Matayo 26:64 - Pokomo

⁶⁴ Yesu kamwambukuya kamwamba, “Kuvinena wewe mwenye. Ela hachi nyakumwambiani, hangu hi hii saasambi mudzaniona mimi Mwana jwa Ad̯amu nikaa mukono kuyume wa hila wa Muungu mwenye nguvu zonse. Na mudzaniona nikisuka na mawingu kuyawa mbinguni dzuu.”

Matayo 26:64 ပူးပေါင်းရင်းမြစ်များ

Matayo 16:27

Mimi Mwana jwa Ad̯amu nidzakudza na marembo ya Baba na malaikawe wonse. Na nidzamuhukumu kula muntu kuuḅana na mahendoye.

Matayo 16:28

Ela hachi nyakumwambiani, wangine wenu wasumamiyeo hapfa ntawakudzafwa mumpaka wadzepfoniona mimi Mwana jwa Ad̯amu nikwakudzani kut̯awala dza Haju.”

Matayo 22:44

‘Ḅwana kanena na Ḅwana jwangu kamwamba, ikaa mukono wangu wa kuyume, hat̯a nidzepfowangiza nyabvao mikononi mwako.’ ”

Matayo 24:30

Makisa kudzaonekana mbinguni hichi kihambwiizo cha kuyanga kudza kwangu mimi Mwana jwa Ad̯amu. Hapfo wantu wonse wa vyeet̯i vya lumwengu wadzaiya na kudziut̯i. Wadzamuona Mwana jwa Ad̯amu akidza na nguvu na marembo makuu kuyawa mawinguni.

Matayo 25:31

Yesu kanena kamba, “*Mwana jwa Ad̯amu adzepfokudza na maremboye dza Haju pfamodza na malaikawe wonse, kadzakaa kiti chakwe cha kihaju.

Matayo 26:25

Yud̯a Isikariota, huyu adzeyeakimuḍawanya, kamuuza kamwamba, “Ḅwana, ndimi?” Na Yesu kamwambukuya kamwamba, “Kuvinena wewe mwenye.”

Matayo 27:11

D̯ubva Yesu kasumamiswa usoni ya Pilato, eyekuwa liwali jwa Kirumi. Na Pilato kamuuza Yesu kamwamba, “Wewe ndiwe ayu Haju jwa Wayahud̯i?” Yesu kamwambukuya kamwamba, “Kuvinena wewe mwenye!”

Matayo 28:18

Yesu kawendea hafufi na kawamba, “Mamulaka yonse ya mbinguni na lumwenguni niyapfegwa mimi.

Matayo 8:20

Ela Yesu kamwamba, “Hamabworama wana mpango zao, na nyuni wana vitsanza vyao. Ela mimi *Mwana jwa Ad̯amu, hat̯a pfantu pfa kujufinikiza yukopfe si kintu.”

Marko 14:62

Yesu kamwambukuya kamwamba, “Ee Ndimi. Kisa mudzaniona mimi Mwana jwa Ad̯amu nikaa mukono kuyume wa hila wa Muungu mwenye uwezo wonse. Na mudzaniona nikisuka na mawingu kuyawa mbinguni dzuu.”

Luka 21:27

Makisa wantu wadzaniona mimi *Mwana jwa Ad̯amu nikidza mawinguni na nguvu na marembo makuu.

Luka 22:69

Ela hangu hi hii saasambi mimi Mwana jwa Ad̯amu nijwakukaa mukono kuyume wa Muungu mwenye nguvu.”

Luka 22:70

Wonse wamuholokea wamwamba, “Amevihivi unatsaka kunena kwamba wewe ndiwe ayu Mwana jwa Muungu?” Nae kawambukuya kawamba, “Nywinywi mwakunenani kwamba ndimi!”

Yohana 18:37

Nae Pilato kamuuza kamwamba, “Kwa hivyo wewe u haju?” Yesu kamwambukuya kamwamba, “Wewe kuvinena na kanwako mwenye! Mimi nidza nivyajwa lumwenguni niisumwiiye hi hachi. Na kula aitsakiye hi hachi, ananisikia.”

Mahendo 1:11

Wawauza wawamba, “Wantu wa Galilaya, kut̯i musumama hapfa mukwakuḍabvani nd̯ulu yuwinguni dzuu? Huyu Yesu ahwaijwe kwenu kwenda mbinguni, anauja dza viviḍe mumuoneyevyo akiwa kwendani mbinguni.”

Warumi 14:10

D̯ubva kut̯i wewe unamuhukumu ndugu mwenziwo? Ambu kut̯i wewe unamunyira ndugu mwenziwo? Kumbukani kwamba kula mumodza jwehu ni had̯i adzeasumame usoni ya kiti cha hukumu cha Muungu ili ahukumigwe.

1 Watesalonike 4:16

Vinawa hidzaa: Ḅwana mwenye anasuka kuyawa mbinguni, anayavya amuri na saut̯i nkuu. Saut̯i ya huyu malaika mukuu jwa Muungu nayo inasikika na t̯arumbet̯a inabigwa. Na hawaḍe wafwiyeo wakiwa wamuhikiza *Kirist̯o wanafufuka d̯ura.

Waeburania 1:3

Huyu Mwana kakuyangaani na marembo ya Muungu, na jeje ka ḍa na Muungu. Jeje ndiye eyekujuwekani lumwengu yuzima kwa nguvu za chuuwoche. Kahudheresa nabvise zehu kisa kakaa mukono kuyume wa Muungu awee mbinguni.

Waeburania 12:2

Nahugije kumuyowa Yesu eye muḍabvisa na mut̯imiza jwe faro yehu. Jeje kabea kufwa kwa kinyaya hapfaḍe muhini mwa mpatsa pfasipfo kuviona dza kintu, kwa dzambo ḍya tsekea eyoakiyoweeya kudzawa nayo. Na sasa kakaa mukono kuyume Uhajuni mwa Muungu.

Upfenuo wa Yohana 1:7

T̯asikiani! Yesu kakudzani! Kakudzani na mawingu na kula dzitso ḍidzamuona. Hat̯a hawaḍe wamusimikiyeo wakimuyaga nao pia wadzamuona. Na vyeet̯i vyonse vimudziziyevyo, vidzasikit̯ika kwa dzambo ḍya kudzakwe. Na ndivyo vidzevyowa! Amina.

Upfenuo wa Yohana 20:11

Kisa niona kiti kikuu cheupe cha kihaju kikaijwecho ni muntu. Na iyo saa hizi mbingu na nsi zimud̯arama zyaara na wala ntazikuonekana kawii.