Matayo 19:29 - Pokomo

²⁹ Na kula amuyatsiye ise na nina ambu wanduguzwe, wanawe, madzumbaye ambu hat̯a makondeye kwa dzambo ḍyangu, huyo anapfokea myeedha gana zaid̯i na anapata maisha ya kuunga na yuungo.

Matayo 19:29 ပူးပေါင်းရင်းမြစ်များ

Matayo 10:22

Na wantu wenji wadzamukeva kwa dzambo ḍyangu. Ela huyuḍe adzeit̯isa hat̯a mwiso, kadzapfonywa.

Matayo 13:23

Na hiziḍe mbeju zigwiyezo kwiiko na mutsanga munono, ni dza hawaḍe wantu weonakisikiiya hichi chuuwo na wakachigija na mojo mumodza. Maisha yao yanamuvyaiya Muungu matunda dza hiviḍe vya muhi wivyonavyaa mumpaka ukaara gomba.”

Matayo 13:8

Ela mbeju zingine zigwa kuntu kwa mutsanga munono na zivyaa chima cha nseensee miyongo mihahu zaid̯i ya hiviḍe zishat̯ijwevyo. Zingine zivyaa chima cha miyongo mihandahu ambu gana, zaid̯i ya hiviḍe zishat̯ijwevyo.

Matayo 16:25

Yuḍejwonse atsakiye kuyapfonya maishaye ya hapfa lumwenguni, anadzitsovya maisha ya kuunga na yuungo. Ela huyuḍe eye t̯ayari kudzitsovya maishaye ya hapfa lumwenguni kwa dzambo ḍyangu, huyo anapata maisha ya kuunga na yuungo.

Matayo 19:16

Nsiku modza kwenda muntu kwa Yesu na kamuuza kamwamba, “Mwaalimu, inanimala nihende dzambo dzema ga, ili niweze kuwa na maisha ya kuunga na yuungo?”

Matayo 25:34

Makisa kadzanena na hawaḍe weo mukono wakwe wa kuyume kadzawamba, ‘Nywinywi muvodhyejweo ni Baba jwangu, nzoni. Nzoni munjie Uhajuni mwa Muungu muuelekanyizijweo hangu kuumbwa kwa lumwengu.

Matayo 25:46

Ndookomu hawa wantu wazuka wadzangizwa pfantu pfa adhaḅu isiyosia. Ela wahachi wadzangizwa pfantu pfa maisha ya kuunga na yuungo.”

Matayo 5:11

Mudzawa na tsekea iyodze, nywinywi mukitsolwa ni wantu, na kukuntiswa d̯ina na kunenejwa kula aina ya nsuwe kwa dzambo ḍyangu.

Matayo 6:33

Ela nywinywi ulacheni nguzi Uhaju wa Muungu, na muishi maisha ya kumutsakiza jeje, na hayo yangine yonse anayamumpa.

Luka 14:26

“Yuḍejwonse atsakiye kuniuḅa na kuwa mwanafund̯i jwangu, ni had̯i anitsake mimi kuchia babajwe na mamajwe, mukaziwe na wanawe, wanduguzwe na waimbuzwe na hat̯a maishaye mwenye.

Luka 5:11

D̯ubva wepfokwojeka wayatsa kula kintu na wamuuḅa Yesu.

Luka 6:22

Mudzawa na tsekea iyodze, nywinywi mukikevegwa ni wantu na kujibat̯wa na hat̯a kutsolwa na kwambigwa kwamba mu wazuka kwa dzambo ḍya kunihikiza mimi Mwana jwa Ad̯amu!

Yohana 15:19

T̯ambere mundeewa wantu wa huju huju lumwengu, lumwengu jundeemutsaka. Ela lumwengu jumukeva kwa kwamba nywinywi ntamukwaa wa huju lumwengu. Mimi nimutsana kuyawa kwa huju lumwengu.

Yohana 4:36

Na hawa wavunai wamaakuipfwani kwa kazi yao weyokuhendani. Wechokuvunani ni hawaḍe wantu weokuhikizani, wadzeopfokea maisha ya kuunga na yuungo. Ndookomu hangu huyu eyenaima hat̯a eyenavuna, wonse wadzatsaika pfamodza.

Mahendo 9:16

Na mimi mwenye namuyanga menji yadzeyomumala kukuntiswa d̯ina kwa dzambo ḍyangu.”

1 Wakorint̯o 2:9

Ni dza vya matsoro yaneneyevyo yakyamba, “Hikiḍe cha wantu wasichokiona na matso ambu kuchisikia, na hikiḍe cha wantu wasichokit̯aria kwamba kinahendeka, hicho ndicho cha Muungu awaelekanyiziyecho hawaḍe wonse wamutsakiyeo.”

2 Wakorint̯o 5:16

Hangu hwipfohikiza, ntahupime muntu na mat̯aro ya kilumwengu. Gula d̯ura hwikimuhwaa Kirist̯o na hiyo hiyo njia, ela sasa huviyatsa.

Wafilipi 3:8

Gula si hayo t̯u, ela kula kintu nakiona dza hansara ntupfu kwa kwamba natsaka kumumanya Kirist̯o Yesu Ḅwana jwangu, dzambo ḍiiḍyo na thamani kuchia mambo yangine yonse. Nikuḅali kujibat̯a kula kintu kwa dzambo ḍyakwe, koro hayo hayo yonse niyaona kwamba ni kinyenye ili niweze kumupata Kirist̯o.

1 Pet̯ero 4:14

Munapata mvoni iyodze, mukitsolwa kwa dzambo ḍya kumuhikiza Kirist̯o, koro Ruhu ya marembo ya Muungu yaa pfamodza nanywi!

3 Yohana 1:7

Koro wepfonjia charo cha kwenda na kuhenda kazi ya Ḅwana, wadziza kupfokea ugijo uḍewonse kuyawa kwa wantu wasiokuwa wahikiza.