Matayo 27:62 - Pokomo

⁶² Ipfofika chamukoche, yani nsiku ya d̯ura ya hi jila ya Pasaka, hawa wakohani wakuu na *Mafarisayo wenda wakanene na Pilato.

Matayo 27:62 ပူးပေါင်းရင်းမြစ်များ

Matayo 26:17

D̯ubva ipfofika nsiku ya d̯ura ya hi jila ya mikahe isiyongizwa hamira, hawa wanafund̯i wamwendea Yesu na wamuuza wamwamba, “Ḅwana, e chakuḍya che jila ya Pasaka unatsaka hukachikuelekanyie ku?”

Marko 15:42

Iwa imaafika mioro, nsiku ya maelekanyo ya kuindiiya *Sabato.

Yohana 19:14

Hi iwa ni nsiku ya kudzit̯ayarisha kwa dzambo ḍya *Pasaka. Na iwa imaawa chima cha saa ntandahu za musikahi. Pilato kawamba hawa wantu, “T̯amuyoweni huyu haju jwenu!”

Yohana 19:31

Hi hii nsiku iwa ni nsiku ya kudzit̯ayarisha kwa dzambo ḍya *Sabato. Na hi hii Sabato iwa ya kivyakwe, maanaye iwa injiiyana na Pasaka. Kwa hivyo hawa wayongozi wa Wayahud̯i, ntawekitsaka hi mii ya hawa wapfatsikijweo ikae pfapfaḍe mumpaka nsiku ya Sabato. Ndookomu wamwendea Pilato wamuyomba kwamba, hawaḍe wapfatsikijweo, wavunzwe-vunzwe maguu wapate kufwa haraka ne mii yao ipate kunujwa.

Yohana 19:42

D̯ubva kwa kwamba iwa ni nsiku ya kudzit̯ayarisha kwa dzambo ḍye Sabato na hiḍe mbeera iwa ndiyo iyo hafufi, Yusufu na Nekod̯emo wenda wamuzika Yesu hapfahapfaḍe.