Matayo 26:55 - Pokomo

⁵⁵ Makisa Yesu kanena ne t̯ut̯a idziyeyo kumugija kamba, “Munidzia na myundu na mambuku, dza kwamba mudzia kugija mwivi? Kula na nsiku nikikaa na kuyongweeza humuḍe Hekaluni, ela ntamukunigija.

Matayo 26:55 ပူးပေါင်းရင်းမြစ်များ

Matayo 21:23

Yesu kenda kanjia humuḍe Hekaluni kawii na kaḍabva kuyongweeza. Hawa wakohani wakuu na wazee wangine wamwendea na wamuuza wamwamba, “Aya mambo wiyokuhendani, kwakuyahendani na mamulaka ya ga? Na akupfiye wewe hayo hayo mamulaka ni ga?”

Matayo 26:47

Hali akwakunenani, mumodza jwa hawa wanafund̯iwe kumi na wawii eyeakihanigwa Yud̯a, kakumpuya na kit̯aro chikuu cha wantu watsukwiiyeo myundu na mbuku. Hawa hawa wantu wewa wahumigwa ni hawa wakohani wakuu na wazee wangine.

Marko 10:1

Makisa Yesu kanuka na hukuḍe, kenda ḍyimbo ḍya Yud̯aya na kavuka yombe jwa pfii jwa tsana ya Yorod̯ani. Na kawii kendejwa ni t̯ut̯a nkuu na nkuu ya wantu, nae kaḍabva kuwayongweeza dza abarat̯iyevyo.

Marko 12:35

Ḅaad̯aye Yesu epfoakiyongweeza wantu humuḍe Hekaluni kawauza kawamba, “Kut̯i waalimu wa Sharia wanakwamba huyu *Masiya ni Mwana jwa D̯aud̯i ḅasi?

Luka 19:47

Yesu kayongweeza Hekaluni kula nsiku. Wakohani wakuu, waalimu wa *Sharia, na wayongozi wa wantu, walacha kumuyaga.

Luka 20:1

Nsiku modza, Yesu epfoakiyongweeza wantu na kusumwiiya *Maagu Mema humuḍe *Hekaluni, kendejwa ni wakohani wakuu na waalimu wa *Sharia pfamodza na wazee.

Luka 4:20

Yesu epfokwisa kusoma kachimugalichiza hichi chuo huyuḍe muhumisi, makisa kakaa chihako. Wantu wonse weokuwa humuḍe sunagogini wamud̯eḍea gu!

Yohana 7:14

Hi jila ihendeka mumpaka hizi nsiku ze jila zipfohunika nusu, Yesu kenda Hekaluni kaḍabva kuwayongweeza hawa wantu.

Yohana 7:28

Yesu kagija kuyongweeza humuḍe Hekaluni kisa kawalalabvia hawa wantu kawamba, “Nywinywi munakwamba munimanya mumpaka niyawiyeko! Ela mimi sikudziyeha mwenye hat̯a. Huyu Muungu anihumiye ni muhikizika, ela nywinywi ntamumudzi.

Yohana 8:2

Kisa chamukoche, magura mapfema, kauja kawii hukuḍe Hekaluni. Iyo saa kut̯uut̯aa wantu wenji na wenji, nae kakaa chihako kaḍabva kuwayongweeza.

Yohana 8:20

Yesu kanena haya haya yonse epfoakiyongweeza humuḍe Hekaluni, hafufi na haya masand̯uku ya kuwekea mvuugiya. Ela ntaku muntu amugijiye kwa dzambo ḍya kwamba wakatiwe wiwa ntaudzafika.