Matayo 24:39 - Pokomo

³⁹ Na wantu ntawakuhambuya kwamba kujwakuhendekani, mumpaka hi zuruwa idzepfoikiwayaga madzi tswee. Ndookomu hat̯a kudza kwa Mwana jwa Ad̯amu kudzawa dzevihivi.

Matayo 24:39 ပူးပေါင်းရင်းမြစ်များ

Matayo 16:27

Mimi Mwana jwa Ad̯amu nidzakudza na marembo ya Baba na malaikawe wonse. Na nidzamuhukumu kula muntu kuuḅana na mahendoye.

Matayo 24:3

Ḅaad̯aye Yesu ewa kakaa chihako Murima wa Mizeituni. Wanafund̯iwe wamwendea wakiwa wao heket̯u na wamuuza wamwamba, “Ḅwana, aya mambo uhwambiiyeyo yanahendeka ngera ga? Kunawa kihambwiizo ga cha kuyanga kwamba ngera ya kuuja kwako na mwiso wa lumwengu vimaafika?”

Matayo 24:30

Makisa kudzaonekana mbinguni hichi kihambwiizo cha kuyanga kudza kwangu mimi Mwana jwa Ad̯amu. Hapfo wantu wonse wa vyeet̯i vya lumwengu wadzaiya na kudziut̯i. Wadzamuona Mwana jwa Ad̯amu akidza na nguvu na marembo makuu kuyawa mawinguni.

Matayo 24:37

Ngera ya kudza kwa Mwana jwa Ad̯amu, wantu wadzahendeka dza hiviḍe wevyohendeka ngera ye zuruwa ya Nuhu.

Matayo 24:40

Wantu wawii wadzawa wakihenda kazi nkondeni. Mumodza kadzahwajwa na huyu yungine kadzayatswa.

Luka 19:44

Wadzakunanga wewe na kuwayaga wantuwo. Ntakukudzahafa iwe hat̯a modza dzuu ya iwe ḍingine. Koro nkukuhambuya ngera za Muungu adziyezo kukupfonya.”

Yohana 3:20

Koro kula eyenahenda mazuka kaukeva hu muyanga, na nkawezi kuufikia hafufi kwa dzambo ḍya kushooga kwamba haya mahendoye yanamanyikana.

Mahendo 13:41

‘Pfindiiyani, nywinywi wabalifit̯u! Makani mubad̯e! Koro hichi nichokuhendani mukiwa mojo, ni kintu cha kwamba ntamut̯okihikiza, hat̯a muntu akikimusumwiiya!’ ”

Warumi 1:28

Kwa kwamba wadziza kumuhambuya Muungu, nae Muungu kawayatsa wakidzit̯aria haya mat̯aro yao mazuka mazuka, ili kwamba wakidzihendea ḅasi haya mambo wasiyomala kuyahenda.

2 Pet̯ero 3:5

Ela wanadziareresa nangere kwamba, kae Muungu kanena chuuwo t̯u, na mbingu ziumbika. Na pia kajuumba huju lumwengu kuyawana na madzi.