Matayo 3:6 - Pokomo

⁶ Na hawaḍe waungamiyeo nabvise zao, Yohana kawat̯opya tsana ya Yorod̯ani.

Matayo 3:6 ပူးပေါင်းရင်းမြစ်များ

Matayo 3:11

Yohana kagija kunena kamba, “Mimi nyakumut̯opyani na madzi, kuyanga kwamba muziyatsa nabvise zenu. Ela huyuḍe eyekudzani nyuma yangu kadzamut̯opya na Ruhu Mudheru na moho. Jeje ana uwezo mukuu kunichia mimi, chima cha kwamba sinamala hat̯a kutsukuya viyahuvye.

Marko 1:5

Wantu wenji wa kuyawa Yerusalemi na ḍanda zingine zonse za ḍyimbo ḍya Yud̯aya, wekyenda na kumusikiiya. Nao wepfoziungama nabvise zao, Yohana kawat̯opya tsana ya Yorod̯ani.

Luka 1:16

Na kadzawahendeza wenji wa wantu wa Isiraeli wamugalie Ḅwana Muungu jwao.

Luka 3:16

Ndookomu Yohana kawamba, “Mimi nyakumut̯opyani na madzi, ela kuna muntu eyekudzani nyuma yangu, eye na uwezo mukuu kunichia mimi. Sinamala hat̯a kufunguya milao ya viyahuvye. Jeje kadzamut̯opya na Ruhu Mudheru na moho.

Mahendo 1:5

Yohana kat̯opya wantu na madzi, kenge nywinywi mudzat̯opyegwa na Ruhu Mudheru ḅaad̯a ya nsiku kachuchu.”

Mahendo 11:16

Ndipfo nidzepfonikikumbuka hivi vya Ḅwana evyonena, ‘Yohana kat̯opya wantu na madzi, kenge nywinywi munat̯opyegwa na Ruhu Mudheru.’

Mahendo 19:18

Wenji wa hawa wahikiza wadza wagwa matsowa wekeani tswee kwa dzambo ḍya haya mazuka wahendeyeyo.

Mahendo 22:16

D̯ubva, kwakuindani? Nawe nuka umuyombe Ḅwana akuyatsie nabvisezo upate kut̯opyegwa!’ ”

1 Wakorint̯o 10:2

Humu winguni na humu ḅaharini, wonse wat̯opyegwa kuwa kintu kimodza na Musa.

Wakolosai 2:12

Koro mwipfot̯opyegwa mwiiwa dza kwamba muzikwa pfamodza na Kirist̯o na mufufujwa pfamodza nae. Mupata maisha mapfya kwa dzambo mumuserefat̯a Muungu mwenye nguvu zonse, amufufwiiye Kirist̯o kuyawa kwa wafu.

Waeburania 6:2

Ntahunamala kukaiya mayongweezo dzuu ya adha za kudzidheresa na mayongweezo dzuu ya kuwekea wantu mikono. Na wala ni kutsakaiya mayongweezo dzuu ya kufufujwa kwa wafu na dzuu ya hukumu isiyo mwiso iyokudzani.

Waeburania 9:10

Haya haya masharia ni dzuu ya kuḍya na kunwa na maad̯a yangine garagara ya kudzidheresa. Haya ni masharia yawekejweyo, yasiyohora mojo wa muntu. Yakutumikani mumpaka ngera ya Muungu adzepfoperuya mambo yonse kuwa mapfya.

Yakobo 5:16

D̯ubva, nywinywi namutsefitsa kwambiana nabvise zenu na namutseyatsa kuyombeana ili Muungu apate kumupfoza. Mayombo ya muntu muhachi yana nguvu na yanahenda mambo makuu.

1 Pet̯ero 3:21

Haya madzi ye zuruwa yayanga mufaano wa kut̯opyegwa kwenu kwa hizi hizi ngera. Kut̯opyegwa si kudheresa nongo ḍya mwii hat̯a; ela ni hukuḍe kuahid̯i na mojo mumodza kudziyavya kwa Muungu. Huku kut̯opyegwa kunamupfonya kuchiiya na kufufuka kwa Yesu Kirist̯o.

1 Yohana 1:9

Ela hukidzit̯olela nabvise zehu kwa Muungu, anahuyatsia nabvise zehu na kuhudheresa na mazuka yehu yonse, koro jeje ni muhikizika na muhachi.