi, enda hukuḍe ziwani ukagise loo. Nswi ya d̯ura udzeyogiza iḅaze kanwa na unaona kuruḅembe modza. Ḍihwae wende ukaipfe kuwa ḍyako na ḍyangu.”

Matayo 19:12

Koro wangine waḍyaalijwa kutsahwaa wake hangu kuvyajwani kwao, na wangine wahendezwa kutsahwaa wake kwa dzambo ḍya kwamba wat̯umwa ni wanaad̯amu. Na pia wangine wanadzitsania wao wenye kutsahwaa wake kwa dzambo ḍya kumuhumikia Muungu urembo. D̯ubva huyuḍe atsakiye kuvikuḅali hivi hivi, navikuḅali.”

Matayo 23:15

Nywinywi Mafarisayo na waalimu wa Sharia mudzawa na d̯ina iyodze na umbiimbii wenu! Munazinga huko na huko na kuvuka hat̯a maḅahari ili muweze kupata nangaa muntu mumodza t̯u jwa kunjia ḍini yenu. Ela mwipfonapata muntu, munamuhendeza akawa muzuka myeedha miwii zaid̯i kumuchia nywinywi, na hi hukumu eyonamala kupfegwa ikawa nkuu kuchia hi yenu.

Matayo 23:33

Manyoka nywi! Nywinywi kivyazi cha nyoka! Munat̯ara kwamba munaweza kuid̯arama ai hukumu ya kungizwa *mohoni?

Matayo 5:22

Ela mimi nyakumwambiani kwamba, yuḍejwonse amurejeeye mwenziwe t̯u, nae pia ananjia hukumuni. Na yuḍejwonse amutsoleye-tsoleye mwenziwe na kumuhana muntu asiye maana, nae pia nsiku ya mwiso ka hat̯arini ya kunjia *mohoni.

Matayo 5:30

Ambu ikiwa kwamba hu mukonowo wa kuyume unakungiza nabviseni, ukente kafu uufat̯ule dhaka! Koro ni heri kutsowa kiiriiri chako kimodza, kuliko kuwa na viiriiri vyonse makisa mwiiwo wonse udzeunjie mohoni.”

Marko 8:36

Koro kunawa na faiḍa ga, kwa muntu kujupata lumwengu yuzima kisa atsowe maisha ya kuunga na yuungo?

Luka 12:5

Namuyanga huyu jwa kumushooga. Mushoogeni Muungu, koro jeje ana uwezo wa kwamba akisa kumuyaga muntu anaweza kumungiza *mohoni. Hachi nyakumwambiani, Muungu ndiye jwa kushoogwa!

Warumi 6:6

Na humanya kwamba hu ubenaad̯amu wehu wa d̯ura upfatsikwa hapfaḍe muhini mwa mpatsa pfamodza na Kirist̯o, ili kwamba nabvise itseewa na nguvu kawii maishani mwehu. Ntahukwaa wahumwa wa nabvise kawii.

Warumi 8:13

Koro mukiishi maisha ya kut̯awaligwa ni mambo ya kimwii, hachi munafwa. Ela ikiwa kwamba kwa nguvu za Ruhu Mudheru muyatsa kuhenda mambo mazuka kaḅisa, ḅasi munaishi.

1 Wakorint̯o 9:27

Hu mwii wangu nauhendea mazowezi momu momu ili niweze kuunuya na kuuweka dza nivyonatsaka, ili nitseweza kuyavigwa humu mbioni ḅaad̯a yangu mimi kuhana na wangine wanjie mbioni.

Wagalatia 5:24

Hawaḍe weo wa Kirist̯o Yesu waupfatsika untu wao muzuka wa kibenaad̯amu pfamodza na hamuze na t̯amaaze nzuka nzuka.

Wakolosai 3:5

D̯ubva yatsani t̯amaa zenu na mahendo yenu mazuka mazuka mwiyokuwa nayo. Yatsani mambo ya uḅari, mambo machafu machafu, na t̯amaa nzuka nzuka zonse za kimwii na muyatse kumiiya mahe vya wantu. Koro kuwa muntu jwa kumiiya mahe vya wantu ni sawa na kuwa muntu jwa kuyomba miungu ya nsuwe.