Matayo 25:20 - Pokomo

²⁰ Huyuḍe muhumisi apfegejwe t̯alant̯a nsano za fwedha epfokudza kamwamba, ‘Ḅwana, kunimpa t̯alant̯a nsano za fwedha, nami nizihendea kazi hat̯a nipata faiḍa ya t̯alant̯a zingine nsano.’

Matayo 25:20 ပူးပေါင်းရင်းမြစ်များ

Matayo 18:24

D̯ubva epfoakihenda hivi, kadzakayehejwa muhumisijwe mumodza eyeakimuḍai mamilioni ya fwedha.

Luka 19:13

Asidzanuka, kawahana wahumisiwe kumi, kawapfa fwedha sawa na kawamba, ‘Zihendeyeni guzi hizi fwedha hizi hat̯a nidzepfouja.’

Mahendo 20:24

Kenge hat̯a vivyo haya maisha yangu sikwakuyaonani na maana muno kwangu. Cha mud̯a kwangu ni kwisa hi kazi ya Ḅwana Yesu animpiyeyo kuhenda. Yani kazi ya kulalabva *Maagu Mema ya t̯ei ya Muungu.”

1 Wakorint̯o 15:10

Ela kwa dzambo ḍya t̯ei ya Muungu anifwiiyeyo, nigala hivi niivyo, na hizi mvonize animpiyezo ntazikwenda ḅasi. Koro nihenda kazi na hiḍu kuchia hawa ntumi wangine wonse. Ela haswa haswa simi niihendeye, ni haya mat̯ola ya Muungu animpiyeyo kuihendea hi kazi.

Wakolosai 1:29

Ndiyo maana hi hii kazi nyakuihendani na hiḍu muno. Nyakujwanani kuihenda na nguvu zangu zonse za Kirist̯o animpiyezo.

Yakobo 2:18

Wewe unaweza kunena kwamba, wangine wakiwa na faro ni sawa, na wangine wakiwa na mahendo mema ni sawa. Ela niyanga namuna ya muntu evyonaweza kuwa na faro pfasipfo kuwa na mahendo mema, nami nakuyanga hi faro yangu kwa haya mema niyonahenda.