Matayo 27:52 - Pokomo

^52-53 na hat̯a mbeera zipfenuka. Na ḅaad̯a ya Yesu kufufuka kuyawa kwa wafu, wantu wenji wa Muungu wafwiyeo, nao pia wafufuka na wenda wanjia mudzi mudheru wa Yerusalemi. Na hawa hawa wantu waonegwa ni wantu wenji.

Matayo 27:52 ပူးပေါင်းရင်းမြစ်များ

Yohana 11:11

Yesu epfonena hivi akisa, kongeza kamba, “Ḅamu jwehu Lazaro kamat̯ambaara, nami nyakwendani ninkamuyamuse.”

Mahendo 7:60

Makisa kavunza nkuhi na kaḅaa idzwi kuu kamba, “Ḅwana, nkudzoiwat̯alie nabvise yao hi!” Epfokwisa kunena haya kahuna nsoho.

1 Wakorint̯o 11:30

Ndiyo maana wenji wenu mii yenu ntai matsea na mwakujwaani na hat̯a wangine wafwa.

1 Wakorint̯o 15:20

Ela viivyo ni kwamba, Kirist̯o kafufujwa kuyawa kwa wafu dza hakikisho kwamba hawaḍe wafwiyeo wadzafufujwa.

1 Wakorint̯o 15:51

T̯anipfindiiyani, nyakumwambiani siri: Hwonse ntahukudzafwa tswee hat̯a. T̯arumbet̯a ya mwiso wa lumwengu idzepfobigwa, iyo saa, dza kupfesa hunakoranywa hi mii. Koro hi t̯arumbet̯a idzepfoiya, hawa wafwiyeo wanafufujwa na mii ya kutsaafwa kawii. Naswi mii yehu hwonse inakoranywa.

1 Watesalonike 4:14

Dza huhikiziyevyo kwamba Yesu kafwa na kafufuka, ndivyo pia huhikiziyevyo kwamba, ngera ya Yesu adzeyokudza mweedha wa pfii, Muungu kadzawahwaa hawaḍe wonse wafwiyeo wakiwa kwamba wamuhikiza Yesu.

1 Watesalonike 5:10

Jeje Yesu kahufwiya, ili kwamba, adzepfouja mweedha wa pfii, hukiwa mojo ambu hukiwa kwamba hufwa, ahuhwae hwende hukaishi nae.