Matayo 23:23 - Pokomo

²³ Nywinywi waalimu wa Sharia na Mafarisayo mudzawa na d̯ina iyodze na umbiimbii wenu! At̯i munakaa na kuyavya fungu ḍya kumi ḍya hat̯a ḅizari na vit̯akat̯aka vingine vya kumbikia. Ela ntamungizie maanani dzuu ya kuwa na faro kwa Muungu na kuwahendea wangine mambo yeyo ya hachi pfamodza na kuwafwiya t̯ei wangine. Na hali haya haya ndiyo mambo muhimu ya kwamba hi Sharia inamumala muyahende pfasipfo kuyaarerwa hayaḍe yangine.

Matayo 23:23 ပူးပေါင်းရင်းမြစ်များ

Matayo 12:7

Ela t̯ambere mumanyie maana ya haya matsoro yambiiyeyo, ‘Mimi si haḍya ya mvuugiya zenu, ela natsaka mukifwiyana t̯ei nywinywi kwa nywinywi,’ ntamundekaa mukialat̯a wantu kwamba wana matsowa.

Matayo 23:13

Ela nywinywi Mafarisayo na waalimu wa Sharia mudzawa na d̯ina iyodze na umbiimbii wenu! Nywinywi kuunjia Uhaju wa Mbinguni ntamu haḍya, na hawaḍe weokutsakani kuunjia nao pia mwakuwafungiyani watseunjia!

Matayo 9:13

Endani mukalache maana ya haya matsoro yambiiyeyo, ‘Mimi si haḍya ya mvuugiya zenu, ela natsaka mukifwiyana t̯ei nywinywi kwa nywinywi.’ Koro mimi sikudzia wantu weonadziona kwamba ni wahachi, ela nidzia wanabvise.”

Luka 11:42

Mudzawa na d̯ina iyodze nywinywi Mafarisayo! Ntamutsowe kumuyaviza Muungu fungu ḍya kumi ḍya kiḍechonse mwichonapata hat̯a kiwe kachuchu mala ga. Ela munabalifa kuhenda hachi na kumutsaka Muungu. Haya yanamumala kuhenda pfasipfo kubalifa hayaḍe yangine yeyo machuchu.

Luka 18:12

Mimi nakaa na kufunga myeedha miwii kwa ḍyuma, na kuyavya fungu ḍya kumi kwa kula nichonapata.’