Matayo 12:46 - Pokomo

⁴⁶ Yesu epfoakinena ne t̯ut̯a ya wantu amaale, mamajwe na wanduguzwe wewa wenda wasumama hapfaḍe nze na wekitsaka kunena nae.

Matayo 12:46 ပူးပေါင်းရင်းမြစ်များ

Matayo 1:18

Kuvyajwa kwa Yesu *Kirist̯o kwiwa hidzaa: Maria, huyu adzeyeakimuvyaa Yesu ewa kamanyana na muntu eyeakihanigwa Yusufu. Ela wasidzahwaana, Maria kamiha kuchiiya na kwa nguvu za Ruhu Mudheru.

Matayo 12:47

D̯ubva muntu mumodza kamwamba Yesu, “Ḅwana, mamajo na wanduguzo wasumama hapfo nze wanatsaka kunena nawe.”

Matayo 13:55

Ae ntahukumumanya kwamba ni mwana jwa ayuḍe seremala? Dzaambia mamajwe si Maria? Awa wanduguzwe si aḍe Yakobo, Yusufu, Simioni na Yud̯a?

Matayo 2:11

D̯ubva wepfofika, wanjia humuḍe nyumbani wamuona huyu mwana pfamodza na mamajwe, yani Maria, na wamuvunzia nkuhi kumumpa hila. Makisa wafunguya hizi nkandi zao watsukwiiyezo na wamuyaviza nt̯unu za dhahaḅu, vumba na manemane.

Matayo 2:20

“Yusufu, nuka umuhwae huyu mwana na mamajwe, na ugale nao nsi ya Isiraeli, koro hawaḍe weowakitsaka kumuyaga huyu mwana wesakufwa.”

Marko 2:21

Yesu kongeza kunena kamba, “Ntaku muntu eyenasona kiraka cha nguo mpya dzuu ya nguo ijariyeyo. Koro akihenda dzavyo, hiki kiraka kinaihendeza hi nguo ya kae itsafurike-tsafurike, na hapfa pfaḅaikiyepfo pfanakwongezeka.

Marko 6:3

Dzaambia huyu huyu si ayuḍe seremala mwana jwa Maria? Na awa wanduguzwe si aḍe Yakobo, Yose, Yud̯a na Simioni huwamanyiyeo tswee? Awa waimbuzwe, si wantu hwiwokuishini nao humu humu mudzini?” Ndookomu wamungizia t̯ukio.

Luka 1:43

Ami ni ga, hat̯a mama jwa Ḅwana jwangu anidzie mimi?

Luka 2:33

Ise na nina huyu mwana wamakiswa ni vyuuwo vinenejwevyo ni Simioni dzuuye.

Luka 2:34

Makisa Simioni kawavodhya kisa kamwambia Maria, “Huyu mwana huyu kadzawahendeza wenji wa wantu wa Isiraeli wapfonyegwe na wangine waare. Kadzawa kihambwiizo cha Muungu, ela wantu wenji wadzamudziza.

Luka 2:48

Mambo hayo yamumakisa ise na nina muno. Makisa mamajwe kamuuza, kamwamba, “Mwanangu, maana ya kuhuhenda hivi hivi ni? T̯ayowa, ami na babajo hwikikulacha na d̯ina kula pfantu, katsi kwapfahapfa!”

Luka 2:51

D̯ubva Yesu kagijana nao, wauja Nazareti na nkakuyatsa kuwat̯ii. Maria kayaweka haya yonse mojoni mwakwe.

Luka 8:10

Nae kawambukuya kawamba, “Nywinywi muḍyaalijwa kuimanya hi siri ya Uhaju wa Muungu. Ela wangine wanayambijwa ḅasi kimafumbo. Ndookomu kuona wanaona, ela ntawahambuye kintu. Kusikiiya wanasikiiya, ela ntawaimuke kintu.”

Yohana 19:25

Hafufi na hu muhi wa mpatsa wa Yesu apfatsikijweo, kusumama mamajwe, t̯ut̯ujwe, pfamodza na Maria mukaza Kileopa na Maria Magid̯alena.

Yohana 2:1

Nsiku ya hahu yakwe, kwiwa harusi ihendekeeyo mudzi wa Kana wiwokuwa ḍyimbo ḍya Galilaya. Mamajwe Yesu nae ewapfo hapfa harusini.

Yohana 2:12

Ḅaad̯aye, Yesu na mamajwe pfamodza na wanduguzwe na wanafund̯iwe, wanuka Kana wenda mudzi wa Kaperinaumi. Hukuḍe wenda wakaa kwa nsiku kachuchu.

Yohana 2:5

Ela mamajwe Yesu kawamba hawa wahumisi, “Kiḍechonse adzechomwambia nywinywi hendani.”

Yohana 7:10

Ela hawa wanduguzwe wepfonuka wakyenda Yerusalemi kwe jila, Yesu nae kanuka kenda na siri pfasipfo kumanyigwa ni wantu.

Yohana 7:3

hawa wanduguzwe Yesu wamwamba, “Si heri unuke wende Yud̯aya ili wanafund̯i wako wapate kuyaona aya mafara ya kumakisa wiyonahenda?

Yohana 7:5

Hawa wanduguzwe Yesu wewa wanena hivi, maanaye hat̯a wao wenye wewa ntawakumuhikiza.

Mahendo 1:14

Wekit̯ut̯aa kuyombani mweedha kwa mweedha pfamodza na wake wangine, na Maria mamajwe Yesu, na wanduguzwe Yesu.

1 Wakorint̯o 9:5

Hawa ntumi wangine na hawa wanduguzwe Ḅwana, pfamodza na Pet̯ero, wao wanakaa wakawahwaa wakazao wakagijana nao humu vyaroni mwao. Munamba ami, ndimi nisiyekuwa na hachi ya kuhwaa muke Mukirist̯o agijane nami amu vyaroni mwangu?

Wagalatia 1:19

Nimuona na Yakobo ndugujwe Yesu. Jeje na Pet̯ero ndiwo ntumi wowii t̯u nit̯ongananiyeo nao.