Matayo 12:38 - Pokomo

³⁸ Nsiku modza Mafarisayo wangine na waalimu wa Sharia wamwendea Yesu wamwamba, “Mwaalimu, hunatsaka uhuyange kihambwiizo cha kuyanga kwamba hu uwezowo uyawa kwa Muungu ḍugha.”

Matayo 12:38 ပူးပေါင်းရင်းမြစ်များ

Matayo 12:37

Koro hivi vyuuwo mwivyonanena yeo, ndivyo vidzevyomuhendeza muonegwe kuwa wahachi ambu vidzevyomuhendeza muhukumigwe.”

Luka 11:16

Wangine watsaka kumuḍema Yesu, ndookomu wamwamba awayange kihambwiizo cha kuwayanga kwamba hu uwezowe uyawa kwa Muungu.

Luka 11:29

T̯ut̯a ya wantu ipfokuwa kwongezekani amaale, Yesu kawamba, “Hawa wantu wa hizi hizi nsiku ni wantu wazuka muno. Wakulachani niwayange kihambwiizo cha kuyanga kwamba niyawa kwa Muungu. Ela siwayange kihambwiizo kiḍechonse, lamud̯a hiki kihambwiizo cha *nabii Yona.

Yohana 2:18

Kisa hawa wakuu wa Kiyahud̯i wamudzia Yesu na wamuuza wamwamba, “Wewe una mamulaka ga ya kuhenda avi uhendeyevyo? Unaweza kuhuyanga kihambwiizo ga cha kuyanga kwamba una mamulaka dzayo?”

Yohana 4:48

Nae Yesu kamwamba, “Nywinywi musidzahendejwa mafara ya kumakisa ntamuwezi kuhikiza!”

Yohana 6:30

Nao wamwamba, “Wewe unaweza kuhuyanga dzambo ga ḍya kumakisa ili hupate kuhikiza hivi wivyokunenani?

1 Wakorint̯o 1:22

Hawa Wayahud̯i wanatsaka vihambwiizo dza ushaahiḍi, hali hawa wantu wasiokuwa Wayahud̯i wanalacha kuwa na mvidhyo.