Matayo 23:4 - Pokomo

⁴ Wanakaa na kuwapfagaaza wantu vimbogo viziho viziho vya masharia ya kiḍini, na hali wao wenye ntawawezi kunuya hat̯a mukono wao wawasaiḍie.

Matayo 23:4 ပူးပေါင်းရင်းမြစ်များ

Matayo 23:23

Nywinywi waalimu wa Sharia na Mafarisayo mudzawa na d̯ina iyodze na umbiimbii wenu! At̯i munakaa na kuyavya fungu ḍya kumi ḍya hat̯a ḅizari na vit̯akat̯aka vingine vya kumbikia. Ela ntamungizie maanani dzuu ya kuwa na faro kwa Muungu na kuwahendea wangine mambo yeyo ya hachi pfamodza na kuwafwiya t̯ei wangine. Na hali haya haya ndiyo mambo muhimu ya kwamba hi Sharia inamumala muyahende pfasipfo kuyaarerwa hayaḍe yangine.

Matayo 23:3

D̯ubva nichokumwambiani ni kwamba hendani kula wechonamwambia dzuu ye Sharia, ela namutset̯aḅa haya mahendo yao. Koro wao wenye ntawakae na kuhenda haya weyonakaa na kuyongweeza.

Luka 11:46

Ela Yesu kamwamba, “Hat̯a nanywi waalimu wa Sharia, mudzawa na d̯ina iyodze! Munawapfagaaza wantu vimbogo viziho viziho vya masharia ya kiḍini, na hali nywinywi wenye ntamuwezi kunuya hat̯a mukono muwasaiḍie.

Mahendo 15:10

D̯ubva, kut̯i anywi mwakutsakani kumuḍema Muungu kwa kuwapfaza hawa wanafund̯i mizigo ambayo swiswi nolawe wabibi zehu ntawakuiweza?

Mahendo 15:28

Huyu Ruhu Mudheru naswi hwaa chuuwo kimodza cha kutsamupfaza muzigo uḍewonse zaid̯i ya haya mambo muhimu ya kwamba:

Wagalatia 6:13

Hat̯a nao, wao wahinyijweo, ntawakwakuziuḅani hizi *Sharia zonse. Ela wanatsaka muhinywe wapate kudzishad̯a dzuu ya kuhinywa kwenu.

1 Yohana 5:3

Koro kumutsaka kwehu Muungu, ni kuzigija hizi amurize. Na kuzigija amuri zakwe si vyumu hat̯a,

Upfenuo wa Yohana 2:24

Ela kuna wangine wenu huko Thiatira mudziziyeo kuyauḅa haya mayongweezo ya Yezebeli na ntamukudzingiza kwa haya ya wantu wangine weyonakwamba ni “ngadzi za Shaat̯ani.” Mimi nami siwezi kumupfaza muzigo ungine zaid̯i.