Matayo 21:19 - Pokomo

¹⁹ Kaona muhi wa mutini wiwokuwa geri ye njia, d̯ubva kawendea hafufi akayowe kwamba anaweza kupata matunda yaḍeyonse. Ela epfoufika nkakuona kintu, ishinu kaona magomba mahupfu. Ndookomu Yesu kawamba hu mutini, “Silani utsevyaa tunda hat̯a modza kawii!” Na pfapfo huḍe mutini unyuuka.

Matayo 21:19 ပူးပေါင်းရင်းမြစ်များ

Matayo 21:20

Hawa wanafund̯i wepfoona hivi wamaka muno hat̯a wauza wamba, “Hu huu mutini unyuuka harakadze?”

Marko 11:14

Ndookomu Yesu kawamba hu mutini, “Silani kutseewa yuḍejwonse jwa kuḍya tunda ḍyako kawii meshi.” Na epfonena hivi, hawa wanafund̯iwe wewa wamusikia.

Marko 11:20

Chamukoche magurani, Yesu na wanafund̯iwe wepfowakichia wauona huḍe mutini unyuuka wonse mumpaka mizini.

Luka 3:9

Na sasa hiḍi shoka ḍimakwisa kuwekwa t̯ayari. D̯ubva kula muhi usiwovyaa matunda mema unakentwa na unakwangukijwa mohoni.”

Yohana 15:2

Kula hambi ḍya hu muzabibu ḍisiḍyovyaa matunda, anaḍikenta. Ela kula hambi ḍiḍyonavyaa matunda, anaḍipfeeya ili ḍipate kuvyaa matunda zaid̯i.

Yohana 15:6

Yuḍejwonse asiyekaa kuzimuni mwangu, huyo anawa dza hambi ḍisiḍyovyaa. Na mahambi dzayo yanafat̯ulwa yakanyuuka kisa yanaundukizwa na yakatsomwa.

2 Timoteo 3:5

Nanze wanaonekana wantu wachuuwo, ela mahendo yao yanayanga kwamba wakuikanani hi nguvu ye chuuwo cha Muungu. Dzit̯anye na wantu dzao.

Tito 1:16

Wanakwamba wamumanya Muungu na huku mahendo yao yanayanga ya kwamba ntawamudzi. Hawa ni wantu wa Muungu at̯ukiiyeo, wasiomut̯ii na wala wasioweza kuhenda dzambo dzema ḍiḍeḍyonse.

Yud̯a 1:12

Wepfonakaa kuḍyani pfamodza nanywi dza wantu wa Ḅwana, wanamungiza t̯amba zuka kwa dzambo ḍya kwamba, wanakaiya kudzimuud̯amia wao heket̯u pfasipfo hat̯a yutswa. Hawa hawa waalimu wa nsuwe waa dza mawingu ya mvuya yeyonabigwa ni vut̯o ḅasi na yakatsayeha mvuya iḍeyonse. Waa dza mihi isiyovyaa matunda hat̯a ikiwa kwamba ni ngera ya kwamba iwe na matunda. Waa dza mihi ifwiyeyo na ikikujwa-kujwa na miziye.

Upfenuo wa Yohana 22:11

Huyuḍe eyekuhendani mazuka, nagije kuhenda mazuka. Huyuḍe eyekuhendani mambo machafu machafu, nagije kuhenda mambo machafu machafu. Ela huyuḍe eyekuhendani hachi, nagije kuhenda hachi. Na huyuḍe eye mudheru, nagije kuwa mudheru.”