Matayo 21:21 - Pokomo

²¹ Yesu kawambukuya kawamba, “Hachi nyakumwambiani, mukiwa na faro na mukitsaawa na kajela iḍeyonse, ntamunaweza kuhenda dza haya yahendekeeyo kwa hu mutini t̯u, ela hat̯a mukiwambia hu murima huu, ‘Kuka wende ukagwe ḅaharini.’ Vinahendeka.

Matayo 21:21 ပူးပေါင်းရင်းမြစ်များ

Matayo 14:29

Na Yesu kamwamba, “Nzoo!” D̯ubva Pet̯ero kasuka na humuḍe chomboni na kaḍabva kwenenda dzuu ya haya madzi akimwendea Yesu.

Matayo 17:20

Yesu kawambukuya kawamba, “Ni kwa dzambo ḍya kwamba ntamwiiwa na faro ya kut̯osa. Koro hachi nyakumwambiani, hat̯a t̯ambere mundeewa na faro iyo ndoḍo sawa sawa na mbeju ya tsare, mundeweza kuwambia hu murima huu muwambe, ‘Kuka na hapfa wende hapfaḍe!’ Nao undeekuka. Koro ntakundeewa na ḍiḍeḍyonse ḍya kumushinda.”

Matayo 21:20

Hawa wanafund̯i wepfoona hivi wamaka muno hat̯a wauza wamba, “Hu huu mutini unyuuka harakadze?”

Matayo 8:12

Ela hawaḍe weopangijwa kuwa wantu wa hu huu Uhaju, Muungu kadzawafat̯ula kiza cha nze, wadzekoiya na kurhigha magego.”

1 Wakorint̯o 13:2

Na naweza kuwa na t̯ola ya kusumwiiya maagu ya Muungu, naweza kumanya kula kintu na kuimuka ngadzi zonse, naweza kuwa na faro ya kut̯osa kusamya mirima, ela ninkitsaawa na matsako kwa wangine, mimi si maana yaḍeyonse.

Yakobo 1:6

Ela muntu akwakuyombani, ni had̯i amuserefat̯e Muungu, ni kutsaawa na umbiimbii. Maanaye, muntu eye na umbiimbii ni dza wimbi ḍya ḅahari ḍiḍyonabigwa ni mpepfo ḍikapfiikwa huku na huku.