Matayo 5:12 - Pokomo

¹² Hivyo hivyo vikimuhendekea ishinu tsekeani muno, kwa kwamba Muungu kamuwekea t̯ubvo kuu muno mbinguni. Koro hat̯a hawa manabii wa kae nao pia wakuntiswa d̯ina dzevihivi.”

Matayo 5:12 ပူးပေါင်းရင်းမြစ်များ

Matayo 16:27

Mimi Mwana jwa Ad̯amu nidzakudza na marembo ya Baba na malaikawe wonse. Na nidzamuhukumu kula muntu kuuḅana na mahendoye.

Matayo 6:16

Yesu kagija kuyongweeza kamba, “Mukwakufungani namutseyanga maso ya ngiru dza vya wambiimbii wevyonahenda. Koro wao wakwakufungani, wanakutsa-kutsa vidhango ili wapate kuonegwa kwamba wakufungani. Hachi nyakumwambiani, t̯ubvo ḍyao ḍisakusiiya hapfa hapfa lumwenguni!

Luka 13:34

Yerusalemi, e Yerusalemi! Mudzi wiwonayaga manabii na kuwabiga na mawe *ntumi wa Muungu! Ni myeedha myengaa nitsakiyeyo kuwatsanganya wantuwo pfamodza, dza hiviḍe vya nkuku evyonawafunamia wanawe nsii ya maḅawaye? Ela wewe kudziza!

Luka 6:23

Hivyo hivyo vikimuhendekea, ishinu tsekeani muno na kutsumpa-tsumpa kwa kwamba Muungu kamuwekea t̯ubvo kuu muno mbinguni. Koro hat̯a wabibi zao wawahendea manabii wa kae dzevihivi.

Luka 6:35

Ela mimi nyakumwambiani, watsakeni nyabva wenu na muwahendeye mema. Wapfaseni pfasipfo kuyoweeya kugalichizwa. Mukihenda dzavyo Muungu anamumpa t̯ubvo kuu. Nanywi munawa wana wa Muungu awee dzuu. Jeje ni mwema kwa hawaḍe wasio ḍuḍa na hat̯a kwa wazuka.

Mahendo 16:25

Hafufi na siku kahi, Paulo na Sila wewa kuyombani na kumushad̯a Muungu na meya. Ao hawa wafungwa wangine wekiwasikiiya.

Mahendo 5:41

Hawa ntumi wanuka hapfaḍe gasani wakiwa na tsekea nkuu, ya kwamba Muungu kawatsana wakuntiswe d̯ina kwa dzambo ḍya sari ḍya Yesu.

Warumi 5:3

Na zaid̯i ya hayo, hat̯a hukiwa mad̯inani pia hunatsekea, koro humanya kwamba mad̯ina yanahuyongweeza kuit̯isa.

1 Wakorint̯o 3:8

Huyu eyenaihodza hi mbeju na huyu eyenaihiiya madzi, wonse lengo ḍyao ni modza, na kula mumodza Muungu anamuipfa mala ya hwekaḍye ayaviyeḍyo.

2 Wakorint̯o 4:17

Hizi d̯ina hwizokukuntani si d̯ina za muḍa muyeya, na hukiziinganya na haya yadzeyokudza, si d̯ina nkuu za kwambadze. Koro zinahuyehea marembo makuu ya kuishi na Muungu maishi.

Wafilipi 1:29

Koro hi hii namfasi maalumu mupfegejweyo, ntamukuipfegwa kwa kumuhikiza Kirist̯o t̯u, ela hat̯a na kwa kukuntiswa d̯ina kwa dzambo ḍyakwe.

Wafilipi 2:17

Hat̯a ikiwa kwamba mimi ni kuyavigwa dza sehemu ya hi mvuugiya mwiyokumuyavizani Muungu kwa dzambo ḍya serefano yenu kwakwe, mimi nya t̯ayari na natsaika pfamodza nanywi nyonse.

Wakolosai 1:24

Hi hii saasambi nyakukuntani d̯ina gerenzani kwa dzambo ḍya hi kazi yangu nihendeyeyo kahi yenu wantu wa vyeet̯i. Ela nina tsekea kwamba nyakukuntani d̯ina dzevihivi. Haya yeyokunipatani ni sehemu ya hizi d̯ina za Kirist̯o anitsaniiyezo kukuntana nazo kwa dzambo ḍya hiḍi tsanganikoḍye, ḍiḍyo dza hu mwiiwe.

Wakolosai 3:24

Kumbukani kwamba Ḅwana kadzamumpa hiḍi t̯ubvo aḍiwaahid̯iyeḍyo wantuwe. Koro mukwakuwahumikiani maḅwana wenu dza hivi, munawa kwamba mwakumuhumikiani Kirist̯o mwenye.

1 Watesalonike 2:15

Wao Wayahud̯i, ndiwo wamuyagiyeo Ḅwana jwehu Yesu na manabii wangine wa Muungu. Na ndiwo wao wahukuntisiyeo d̯ina na kuhud̯aramisa kula hwendeyepfo. Hivi ntavikwakumutsakizani Muungu. Wao, kula muntu wanamupfinga

Waeburania 10:34

Nywinywi muwafwiya t̯ei wafungwa. Na hat̯a vija vyenu vipfohwajwa na nguvu nywinywi mudzikaiya na tsekea, maanaye mwimanya kwamba muna nkandi ya maana iyonakaa maishi.

Waeburania 11:26

Kaona ya kwamba kukuntiswa d̯ina kwa dzambo ḍya huyu *Kirist̯o kuna maana zaid̯i kuliko kupata ujabva wonse wa Misiri, koro ekiyoweeya muno t̯ubvoḍye.

Waeburania 11:33

Wao, kwa kwamba wewa wamuserefat̯a Muungu, wajwana na nsi nzima nzima na wazishinda. Wahenda yeyonamutsakiza Muungu nae Muungu kat̯imiza ahad̯ize kwao. Wasumisa manwa ya nsimba,

Waeburania 11:6

Maanaye ntaku eyenaweza kumutsakiza Muungu pfasipfo kuwa na faro. Yuḍejwonse jwa kumwendea Muungu ni had̯i ahikize kwamba Muungu yupfo na pia ahikize ya kwamba Muungu anayanga wemawe kwa hawaḍe weonamulacha.

Yakobo 1:2

Wandugu zangu, mwipfonapatwa ni maḍemo ya kula namuna, nywinywi tsekeani t̯u,

Yakobo 5:10

Yowani mufaano wa hawa manabii weowakikaa na kuyavya maagu ya Muungu eyoakiwapfa. Wao wakuntiswa d̯ina amoo wait̯isa.

1 Pet̯ero 4:13

Ishinu tsekeani kwamba nanywi mwakuyakuntani haya mad̯ina ya Kirist̯o akuntiyeyo, ili kwamba nanywi mudzae tsekea, ngera adzeyokudza na maremboye.