Matayo 13:48 - Pokomo

⁴⁸ Ipfonadzaa, hawa walowa wanainuha wakaiyavya gubani. Wanakaa chihako wakaḍabva kutsana-tsana hivi visembe. Hivi visembe vyema vyema wanavihwaa wakavingiza vikapfuni, ela hiviḍe visivyo maana wanavihwaa wakavifat̯ula.

Matayo 13:48 ပူးပေါင်းရင်းမြစ်များ

Matayo 13:30

Ishinu viyatseni vikuye pfamodza. Ngera ya mavuno idzepfofika nawamba hawa wahenda kazi waḍikuye-kuye hiḍi pfaiya na waḍifunge-funge malopa waḍigibvile moho. Ela nawambia kwamba hi nganu waivune na wainingiziye chihaani.’ ”

Matayo 13:47

Yesu kasumwiiya inganyo ḍingine kamba, “Na kawii Uhaju wa Mbinguni waa dza nyavu iyonagiswa madzini na ikagiza kula aina ya kisembe.

Matayo 13:49

Ḅasi hivi hivi ndivyo vidzevyowa nsiku ya mwiso. Hawa malaika wadzawat̯anya wantu wahachi na wazuka.

Matayo 3:12

Mikononi mwakwe kagija yutseo jwa kuvut̯ia. Kaa t̯ayari kudzaivut̯ya hi bvaro na aḍisafise hiḍi hanga. Hi bvaro nyema anaihwaa anaingiza chihaani, ela haya mapfapfi anayangiza mohoni nayo yanapfya moho usiozimika.”

Matayo 4:18

Nsiku modza Yesu epfoakyenenda geri ya ziwa ḍya Galilaya, kaona ndugu wawii. Wewa ni Simioni eyeakihanigwa Pet̯ero na huyu ndugujwe ekihanigwa And̯erea. Hawa wandugu wowii wekilowa na nyavu koro wewa wantu wa kulowa.