Matayo 22:5 - Pokomo

⁵ Ela vivyo hawaḍe wantu wamupuudhya na wagija shuuli zao. Mumodza kenda nkondeni kwakwe na yungine kenda guzini kwakwe.

Matayo 22:5 ပူးပေါင်းရင်းမြစ်များ

Matayo 13:22

Hiziḍe mbeju zigwiyezo miwani ni dza hawaḍe weonakisikiiya chuuwo cha Muungu, ela mirumiru za maisha na makulekule ya ujabva wa huju lumwengu vinawalinga na kukishumpanya hichi chuuwo. Ndookomu hichi chuuwo ntakivyae matunda yaḍeyonse myojoni mwao.

Matayo 22:4

D̯ubva kahuma wahumisi wangine kawamba, ‘Endani mukawahane hawaḍe wantu niwaalikiyeo muwambe kwamba hi jila imaawa t̯ayari. Wambeni nitsinza masanga na waḍondo wangine wanono wanono, na sasa kula kintu cha t̯ayari.’

Matayo 22:6

Na hawaḍe wangine waalikijweo wawagija hawa wahumisi na wawahendea kinyaya, makisa wawayaga.

Yohana 2:16

Na kawaamuru hawa weowakiguza ndiwa kawamba, “Wayavyeni hapfa! Yatsani kuihendeza nyumba ya Baba kuwa soko!”

Mahendo 2:13

Ela wantu wangine wawabaladhaiya hawa wahikiza wawamba, “Hawa waruma nawe!”

Mahendo 24:25

Kenge Paulo epfogija kunena dzuu ya kuwa muhachi, dzuu ya kudzimiza, na dzuu ya nsiku ya hukumu iyokudzani, Feliki kanjia oga na kamwamba, “Kwe saasambi le unaweza kwenda. Nalacha namfasi ya kukuhumia muntu ḅaad̯aye akuhane.”

Warumi 2:4

Ambu kwakumubalifani Muungu kwa dzambo ḍya kwamba jeje ni munanso muno kwako? Yani kwakuonani kwamba jeje si muharaka jwa kukuadhiḅu na kakukuit̯isiani! Munamba nkwaona hat̯a kwamba hu huu wemawe wonse eokukuhendeani, kakukupfani namfasi nangere ili upate kupfyehuza mama?

Warumi 8:6

Huyuḍe eyenaiyatsa hi akili yakwe ikat̯aria mambo ya kimwii, anadziyeheya kufwa. Ela huyuḍe eyenadziyatsia kuyongojwa ni huyu Ruhu jwa Muungu, Muungu anamumpa maisha mapfya na naghea.

2 Timoteo 3:4

Wadzawa wantu wasiohikizika, weo na musindiiyo na weo na kudziona kwinji. Wadzatsaka raha, zaid̯i ya kumutsaka Muungu.

Waeburania 2:3

D̯ubva hukitsaufwanya mupfonyo mukuu dzohuu, hunapfona kutsahukumigwa? Huyu Ḅwana mwenye ndiye jwa d̯ura aneneye dzuu ya hu huu mupfonyo. Na hawa wamusikiiyeo, wavihuyanga tswee kwamba ni ḍugha.

2 Pet̯ero 2:3

Kwa dzambo ḍya uhamile wao, hawa waalimu wa nsuwe wadzamusumwiiya mambo menji ya nsuwe ili mupate kuwapfa fwedha. Ela hukumu yao Muungu kaiwawekea iiḍe na hakika anawananga-nanga.