Matayo 13:24 - Pokomo

²⁴ Yesu kadza kawasumwiiya wantu inganyo ḍingine kamba, “Uhaju wa Mbinguni unaingana na muntu ashat̯iye mbeju nyema za nganu nkondeni mwakwe.

Matayo 13:24 ပူးပေါင်းရင်းမြစ်များ

Matayo 13:19

Hiziḍe mbeju zigwiyezo njiani, ni dza hawaḍe wantu weonayasikiiya haya maagu ya Uhaju wa Mbinguni na wakatsayaimuka. Muzuka Shaat̯ani anakudza na kuwapfoka hiḍe mbeju ye chuuwo cha Muungu ishat̯ijweyo myojoni mwao.

Matayo 13:25

Ela huḍe sikuwe, kula muntu epfoakiyaa, kwenda nyabvajwe hukuḍe nkondeni endeyeakishat̯a mbeju za pfaiya makisa akigonzowa.

Matayo 13:31

Yesu kawasumwiiya inganyo ḍingine kawamba, “Uhaju wa Mbinguni nauinganya na mbeju ya tsare imeeyeyo nkondeni.

Matayo 13:33

Yesu kawasumwiiya inganyo ḍingine kawamba, “Uhaju wa Mbinguni nauinganya na hamira ya muke ahwaiyeyo akiikandia mukahe. Ingawa hu unga wiwa ni mwinji na mwinji, hi hamira injia-njia, na hu unga wonse ufura hat̯a uhenda mukahe mukuu na mukuu.”

Matayo 13:37

Nae kawamba, “Huyu muntu endeye kushat̯ani mbeju, ni dzami *Mwana jwa Ad̯amu.

Matayo 13:47

Yesu kasumwiiya inganyo ḍingine kamba, “Na kawii Uhaju wa Mbinguni waa dza nyavu iyonagiswa madzini na ikagiza kula aina ya kisembe.

Matayo 18:23

Ninena hivi kwa kwamba Uhaju wa Mbinguni uingana na haju mumodza eyeakitsaka kuhenda hesaḅu ya haya marando eyoakiwaḍai hawa wahumisiwe.

Matayo 20:1

Makisa Yesu kagija kunena na hawa wanafund̯iwe kawamba, “Uhaju wa Mbinguni waa dza mwenye nkonde arookeye magura kwendalacha wantu wa kwendahenda kazi nkondeni mwakwe mwa mizabibu.

Matayo 21:33

Yesu kagija kunena kamba, “T̯asikiiyani hiḍi inganyo ḍingine hiḍi: Kwiwa muntu mumodza eyekuwa na nkonde ya mizabibu. Kairinga na katsimba pfantu pfa kuelekanyia mvinyo, kisa kambaka na kilili cha kwamiiya. Akisa kaikoḍisha hi nkonde kwa wantu wangine waiime, kisa jeje kanjia charoni kenda nsi ingine.

Matayo 22:2

“Uhaju wa Mbinguni uingana na inganyo ḍya haju mumodza ahendeye jila nkuu ya harusi ya muuraniwe.

Matayo 25:1

Yesu kagija kunena kamba, “Uhaju wa Mbinguni nauinganya na haḍisi ya wanawake kumi magalit̯ama wendeyeo harusini. Hawa wanawake wahwaa tsaa zao na wenda waḍabva kumuinda ḅwana harusi.

Matayo 3:2

akyamba, “Pfyehuzani mama, koro Uhaju wa Mbinguni umaawa hafufi.”

Matayo 4:23

Yesu kazinga ḍyimbo ḍyonse ḍya Galilaya, akyenda na kuyongweeza masunagogini na kusumwiiya haya *Maagu Mema dzuu ya Uhaju wa Mbinguni. Na pia kapfonya wantu wenji na wenji weokuwa na majwazi na nd̯wari za kula namuna.

Luka 13:18

Yesu kawauza wantu kawamba, “Uhaju wa Muungu waa dza kintu ga? Ambu niuinganye na kintu ga?

Luka 13:20

Makisa Yesu kanena kawii kamba, “Uhaju wa Muungu niwiinganye na kintu ga?

Wakolosai 1:5

Nywinywi muwatsaka wantu wonse wa Muungu, kwa kwamba muna madzikwat̯yo ya kwamba, munayapata haya mambo mema muyawekeejweyo mbinguni. Haya haya madzikwat̯yo muyapata hangu mwipfosumwiijwa haya Maagu Mema ya hachi, yani hi Injili.

1 Pet̯ero 1:23

koro mumaavyajwa yupfii, kuchiiya na kwa chuuwo cha Muungu, chichonapfa wantu maisha ya kuunga na yuungo. Huku kuvyajwa kwenu yupfii si kuvyajwa kimwii ni benaad̯amu hat̯a, ela ni kuvyajwa kiruhu kuchiiya na kwa chuuwo cha Muungu chichonakaa maishi.