Matayo 24:30 - Pokomo

³⁰ Makisa kudzaonekana mbinguni hichi kihambwiizo cha kuyanga kudza kwangu mimi Mwana jwa Ad̯amu. Hapfo wantu wonse wa vyeet̯i vya lumwengu wadzaiya na kudziut̯i. Wadzamuona Mwana jwa Ad̯amu akidza na nguvu na marembo makuu kuyawa mawinguni.

Matayo 24:30 ပူးပေါင်းရင်းမြစ်များ

Matayo 24:3

Ḅaad̯aye Yesu ewa kakaa chihako Murima wa Mizeituni. Wanafund̯iwe wamwendea wakiwa wao heket̯u na wamuuza wamwamba, “Ḅwana, aya mambo uhwambiiyeyo yanahendeka ngera ga? Kunawa kihambwiizo ga cha kuyanga kwamba ngera ya kuuja kwako na mwiso wa lumwengu vimaafika?”

Matayo 24:37

Ngera ya kudza kwa Mwana jwa Ad̯amu, wantu wadzahendeka dza hiviḍe wevyohendeka ngera ye zuruwa ya Nuhu.

Matayo 24:39

Na wantu ntawakuhambuya kwamba kujwakuhendekani, mumpaka hi zuruwa idzepfoikiwayaga madzi tswee. Ndookomu hat̯a kudza kwa Mwana jwa Ad̯amu kudzawa dzevihivi.

Matayo 26:64

Yesu kamwambukuya kamwamba, “Kuvinena wewe mwenye. Ela hachi nyakumwambiani, hangu hi hii saasambi mudzaniona mimi Mwana jwa Ad̯amu nikaa mukono kuyume wa hila wa Muungu mwenye nguvu zonse. Na mudzaniona nikisuka na mawingu kuyawa mbinguni dzuu.”

Marko 13:26

Hapfo ndipfo wantu wonse wadzepfomuona mwana jwa Ad̯amu akidza na nguvu na marembo makuu mawinguni.

Marko 13:4

“Ḅwana, aya mambo uhwambiiyeyo yanahendeka ngera ga? Ni kihambwiizo ga kidzechoyanga kwamba haya haya mambo yamaawa hafufi kuhendeka?”

Luka 21:27

Makisa wantu wadzaniona mimi *Mwana jwa Ad̯amu nikidza mawinguni na nguvu na marembo makuu.

Luka 22:69

Ela hangu hi hii saasambi mimi Mwana jwa Ad̯amu nijwakukaa mukono kuyume wa Muungu mwenye nguvu.”

Mahendo 1:11

Wawauza wawamba, “Wantu wa Galilaya, kut̯i musumama hapfa mukwakuḍabvani nd̯ulu yuwinguni dzuu? Huyu Yesu ahwaijwe kwenu kwenda mbinguni, anauja dza viviḍe mumuoneyevyo akiwa kwendani mbinguni.”

2 Watesalonike 1:7

Makisa swiswi nanywi kadzazihunwiiya hizi hizi d̯ina na hunapata kusoha. Haya yadzahendeka ngera za Ḅwana jwehu Yesu adzepfot̯upuka kuyawa mbinguni. Jeje na malaikawe wenye nguvu, wadzasuka kuyawa dzuu

Upfenuo wa Yohana 1:7

T̯asikiani! Yesu kakudzani! Kakudzani na mawingu na kula dzitso ḍidzamuona. Hat̯a hawaḍe wamusimikiyeo wakimuyaga nao pia wadzamuona. Na vyeet̯i vyonse vimudziziyevyo, vidzasikit̯ika kwa dzambo ḍya kudzakwe. Na ndivyo vidzevyowa! Amina.

Upfenuo wa Yohana 12:1

Kisa niona dzambo kuu ḍya mafara ḍihendekeyeḍyo huku yuwinguni dzuu. Niona muke avwikijwe dzuwa, na hu mwezi wiwa nsii ya nyajoze. Kitswani mwakwe ewa kavwikwa kirauni cha kihaju, cha nyoha kumi na mbii.